National AIDS Authority

ព្រះរាជាណាចក្រកម្ពុជា
Kingdom of Cambodia

ជាតិ សាសនា ព្រះមហាក្សត្រ
Nation Religion King

សិក្ខាសាលាអប់រំផ្សព្វផ្សាយពីមេរោគអេដស៍និងជំងឺអេដស៍ជូនដល់សិល្បករ សីល្បការិនី

កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី២ ឆ្នាំ២០២៤

កិច្ចប្រជុំលើកទី៥៤នៃក្រុមប្រឹក្សាសម្របសម្រួលកម្មវិធីយូអិនអេដស៍(UNAIDS)

កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី២ ឆ្នាំ២០២៣

ថ្វាយកម្រងផ្កាគោរព ព្រះវិញ្ញាណក្ខន្ធព្រះករុណា “ព្រះបរមរតនកោដ្ឋ”

ទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២៤

កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី២ ឆ្នាំ២០២៤

ថ្វាយកម្រងផ្កាគោរព ព្រះវិញ្ញាណក្ខន្ធព្រះករុណា “ព្រះបរមរតនកោដ្ឋ”

Contact us now:

info@naaa.gov.kh

+855 (0)23 885 129

+855 (0)23 885 279

ភាសាខ្មែរ

English

ចំនួនអ្នកទស្សនាគេហទំព័រ:

ឯកឧត្តមទេសរដ្ឋមន្ត្រី អៀង មូលី អញ្ជើញជាអធិបតីដឹកនាំកិច្ចប្រជុំផ្សព្វផ្សាយគោលនយោបាយបញ្ចប់អេដស៍និងចីរភាពកម្មវិធីអេដស៍សម្រាប់ឆ្នាំ២០២៣-២០២៨

នៅព្រឹកថ្ងៃថ្ងៃសុក្រ ១៣កើត ខែផល្គុន ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២២ ខែមីនា ឆ្នាំ២០២៤ ចាប់ពីម៉ោង៩ៈ០០ អាជ្ញាធរជាតិប្រយុទ្ធនឹងជំងឺអេដស៍ បានរៀបចំកិច្ចប្រជុំផ្សព្វផ្សាយគោលនយោបាយបញ្ចប់អេដស៍និងចីរភាពកម្មវិធីអេដស៍សម្រាប់ឆ្នាំ២០២៣-២០២៨ ក្រោមអធិបតីភាពដ៏ខ្ពង់ខ្ពស់ឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរ។ កិច្ចប្រជុំនេះមានការចូលរួមពី ឯកឧត្តម លោកជំទាវ លោក អ្នកស្រី និងនាងកញ្ញាជា អនុប្រធាន ទីប្រឹក្សា នាយកខុទ្ទកាល័យ អគ្គលេខាធិការរង ប្រធាននាយកដ្ឋាន ជំនួយការ និងអនុប្រធាននាយកដ្ឋាន នៅបន្ទប់ប្រជុំ ខ។

ជាកិច្ចចាប់ផ្ដើម ឯកឧត្តមទេសរដ្ឋមន្ត្រីបានមាន ប្រសាសន៍ស្វាគមន៍ និងបានថ្លែងការកោតសរសើរចំពោះថ្នាក់ដឹកនាំអាជ្ញាធរដែលបានចូលរួមរៀបចំសេចក្តីព្រាងគោលនយោបាយបញ្ចប់អេដស៍និងចីរភាពកម្មវិធីអេដស៍សម្រាប់ឆ្នាំ២០២៣-២០២៨ ចាប់ពីចុងឆ្នាំ២០២១ រហូតបានកិច្ចប្រជុំពេញអង្គគណៈរដ្ឋមន្ត្រីអនុម័ត កាលពីថ្ងៃទី១៥ ខែមីនា ឆ្នាំ២០២៤កន្លងទៅថ្មីៗនេះ។ បន្ទាប់មក ឯកឧត្តមទេសរដ្ឋមន្ត្រីបានស្នើឱ្យឯកឧត្តម ហោ ប៊ុនឡេង និងឯកឧត្តម រស់ សីលវ៉ាត់ មានចំណាប់អារម្មណ៍អំពីការចូលរួមកិច្ចប្រជុំអន្តរក្រសួង និងកិច្ចប្រជុំពេញអង្គគណៈរដ្ឋមន្ត្រី។ ដោយបានការអនុញ្ញាត ឯកឧត្តម ហោ ប៊ុនឡេង បានថ្លែងនូវការកោតសរសើរចំពោះភាពជាអ្នកដឹកនាំរបស់ឯកឧត្តមទេសរដ្ឋមន្ត្រី ក្នុងការជំរុញការដាក់បញ្ចូលសេចក្តីព្រាងគោលនយោបាយក្នុងកិច្ចប្រជុំពេញអង្គគណៈរដ្ឋមន្ត្រីបានយ៉ាងឆាប់រហ័ស។ ចំណែកឯឯកឧត្តម រស់ សីលវ៉ាត់ ក៏បានកោតសរសើរចំពោះភាពជាអ្នកដឹកនាំរបស់ឯកឧត្តមទេសរដ្ឋមន្រ្តីដែលអ្នកជំនាន់ក្រោយត្រូវរៀនសូត្រតាម។

