ទីផ្សារស្រោមអនាម័យជាវិស័យឯកជនដែលកំពុងរីកចម្រើន
អ្នកលក់ស្រោមអនាម័យឯកជនក្នុងក្រុងពុំសូវសប្បាយចិត្តទេ នៅក្នុងពេលបុណ្យ អុំទូកកាលពីសប្តាហ៍កន្លងទៅ នៅពេលដែលស្រោមអនាម័យសន្ធឹកសន្ធាប់ត្រូវបានចែក ជូនដោយឥតគិតថ្លៃ ដែលចេញពីយុទ្ធនាការសុខភាពសាធារណៈដល់អ្នកមកកម្សាន្ត សប្បាយដើម្បីឱ្យមានសុវត្ថិភាព ក្នុងករណីដែលពួកគេចង់ធ្វើការរួមភេទ ។
លោក កែម វិចិត្រ នាយកក្រុមហ៊ុន ភីភីអ៊ីអេស គ្រុប (PPES Groups)ដែលជា ក្រុមហ៊ុនក្នុងស្រុកលក់ចែកចាយស្រោមអនាម័យ “Yoi” បាននិយាយថា “ពេលបុណ្យអុំទូក ក្រុមហ៊ុនរបស់ខ្ញុំសឹងតែថាគ្មានបានទទួលការបញ្ជាទិញពីផ្ទះសំណាក់ ព្រោះថាអតិថិជន ភាគច្រើនដែលមកភ្នំពេញទទួលបានស្រោមអនាម័យដោយឥតបង់ថ្លៃពី អង្គការក្រៅរដ្ឋាភិបាលនានា” ។
ប៉ុន្តែបុណ្យអុំទូកមានតែម្តងក្នុងមួយឆ្នាំ ក្រុមហ៊ុនឯកជនផ្សេងទៀតនិយាយថា ស្ថាប័នរដ្ឋាភិបាល និង អង្គការក្រៅរដ្ឋាភិបាលដែលបានចែកស្រោមអនាម័យដោយឥត គិតថ្លៃកាលពីសប្តាហ៍កន្លងទៅ បានជួយឱ្យទីផ្សារដែលរកផលចំណេញពីការលក់ស្រោម អនាម័យមានសន្ទុះឡើង ។
អង្គការសុខភាពសាកលហៅថា “សេវាប្រជាជនអន្តរជាតិ (PSI)”ដែលមានប្រតិបត្តិ ការក្នុងស្រុកបច្ចុប្បន្ននេះហៅថា សេវាប្រជាជនខ្មែរ (PSK)គ្រប់គ្រងទីផ្សារស្រោមអនាម័យ មួយភាគធំ ដោយការឧបត្ថម្ភទុនយ៉ាងសន្ធឹកសន្ធាប់ពី ស្រោមអនាម័យម៉ាក Number 1និងOK។ ថ្វីបើអង្គការនៅតែផ្តល់ស្រោមអនាម័យដោយឥតគិតថ្លៃក៏ដោយ ក៏អង្គការបាន ស្វះស្វែងលើកទឹកចិត្តឱ្យប្រជាជនមានទម្លាប់ទិញស្រោមអនាម័យ ដោយចាប់ផ្តើមពីតម្លៃ ទាប ព្រោះថាមូលនិធិម្ចាស់ជំនួយដែលបានផ្តល់ឱ្យសម្រាប់ការបង្កការជំងឺអស់កាលដ៏យូរ មកហើយនោះនឹងត្រូវរីងហួតអស់ ។ ហើយការខិតខំប្រឹងប្រែងរបស់អង្គការបង្ហាញឱ្យឃើញថាមានដំណើរការល្អ ។
ចំពោះក្រុមហ៊ុន Full Well Trading ដែលជាក្រុមហ៊ុនចែកចាយផ្តាច់មុខស្រោម អនាម័យអូកាមូតូ (Okamoto)នៅក្នុងរយៈពេល២ឆ្នាំកន្លងទៅ បានពង្រីកការគ្របដណ្តប់ ទីផ្សារដែលមិនឧបត្ថម្ភទុន ដោយកើនពី៣០% ឡើងទៅ៥០% នៃចំណែកទីផ្សារក្នុងការផ្គត់ ផ្គង់ស្រោមអនាម័យ ដែលធ្វើឱ្យក្រុមហ៊ុនឈរលំដាប់ឈានមុខនៅក្នុងវិស័យឯកជន ។
