ព្រះរាជាណាចក្រកម្ពុជា
Kingdom of Cambodia

ជាតិ​ សាសនា ព្រះមហាក្សត្រ
Nation Religion King

Contact us now:
info@naaa.gov.kh
+855 (0)23 885 129
+855 (0)23 885 279

ភាសាខ្មែរ   English

ឯកឧត្តមទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ និងជាប្រធានគណៈកម្មាធិការសម្របសម្រួលមូលនិធិសកលកម្ពុជា បានអញ្ជើញជាអធិបតីភាព និងដឹកនាំកិច្ចប្រជុំគណៈកម្មាធិការសម្របសម្រួលមូលនិធិសកលកម្ពុជាលើកទី១០

រសៀលថ្ងៃទី១២ ខែតុលា ឆ្នាំ២០១៧ ឯកឧត្តមទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ និងជាប្រធានគណៈកម្មាធិការសម្របសម្រួលមូលនិធិសកលកម្ពុជា បានអញ្ជើញជាអធិបតីភាព និងដឹកនាំកិច្ចប្រជុំគណៈកម្មាធិការសម្របសម្រួលមូលនិធិសកលកម្ពុជាលើកទី១០។

កិច្ចប្រជុំគណៈកម្មាធិការសម្របសម្រួលមូលនិធិសកលកម្ពុជា គឺជាកិច្ចប្រជុំ នៃសមាជិក សមាជិកាចំរុះដែលមានតំណាងជ្រើសតាំងដោយក្រសួងស្ថាប័ននៃរាជរដ្ឋាភិបាល ដៃគូអភិវឌ្ឍ តំណាងស្ថានទូតនៃប្រទេសម្ចាស់អំណោយដែលផ្តល់ជំនួយហិរញ្ញទានដល់គម្រោងមូលនិធិសកល ប្រយុទ្ធនឹងជំងឺអេដស៍ របេង គ្រុនចាញ់ និងគម្រោងពង្រឹងប្រព័ន្ធសុខាភិបាលនៅកម្ពុជា និងក្រុមអ្នកតំណាងប្រជាជនដែលមានជំងឺ និង/រឺរងការប៉ះពាល់ពី ជំងឺអេដស៍ របេង និងគ្រុនចាញ់។

កិច្ចប្រជុំពេញអង្គគណៈកម្មាធិការសម្របសម្រួលមូលនិធិសកលកម្ពុជាលើកនេះ ផ្តោតលើរបៀប   វារៈចំបងដូចខាងក្រោម៖

1. ពិនិត្យ និងអនុម័ត សមាជិក សមាជិកានៃគណៈកម្មការ​ជ្រើសរើស​ សម្រាប់រៀបចំការបោះឆ្នោតជ្រើសរើស សមាជិក សមាជិកា នៃគណៈកម្មាធិការសម្របសម្រួលមូលនិធិសកលកម្ពុជា សំរាប់អាណត្តិថ្មី ឆ្នាំ២០១៨-២០១៩។

2.​ ពិនិត្យ និងអនុម័ត បេក្ខភាពបំពេញជំនួសសមាជិក សមាជិកា ជាតំណាងស្ថាប័នពហុភាគី និងម្ចាស់ជំនួយទ្វេភាគី សំរាប់អាណត្តិបច្ចុប្បន្ន ឆ្នាំ២០១៦-២០១៧។

3. អនុម័ត លទ្ធផលនៃការជ្រើសរើសអង្គភាពអ្នកទទួលអនុវត្តគម្រោងកម្មវិធីប្រយុទ្ធនឹងជំងឺអេដស៍ និង​របេង ឆ្នាំ២០១៨-២០២០។

4. ពិនិត្យវឌ្ឍនភាព នៃការរៀបចំសំណើគម្រោងចូលរួមពង្រឹងប្រព័ន្ធសុខាភិបាល គម្រោងប្រយុទ្ធនឹងជំងឺរបេង អេដស៍ និងគ្រុនចាញ់។

គួររំលឹកថា មូលនិធិសកលទីក្រុងហ្សឺណែវ បានសម្រេចបន្តផ្តល់ជំនួយហិរញ្ញវត្ថុដល់កម្ពុជាតទៅទៀត សម្រាប់ជំងឺឆ្លងទាំងបី ក្នុងទឹកប្រាក់៨៣លានដុល្លារសហរដ្ឋអាមេរិក សម្រាប់ឆ្នាំ២០១៨ ២០១៩ និង២០២០។

 

 

 

  

  

  

Building 16, Street 271 L 150, Sangkat Teuklaak II Khan Toul Kok Phnom Penh, Cambodia
Email : info@naaa.gov.kh | Tel: 023 88 51 29 Fax: 023 88 52 79