នៅក្នុងដំណើរការដឹកនាំកិច្ចប្រជុំ ឯកឧត្តមទេសរដ្ឋមន្រ្តីបានបញ្ជាក់អំពីការកែលម្អមួយចំនួនដែលនាំឱ្យគោលនយោបាយកាន់តែល្អ។ ទន្ទឹមនឹងនេះ អាជ្ញាធរនឹងរៀបចំកិច្ចប្រជុំអន្តរក្រសួង នៅថ្ងៃទី២៦ ខែមីនាខាងមុខ ដើម្បីផ្សព្វផ្សាយអំពីគោលនយោបាយ និងកំណត់ទិសដៅការងារអនុវត្ត។ បន្ថែមលើនេះ ឯកឧត្តមទេសរដ្ឋមន្ត្រីបានណែនាំឱ្យថ្នាក់ដឹកនាំអាជ្ញាធរជាតិប្រយុទ្ធនឹងជំងឺអេដស៍ទាំងអស់ :
១- ត្រៀមរៀបចំវេទិកាវាយតម្លៃកម្មវិធីបង្ការ ដោយកំណត់កម្មវិធីថ្មី និងវាយតម្លៃទំហំនៃសេចក្តីត្រូវការផ្នែកថវិកា។
២- ត្រៀមចូលរួមការងារជាមួយក្រសួងសេដ្ឋកិច្ចនិងហិរញ្ញវត្ថុ ដើម្បីកំណត់កញ្ចប់ថវិកា។
៣- ពិនិត្យផ្តល់ថវិកាដល់ក្រសួង ស្ថាប័ន រាជធានី ខេត្ត។
៤- វាយតម្លៃការងារបង្ការ និងលើកសំណើកែតម្រូវ។
៥- ត្រៀមរបាយការណ៍ជូនគណៈរដ្ឋមន្ត្រី នោងលើកសំណើកែតម្រូវ។
៦- ត្រៀមប្រជុំគណៈរដ្ឋមន្ត្រី ដើម្បីសុំដាក់ចេញវិធានការ។
៧- ត្រៀមសុំថវិកាបោះពុម្ពគោលនយោបាយ និងរៀបចំកម្មវិធីផ្សព្វផ្សាយគោលនយោបាយ។
៨- ត្រៀមកម្មវិធីផ្សព្វផ្សាយតាមទូរទស្សន៍ជាតិកម្ពុជា និងបាឋកថានៅតាមសាកលវិទ្យាល័យនានា សាលាភូមិន្ទរដ្ឋបាល និងគ្រឹះស្ថាននានា។
៩- ត្រៀមសារខ្លីៗបង្ហោះតាមប្រព័ន្ធទូរស័ព្ទ អ៊ីនធឺណេតនិងបណ្តាញទំនាក់ទំនងសង្គម។

សកម្មភាពរបស់ អ.ជ.ប.ជ.អ នៅលើប្រព័ន្ធផ្សព្វផ្សាយ

សារអេឡិចត្រូនិច