ព្រះរាជាណាចក្រកម្ពុជា
Kingdom of Cambodia

ជាតិ​ សាសនា ព្រះមហាក្សត្រ
Nation Religion King

កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី២ ឆ្នាំ២០២៣
កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី២ ឆ្នាំ២០២៣
​កិច្ចប្រជុំ​លើក​ទី៥៣នៃ​ក្រុមប្រឹក្សា​សម្របសម្រួល​កម្មវិធី​យូ​អិន​អេដស៍(UNAIDS)
ទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២៣
​ថ្វាយ​កម្រងផ្កា​គោរព ព្រះ​វិញ្ញាណក្ខន្ធ​ព្រះករុណា “ព្រះ​បរម​រតន​កោដ្ឋ”
Contact us now:
info@naaa.gov.kh
+855 (0)23 885 129
+855 (0)23 885 279

ភាសាខ្មែរ   English
ចំនួនអ្នកទស្សនាគេហទំព័រ:

NAA Vistor Counter

ឯកឧត្តម​ទេស​រដ្ឋមន្រ្តី អៀង មូលី អញ្ជើញ​ជា​អធិបតី​ដឹកនាំ​កិច្ចប្រជុំ​គណៈកម្មាធិការ​ប្រយុទ្ធ​នឹង​ជំងឺអេដស៍​ក្រសួងសុខាភិបាល​

 នៅ​ព្រឹក​ថ្ងៃ​ចន្ទ ៦កើត ខែ​ពិសាខ ឆ្នាំរោង ឆស័ក ព.ស.២៨៦៧ ត្រូវ​នឹង​ថ្ងៃទី១៣ ខែឧសភា ឆ្នាំ២០២៤ នៅ​អាជ្ញាធរ​ជាតិ​ប្រយុទ្ធ​នឹង​ជំងឺអេដស៍ ឯកឧត្តម​ទេស​រដ្ឋមន្រ្តី អៀង មូលី ប្រធាន​អាជ្ញាធរ​ជាតិ​ប្រយុទ្ធ​នឹង​ជំងឺអេដស៍​អញ្ជើញ​ជា​អធិបតី​ដ៏​ខ្ពង់ខ្ពស់​ដឹកនាំ កិច្ចប្រជុំ​គណៈកម្មាធិការ​ប្រយុទ្ធ​នឹង​ជំងឺអេដស៍​ក្រសួង សុខាភិបាល។ កិច្ចប្រជុំ​នេះ​រៀបចំឡើង​ដើម្បី​ពិនិត្យមើល​តួនាទី​ភារកិច្ច​របស់ក្រ​សួង​សុខាភិបាល ក្នុង ការអនុវត្ត​គោលនយោបាយ​បញ្ចប់​អេដស៍ និង​ចីរភាព​កម្មវិធី​អេដស៍​សម្រាប់​ឆ្នាំ២០២៣-២០២៨។

មានប្រសាសន៍​បើក​កិច្ចប្រជុំ ឯកឧត្តម​ទេស​រដ្ឋមន្រ្តី​បាន​ស្វាគមន៍ និង​ថ្លែង​នូវ​ការ​កោតសរសើរ​ចំពោះ​ក្រសួងសុខាភិបាល ដែល​បាន​ប្រឹងប្រែង​អនុវត្ត​ការ​ឆ្លើយតប​នឹង​មេរោគ​អេដស៍ ធ្វើ​ឱ្យ​សម្រេច​បាន​នូវ​គោលដៅ​ចំនួន២ ក្នុងចំណោម​គោលដៅ៩៥ទាំង​បី។ ទន្ទឹម​នឹង​នេះ ឯកឧត្តម​ទេស​រដ្ឋមន្រ្តី​ក៏​ថ្លែងអំណរគុណ​ចំពោះ​ក្រសួងសុខាភិបាល ដែល​បាន​រៀបចំ​គណៈកម្មាធិការ​ប្រយុទ្ធ​នឹង​ជំងឺអេដស៍ ឈាន​មកដល់​ការរៀបចំ​កិច្ចប្រជុំ​នៅ​ថ្ងៃនេះ។ ដោយ​ទទួល​បានការ​អនុញ្ញាត​ពី​ឯកឧត្តម​ទេស​រដ្ឋមន្រ្តី ឯកឧត្តម អ៊ឹ​ង ភី​រុន ប្រធាន​គណៈកម្មាធិការ​ប្រយុទ្ធ​នឹង​ជំងឺអេដស៍​ក្រសួងសុខាភិបាល បាន​មាន​ចំណាប់​អារម្មណ៍​និង​ជូន​សមាជិក​គណៈកម្មាធិការ​ធ្វើការ​បង្ហាញខ្លួន។

