លោកទេសរដ្ឋមន្រ្តី អៀង មូលី ចូលរួមទិវាជ័យជំនះ ៧ មករា នៅស្រុកពារាំង
កាលពីព្រឹកទី ៧ មករា ២០១៤ លោកទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ បានចូលរួមជាអធិបតីក្នុងពិធីរំលឹក ខួបទី ៣៥ នៃទិវាជ័យជំនះ ៧ មករា នៅសាលាស្រុកពារាំង ក្នុងឋានៈជាតំណាងលោកឧបនាយករដ្ឋមន្រ្តី ប៊ិន ឈិន ។ ចូលរួមជាគណៈអធិបតី មានលោកអនុប្រធានអាជ្ញាធរជាតិប្រយុទ្ធនឹងជំងឺអេដស៍ វេជ្ជបណ្ឌិត កៅ ទ្រី លោក គង់ រដ្ឋា លោកអភិបាលស្រុកពារាំង ឡុង ថាត និង មន្រ្តី រាជការអ្នកមុខអ្នកការមួយចំនួនទៀត ។ សមាជិកចូលរួមមានសិស្សានុសិស្ស លោកគ្រូ អ្នកគ្រូ មន្រ្តីសាលាស្រុកក្រុមប្រឹក្សាឃុំ កងកម្លាំង ប្រដាប់អាវុធ មានចំនួន ៤៧០ នាក់ ។ ក្រោយពីបានស្តាប់សុន្ទរកថាស្វាគមន៍របស់លោកអភិបាលស្រុករួចមក លោកទេសរដ្ឋមន្រ្តី អៀង មូលី បានឡើងអានសុន្ទរកថារបស់សម្តេចអគ្គមហាធម្មពោធិសាល ជា ស៊ីម ប្រធានព្រឹទ្ធសភា ប្រធានគណបក្សប្រជាជនកម្ពុជា ថ្លែងក្នុងពិធីមីទ្ទីញ រំលឹកខួបទី ៣៥ នៃទិវាជ័យជំនះ ៧ មករា (៧ មករា ១៩៧៩ - ៧ មករា ២០១៤) ដែលជាសាររំលឹកគុណចំពោះវីរយុទ្ធជន យុទ្ធនារី អ្នកស្នហា ជាតិ ដែលបានប្រយុទ្ធរំដោះប្រជាពលរដ្ឋខ្មែរ ឲ្យរួចចាកពីរបបប្រល័យពូជសាសន៍ ប៉ុល ពត និង ចាសារគោរពវិញ្ញាណក្ខន្ធប្រជាពលរដ្ឋខ្មែរ រាប់លាននាក់ដែលបានបាត់បង់ជីវិតយ៉ាងអយុត្តិធម៌នៅក្នុងរបបប្រល័យពូជសាសន៍ ។ ជាមួយគ្នានោះ លោកទេសរដ្ឋមន្រ្តី អៀង មូលី ក៏បានរំលឹកអង្គប្រជុំអំពីការខឹតខំរបស់រាជរដ្ឋាភិបាលអាណត្តិទី ៥ ក្នុងការកសាងលទ្ធិប្រជាធិបតេយ្យ និង អភិវឌ្ឍន៍ជាតិជាពិសេស ក្នុងការប្រយុទ្ធនឹងភាពក្រីក្រ ។
.jpg)
info@naaa.gov.kh
+855 (0)23 885 129
+855 (0)23 885 279
ភាសាខ្មែរ
English