លោក អឿង វាសនា ប្រធានផ្នែកលក់ក្រុមហ៊ុន Full Well Trading បាននិយាយថា ទីផ្សារត្រូវបានជំរុញឡើងដោយប្រាក់ចំណូលកាន់តែខ្ពស់ និង ការផ្លាស់ប្តូរឥរិយាបទក្នុង ការប្រើប្រាស់ស្រោមអនាម័យ ដែលមួយភាគធំចេញមកពី យុទ្ធនាការអប់រំធ្វើឡើងដោយ អង្គការក្រៅរដ្ឋាភិបាល និង រដ្ឋាភិបាល ។
លោកនិយាយថា កាលពីមុនស្រ្តីធ្លាប់ពឹងផ្អែកទាំងស្រុងទៅលើដៃគូរបស់ពួកគេក្នុង ការទៅទិញស្រោមអនាម័យ ។ ប៉ុន្តែឥឡូវនេះ ពួកគេមានទំនុកចិត្តនៅពេលទៅក្នុងហាង លក់ទំនិញ និង ទិញវាដោយគ្មានការខ្មាសអៀន និង ការខ្សិបខ្សៀវពីអ្នកលក់ឡើយ ។
លោក វាសនា បាននិយាយថា ក្រុមហ៊ុនលក់ស្រោមអនាម័យបានប្រហែល ១លាន ៣សែនស្រោមក្នុងមួយឆ្នាំ ដែលកើនឡើងពីប្រហែលតិចជាង១លាន កាលពី២ឆ្នាំមុន ។ គាត់បាននិយាយថា បើទោះជាមានបរិមាណច្រើនបែបនេះក៏ដោយ ក៏ការលក់របស់ ក្រុមហ៊ុននៅតែមានកម្រិតទាបជាង បើធ្វើការប្រៀបធៀបជាមួយនឹងអ្វីដែលគាត់បានប៉ាន់ ស្មានលើការចែកចាយ ទាំងឥតគិតថ្លៃ និង ការឧបត្ថម្ភទុន របស់អង្គការសេវាប្រជាជនខ្មែរ (PSK)ដែលមានប្រមាណ២០លានស្រោមក្នុងមួយឆ្នាំៗ ។
គាត់បាននិយាយទៀតថា “ដោយការរីកចម្រើនវិស័យឯកជន និង វត្តមានរបស់ អង្គការសេវាប្រជាជនអន្តរជាតិ (PSI) ធ្វើឱ្យទីផ្សារមានប្រការប្រកួតប្រជែងយ៉ាងខ្លាំង ។
ប៉ុន្តែលោកវាសនាបាននិយាយថា យុទ្ធសាស្ត្ររបស់អង្គការសេវាប្រជាជនខ្មែរ(PSK) ដែលណែនាំឱ្យប្រើស្រោមអនាម័យតម្លៃសមល្មមដល់មហាជន បានធ្វើឱ្យអ្នកប្រើប្រាស់ អាចប្តូរទៅទិញស្រោមអនាម័យពាណិជ្ជកម្មដែលមានជម្រើសផ្សេងៗ ហើយជាបណ្តើរៗ បង្កើតបាននូវទីផ្សារដែលមាននិរន្តរភាពមួយ ។
លោក Suresh Krishnanម្ចាស់សហគ្រាស Dhanamដែលចែកចាយលក់ស្រោម អនាម័យ Moodsប៉ាន់ប្រមាណថាវិស័យឯកជនស្រោមអនាម័យកំពុងរីកលូតលាស់ក្នុង អត្រាប្រហែល ៣០% ក្នុងមួយឆ្នាំ ។ ប្រហែល២ឆ្នាំកន្លងទៅ គាត់លក់បានប្រហែលជា មួយពាន់ស្រោមក្នុងមួយខែ ។ បច្ចុប្បន្នគាត់លក់បានប្រហែល២ម៉ឺនស្រោមក្នុងមួយខែ ។