កិច្ចប្រជុំ​បាន​ដំណើរការ​ទៅតាម​របៀបវារៈ ដែល​បាន​គ្រោងទុក​ក្នុង​នោះ​រួមមាន ៖ ១) បទ​បង្ហាញ​ស្តី​ពី​គោលនយោបាយ​ជាតិ​បញ្ចប់​អេដស៍ និង​ចីរភាព​កម្មវិធី​អេដស៍​សម្រាប់​ឆ្នាំ២០២៣-២០២៨ ដោយ ឯកឧត្តម​បណ្ឌិត ឈឹម ឃិ​នដា​រ៉េ​ត អគ្គលេខាធិការ​អាជ្ញាធរ ២) បទ​បង្ហាញ​ស្តី​ពី​ផែនការ​យុទ្ធ​សាស្រ្ត​ដើម្បី​បង្ការ​ការ​រាលដាល​ជំងឺអេដស៍ ជំងឺ​កាមរោគ និង​ថែទាំ​ព្យាបាល​អ្នក​ផ្ទុកមេរោគ​អេដស៍ អ្នកជំងឺ​អេដស៍ និង​ជំងឺ​កាមរោគ ក្នុង​វិស័យ​សុខាភិបាល ដោយ​លោក​សាស្រ្តា​ចារ្យ​ជំនួយ អ៊ុ​ក វិជ្ជា ប្រធាន​មជ្ឈមណ្ឌល​ជាតិ​ប្រយុទ្ធ​នឹង​ជំងឺអេដស៍ សើស្បែក និង​កាមរោគ ៣) បទ​បង្ហាញ​ស្តី​ពី​ថាមវន្ត​នៃ​ការ​ឆ្លើយតប​នឹង មេរោគ​អេដស៍ និង​ជំងឺអេដស៍ ដោយ​ឯកឧត្តម ទា ផលា អនុប្រធាន​អាជ្ញាធរ ៤) កិច្ចពិភាក្សា​ផ្តល់​ធាតុ​ចូល និង៥) ប្រសាសន៍​ដឹកនាំ​និង​បូកសរុប​បិទ​កិច្ចប្រជុំ​ដោយ​ឯកឧត្តម​ទេស​រដ្ឋមន្រ្តី។

បន្ទាប់ពី​បទ​បង្ហាញ កិច្ចប្រជុំ​បាន​ពិភាក្សា​អំពី​ចំណុច​សំ​ខាន់ៗក្នុង​គោលនយោបាយ​បញ្ចប់​អេដស៍ និង​ចីរភាព​កម្មវិធី​អេដស៍​សម្រាប់​ឆ្នាំ២០២៣-២០២៨ ពាក់ព័ន្ធ​នឹង​ក្រសួង សុខាភិបាល ដែល​ត្រូវ​ធ្វើ​ឱ្យ​សម្រេច។ ក្នុង​នោះ​ឯកឧត្តម​ទេស​រដ្ឋមន្រ្តី​បាន​ផ្តល់​ប្រសាសន៍​ការណែនាំ​ឱ្យ​យកចិត្ត​ទុកដាក់ ៖

១) អាជ្ញាធរ​ជាតិ​ប្រយុទ្ធ​នឹង​ជំងឺអេដស៍​លើក ទឹកចិត្ត​ក្រសួងសុខាភិបាល ឱ្យ​ចេញ​បញ្ជា​ដល់​មន្ទីរពេទ្យ និង​គ្លីនិក​ឯកជន​ឱ្យ​ផ្តល់​របាយការណ៍​ទៀងទាត់​អំពី​ទិន្នន័យ​ការ​ព្យាបាល​ថែទាំ​ជំងឺអេដស៍ ព្រោះ​ទិន្នន័យ​ទាំងនោះ​នឹង​ផ្តល់​ព័ត៌មាន​គ្រប់ជ្រុងជ្រោយ​ស្តី​ពី​ជំងឺអេដស៍។
២) ករណី​ដែល​យើង​ត្រូវ​ពិចារណា ដូចជា​ការ​ព្យាបាល​លើ​កុមារ​ផ្ទុកមេរោគ​អេដស៍​យើង​សម្រេច​បាន​ប្រមាណ​ជា ៦០ភាគរយ​តែប៉ុណ្ណោះ។ ចំណែក​ការ​អត្រា​ចម្លង​មេរោគ​អេដស៍​ពី​ម្តាយ​ទៅ​កូន មាន​ប្រមាណ​ជា៩,៩ភាគរយ ដែល​ត្រូវ​ប្រឹងប្រែង​កាត់បន្ថយ​ឱ្យ​បាន​ខ្លាំងក្លា​បន្ថែម​ទៀត។
៣) ត្រូវ​បញ្ចូល​ការ​ឆ្លើយតប​នឹង​មេរោគ​អេដស៍​ទៅ​ក្នុង​ប្រព័ន្ធ​ជាតិ​សុខាភិបាល​តែមួយ ដោយ​ឱ្យ​គ្រប់​មន្ទីរពេទ្យ​ទាំងអស់ អាច​ទទួលការ​ព្យាបាល និង​ថែទាំ​ជំងឺអេដស៍។
៤) គណៈកម្មាធិការ​ប្រយុទ្ធ​នឹង​ជំងឺអេដស៍​ក្រសួង ស្ថាប័ន ជា​សេនាធិការ​តាម​វិស័យ​របស់​អាជ្ញាធរ​ប្រយុទ្ធ​នឹង​ជំងឺអេដស៍។

នៅទីបញ្ចប់ ឯកឧត្តម​ទេស​រដ្ឋមន្រ្តី​បាន​ប្រកាស​បិទ​កិច្ចប្រជុំ និង​បាន​ជូនពរ​ដល់​សមាជិក​អង្គប្រជុំ ឱ្យ​ប្រទះ​តែ​នឹង​ពុទ្ធពរ​ទាំងបួន​ប្រការ គឺ​អាយុ វណ្ណៈ សុខៈ និង​ពលៈ កុំបី​ឃ្លៀងឃ្លាត​ឡើយ។