ព្រះរាជាណាចក្រកម្ពុជា
Kingdom of Cambodia

ជាតិ​ សាសនា ព្រះមហាក្សត្រ
Nation Religion King

Contact us now:
info@naaa.gov.kh
+855 (0)23 885 129
+855 (0)23 885 279

ភាសាខ្មែរ   English

ឯកឧត្តមទេសរដ្ឋមន្រ្តី អៀង មូលី អញ្ជើញជាអធិបតីបើកសិក្ខាសាលាស្តីពីបទអន្តរាគមន៍ ឆ្លើយតបនឹងមេរោគអេដស៍/ជំងឺអេដស៍ក្នុងគោលនយោបាយភូមិឃុំមានសុវត្ថិភាព

នាព្រឹកថ្ងៃទី១១ ខែកញ្ញា ឆ្នាំ២០១៧ នៅសណ្ឋាគារហ្គ្រីនផាលេស្ស ឯកឧត្តមទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ បានអញ្ជើញជាអធិបតីបើកសិក្ខាសាលា អំពីកិច្ចសហប្រតិបត្តិការ និង ការចូលរួមចំណែករបស់រដ្ឋបាលថ្នាក់ក្រោមជាតិ សំរាប់បទអន្តរាគមន៍ និងសកម្មភាពឆ្លើយតបនឹងមេរោគអេដស៍/ជំងឺអេដស៍នៅក្នុងគោលនយោបាយភូមិឃុំមានសុវត្ថិភាព។ អញ្ជើញចូលរួមនៅក្នុងអង្គសិក្ខាសាលាមាន ឯកឧត្តម លោកជំទាវ អស់លោក និងលោកស្រី ដែលអញ្ជើញមកពីវិស័យសុខាភិបាល និង មិនមែនសុខាភិបាល អ្នកតំណាងនៃប្រជាជនទទួលផលប៉ពាល់ជាងគេ និងមន្រ្តី ទីភ្នាក់ងារសហប្រតិបត្តិការសហរដ្ឋអាមេរិក USAID និងគម្រោង Linkages ។

គោលបំណងនៃអង្គសិក្ខាសាលាគឺ ពិគ្រោះពិភាក្សា អំពីលទ្ធភាពចូលរួមចំណែក កិច្ចសហ ប្រតិបត្តិការបំពេញអោយគ្នាទៅវិញទៅ អាជ្ញាធរមូលដ្ឋាន អាជ្ញាធរដែនដី សហគមន៍ប្រជាពលរដ្ឋ និងផ្នែកពាក់ព័ន្ធនានា ដើម្បីធ្វើអោយសម្រេចបានជោគជ័យថែមទៀត ក្នុងការទប់ស្កាត់ ការចម្លងមេរោគអេដស៍ និងឈានទៅកាត់ផ្តាច់ការចម្លងទាំងស្រុងត្រឹមឆ្នាំ២០២៥ ដោយបន្តអនុវត្ត គោលនយោបាយប្រើប្រាស់ស្រោមអនាម័យ១០០% ការស្វែងរកករណីឆ្លងថ្មី និងបញ្ជូនទៅទទួល ការព្យាបាល ក៏ដូចជាលើកកំពស់ការគាំទ្រក្នុងការផ្តល់សេវា ថែទាំ ព្យាបាលអ្នកដែលរស់នៅជាមួយ មេរោគអេដស៍។

គួរំលឹកថា មិនហួសពីឆ្នាំ២០២៥ ព្រះរាជាណាចក្រកម្ពុជាបានកំណត់គោលដៅសម្រេចអោយ បាន ៩៥-៩៥-៩៥ ។ បច្ចុប្បន្ននេះ កម្ពុជាជាប្រទេសមួយក្នុងចំណោមប្រទេសតែ៧ក្នុងពិភពលោក ដែលបានជោគជ័យសម្រេចរួចហើយគោលដៅកៅសិបចំនួន០៣ (៩០-៩០-៩០)៖

• ៩០% នៃអ្នកដែលបានឆ្លងមេរោគអេដស៍ បានទៅពិនិត្យឈាម និងដឹង ថាខ្លួនមាន ផ្ទុកមេរោគអេដស៍ ។

• ៩០% នៃអ្នករស់នៅជាមួយមេរោគអេដស៍ បានទទួលឱសថប្រឆាំងមេរោគអេដស៍ ។

• ៩០% នៃអ្នកបានទទួលការព្យាបាលឱសថប្រឆាំងមេរោគអេដស៍ បានកាត់បន្ថយ ចំនួនមេរោគនៅក្នុងឈាមមកនៅកំរិតតិចបំផុត ។

   

  

  

   

  

 

Building 16, Street 271 L 150, Sangkat Teuklaak II Khan Toul Kok Phnom Penh, Cambodia
Email : info@naaa.gov.kh | Tel: 023 88 51 29 Fax: 023 88 52 79