តាមលោក Krishnan វិស័យឯកជនដែលកំពុងពង្រីកត្រូវបានគេមើលឃើញថា ជា ច្រកចូលនៃផលិតផលដែលមិនបានចុះបញ្ជី និង គ្មានសុវត្ថិភាព ដែលគាត់បានប៉ាន់ស្មាន ថាបច្ចុប្បន្នមានម៉ាកសញ្ញាស្រោមអនាម័យប្រហែលជាចំនួន៩ ដែលមិនបានចុះបញ្ជី កំពុង គេចពន្ធនាំចូលមកក្នុងប្រទេស ដែលតាមការប៉ាន់ស្មានរបស់គាត់គឺលើសពីចំនួនផលិត ផលដែលបានចុះបញ្ជី គឺមានប្រហែលជា ៨ម៉ាកសញ្ញាប៉ុណ្ណោះ ។
លោកស្រី Marie-Odile Emond ប្រធានអង្គការយូអិនអេដស៍ (UNAIDS) ប្រចាំ កម្ពុជាបាននិយាយថា ការរីកចម្រើននៃវិស័យឯកជន គឺជាការចង្អុលបង្ហាញដ៏រឹងមាំមួយថា តម្រូវការស្រោមអនាម័យកំពុងមានការកើនឡើង ដែលវាមានសារៈសំខាន់យ៉ាងខ្លាំងនៅ ពេលដែលជំនួយពីអង្គការសុខភាពសំខាន់ៗកំពុងត្រូវបានកាត់បន្ថយ នៅគ្រាដែលកម្ពុជា បានបោះជំហានយ៉ាងសំខាន់ក្នុងការកាត់បន្ថយអត្រាឆ្លងមេរោគអេដស៍/ជំងឺអេដស៍ ។
លោកស្រី Marie-Odile Emond បាននិយាយថា “ចំនួនស្រោមអនាម័យឥតគិតថ្លៃ មានកាន់តែតិចទៅ បើទោះជាគេអាចរកទិញបានក្នុងតម្លៃថោកពីអង្គការនានាក៏ដោយ ។ ប៉ុន្តែមនុស្សកាន់តែច្រើនទិញស្រោមពីឱសថស្ថាន ហើយនោះគឺប្រែក្លាយទៅជារឹតតែអាច ទទួលយកបាន ព្រោះថាគ្មានការអៀនខ្មាស ឬភ័យខ្លាចដូចពីមុន ហើយកម្រិតចំណូល ក៏មានការកើនឡើងដែរ” ។
“ការប្រកួតប្រជែងរវាងក្រុមហ៊ុនឯកជនគឺជារឿងល្អ ដោយហេតុថាវាបានធ្វើឱ្យតម្លៃ ស្រោមអនាម័យចុះទាប ប៉ុន្តែការប្រឈមបន្ទាប់ទៀតគឺថា គេត្រូវពិនិត្យមើលតើរដ្ឋាភិបាល អាចជំនួសអង្គការក្រៅរដ្ឋាភិបាលឬទេ ហើយរកឱ្យឃើញ និង បែងចែកមធ្យោបាយពន្យារ កំណើតដល់ប្រជាពលរដ្ឋក្រីក្រ ក្នុងគ្រាដែលជំនួយពីក្រៅប្រទេសកំពុងធ្លាក់ចុះ” ។
អត្ថបទនិងរូបភាពខាងលើនេះ ដកស្រង់ទាំងស្រុងចេញពីៈ http://www.cambodiadaily.com/business/in-condom-market-a-growing-private-sector-72352/
info@naaa.gov.kh
+855 (0)23 885 129
+855 (0)23 885 279
ភាសាខ្មែរ
English
