
ព្រឹកថ្ងៃទី២៨ ខែមេសា ឆ្នាំ២០១៧ ឯកឧត្តមទេសរដ្ឋមន្រ្តី អៀង មូលី បានដឹកនាំក្រុមការងារថ្នាក់ជាតិចុះជួយស្រុកបរសេដ្ឋ ចូលរួមក្នុងវេទិកាសាធារណៈ នៅក្នុងវត្តពោធិល្យំ ភូមិស្លាបលែង ឃុំស្វាយរំពារ ស្រុកបរសេដ្ឋ ខេត្តកំពង់ស្ពឺ ដោយមានការចូលរួមពីបងប្អូនប្រជាពលរដ្ឋចំនួនជាង៣០០នាក់។ នៅក្នុងវេទិការនេះ ប្រជាពលរដ្ឋបានផ្តោតការយកចិត្តដាក់លើបញ្ហាបរិស្ថាន បញ្ហាផ្លូវថ្នល់ បញ្ហាសន្តិសុខសណ្តាប់ធ្នាប់សង្គម បញ្ហាគ្រឿងញៀន និងបញ្ហាសំបុត្រអត្រានុកូលដ្ឋាន។
ក្រុមការងារថ្នាក់ជាតិ រួមនឹងមន្ត្រីទទួលខុសត្រូវប្រចាំស្រុកបានធ្វើការពន្យល់ និងបានរកវិធីដោះស្រាយលើបញ្ហាទាំងអស់នេះ ដែលប្រជាពលរដ្ឋអាចទទួលយកបាន។ ក្នុងឱកាសនោះ ឯកឧត្តមបានឧបត្ថម្ភនូវថវិកា៤លានរៀល សម្រាប់រៀបចំធ្វើបង្គន់អនាម័យចំនួន២០ ឧបត្ថម្ភគ្រួសារក្រីក្រ០៣គ្រួសារក្នុងមួយគ្រួសារថវិកា១០មុឺនរៀល ឧបត្ថម្ភការចាត់ចែងរៀបចំកម្មវិធីចំនួន៩៤មុឺន សាលាស្រុក១៥មុឺនរៀល កម្លាំងសណ្តាប់ធ្នាប់១៥មុឺនរៀល និងឧបត្ថម្ភអាវយឺតម្នាក់មួយផងដែរ។