National AIDS Authority

ចំនួនអ្នកទស្សនាគេហទំព័រ:

ឯកឧត្តមទេសរដ្ឋមន្ត្រី អៀង មូលី បានអញ្ជើញជាអធិបតីដ៏ខ្ពង់ខ្ពស់ក្នុងសិក្ខាសាលាពិគ្រោះយោបល់ស្តីពីការរៀបចំផែនការយុទ្ធសាស្រ្តជាតិទូលំទូលាយ និងពហុវិស័យឆ្លើយតបនឹងមេរោគអេដស៍ និងជំងឺអេដស៍លើកទី៦

នៅព្រឹកថ្ងៃព្រហស្បតិ៍ ៥កើត ខែអស្សុជ ឆ្នំាថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៩ ខែតុលា ឆ្នំា២០២៣ ឯកឧត្តមទេសរដ្ឋមន្ត្រី អៀង មូលី បានអញ្ជើញជាអធិបតីដ៏ខ្ពង់ខ្ពស់ក្នុងសិក្ខាសាលាពិគ្រោះយោបល់ស្តីពីការរៀបចំផែនការយុទ្ធសាស្រ្តជាតិទូលំទូលាយ និងពហុវិស័យឆ្លើយតបនឹងមេរោគអេដស៍ និងជំងឺអេដស៍លើកទី៦ (២០២៤-២០២៨)។ ក្នុងសិក្ខាសាលានេះមានការអញ្ជើញចូលរួមពីឯកឧត្តម លោកជំទាវ លោក លោកស្រី តំណាងស្ថាប័នរាជរដ្ឋាភិបាល អង្គការសង្គមស៊ីវិល តំណាងប្រជាជនគន្លឹះសំខាន់ៗ និងអ្នកផ្ទុកមេរោគអេដស៍។ ក្នុងឱកាសនោះឯកឧត្តមទេសរដ្ឋមន្រ្តី បានថ្លែងអំណរគុណយ៉ាងជ្រាលជ្រៅចំពោះលោកស្រី Patricia Ongpin នាយិការប្រចាំប្រទេសកម្ពុជា (UNAIDS) សម្រាប់ការគាំទ្របច្ចេកទេសដល់ការលើកចក្ខុវិស័យយុទ្ធសាស្ត្រឆ្លើយតបនឹងជំងឺអេដស៍នៅកម្ពុជា ការរៀបចំទិសដៅយុទ្ធសាស្ត្រ ការតស៊ូមតិ ការសម្របសម្រួលសម្រាប់ជំរុញ និងតភ្ជាប់ភាពជាអ្នកដឹកនាំក្នុងស្ថាប័នរដ្ឋ ដៃគូអភិវឌ្ឍន៍ និងសហគមន៍ដើម្បីផ្តល់សេវាសង្គ្រោះជីវិតពីការយាយីនៃជំងឺអេដស៍ក្នុងទសវត្សរ៍កន្លងមក។ សូមថ្លែងអំណរគុណយ៉ាងស្មោះស្ម័គ្រចំពោះទីភ្នាក់ងារសហរដ្ឋអាមេរិកសម្រាប់ការអភិវឌ្ឍន៍អន្តរជាតិ (USAID) រួមទាំងគម្រោង LHSS ដែលបាននឹងកំពុងពង្រឹងប្រព័ន្ធឆ្លើយតបនឹងមេរោគអេដស៍ និងជំងឺអេដស៍ ឱ្យកាន់តែមានប្រសិទ្ធភាព ប្រសិទ្ធផល និងនិរន្តរភាព។

ឯកឧត្តមទេសរដ្ឋមន្ត្រី បានផ្តល់អនុសាសន៍ជូន ឯកឧត្តម លោកជំទាវ លោក លោកស្រី ឱ្យចូលរួមទាំងអស់គ្នាពិនិត្យមើលលើចំណុចសំខាន់បី ៖
១) ពិនិត្យឡើងវិញ(Review) នូវសមិទ្ធិផលនៃកិច្ចខិតខំប្រឹងប្រែងរួមគ្នា។
២) ថ្លឹងថ្លែងឡើងវិញ(Rebalance) អំពីបញ្ហាប្រឈម ឬហានិភ័យ និងឱកាស។
៣) កំណត់ការឆ្លើយតបឡើងវិញ (Recalibrate) ដោយពិនិត្យមើលយុទ្ធសាស្រ្តដើម្បី ពន្លឿនការឆ្លើយតប និងឱ្យសម្រេចគោលដៅបានឆាប់រហ័ស ដោយកំណត់ឡើងវិញនូវសកម្មភាព អាទិភាពថ្មីៗដែលយើងនឹងត្រូវធ្វើក្នុងរយៈពេលប្រាំឆ្នាំខាងមុខ។

សកម្មភាពរបស់ អ.ជ.ប.ជ.អ នៅលើប្រព័ន្ធផ្សព្វផ្សាយ

សារអេឡិចត្រូនិច