ព្រះរាជាណាចក្រកម្ពុជា
Kingdom of Cambodia

ជាតិ​ សាសនា ព្រះមហាក្សត្រ
Nation Religion King

Contact us now:
info@naaa.gov.kh
+855 (0)23 885 129
+855 (0)23 885 279

ភាសាខ្មែរ   English

ឯកឧត្តមទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ និងប្រធានក្រុមការងាររាជរដ្ឋាភិបាលថ្នាក់ជាតិចុះជួយស្រុកបរសេដ្ឋ បានអញ្ជើញជាអធិបតីក្នុងពិធីអបអរសាទរទិវាអន្តរជាតិនារី លើកទី១០៧ នៅ ស្រុកបរសេដ្ឋ ខេត្តកំពង់ស្ពឺ

ឯកឧត្តមទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធ​នឹងជំងឺអេដស៍ និងប្រធានក្រុមការងារ​រាជរដ្ឋាភិបាលថ្នាក់ជាតិ​ចុះជួយស្រុកបរសេដ្ឋ បានអញ្ជើញជាអធិបតី​ក្នុងពិធី​អបអរសាទរ​ទិវាអន្តរជាតិនារី លើកទី១០៧ នៅទីស្នាក់ការ​គណបក្សប្រជាជនកម្ពុជា ស្រុកបរសេដ្ឋ ខេត្តកំពង់ស្ពឺ នៅថ្ងៃទី២ ខែមីនា ឆ្នាំ២០១៨ ដោយមានការចូលរួម​ពីស្រ្តីជា គ្រូបង្រៀន គ្រូពេទ្យ ថ្នាក់ដឹកនាំភូមិ ឃុំ និងមន្រ្តីសាលាស្រុក ការិយាល័យជុំវិញស្រុកបរសេដ្ឋ  ប្រមាណ៣៩០នាក់។

ថ្លែងទៅកាន់អង្គពិធី ឯកឧត្តមទេសរដ្ឋមន្រ្តីបានមាន ប្រសាសន៍ថា កិច្ចព្រមព្រៀងទីក្រុងប៉ារីស ២៣ តុលា ១៩៩១ តម្រូវឱ្យមានការបោះឆ្នោត និងរៀបចំរដ្ឋធម្មនុញ្ញថ្មី។
យើងបានរៀបចំការបោះឆ្នោតឆ្នាំ១៩៩៣ និងរៀបចំរដ្ឋធម្មនុញ្ញដោយប្រកាន់​យកនូវរបបនយោបាយ​ប្រជាធិតេយ្យសេរីពហុបក្ស។ ជាមួយគ្នានោះ ចំណុចនានាដែលមាន​ចែងនៅក្នុងកិច្ចព្រមព្រៀង​សន្តិភាពទីក្រុងប៉ារីស ត្រូវបានយកមកបញ្ចូលក្នុង​រដ្ឋធម្មនុញ្ញឆ្នាំ១៩៩៣អស់ហើយ។ យើងនាំគ្នាគោរពរដ្ឋធម្មនុញ្ញ ដោយបានរៀបចំការបោះឆ្នោត ៥ឆ្នាំម្តងដោយទៀងទាត់ និងដោយមានការចួលរួម​ពីគណបក្សនយោបាយជាច្រើន។ នៅក្នុងរបបប្រជាធិបតេយ្យសេរី មិនមែនអវត្តមានគណបក្ស​នយោបាយតែមួយ គឺគ្មានប្រជាធិបតេយ្យ និងរំលោភរដ្នធម្មនុញ្ញនោះទេ។ ការដែលបបួលប្រជាពលរដ្ឋមិនឱ្យទៅ​បោះឆ្នោតទៅវិញទេ ទើបជាប្រឆាំងនឹងប្រជាធិបតេយ្យ និងប្រឆាំងនឹងរដ្ឋធម្មនុញ្ញ។

ពីមុនយើងទុកលទ្ធភាព​ឱ្យគណបក្សប្រឆាំង​ចូលរួម​ធ្វើការកសាងជាតិ  តែមិនអាចទៅរួចដោយគាត់មានគំនិតផ្តួលរំលំ។ សម្តេចតេជោខំប្រឹងប្រែង​រក្សាវប្បធម៌សន្ទនា តែសម រង្ស៊ីជាអ្នកបំផ្លាញ។ ឯកឹម សុខា មានបរទេសនៅពីក្រោយ បង្គាប់បញ្ជាឱ្យធ្វើបដិវត្តន៍ផ្តួលរំលំ។ សព្វថ្ងៃយើងមានសិទ្ធិសេរីភាព មានសន្តិភាព សម្បូណ៌សប្បាយ សប្បាយពេករហូតយើងបារម្ភថា អាចភ្លេចខ្លួនមិនបានការពារ នាំឆ្លងមេរោគអេដស៍ទៅវិញ។ នៅពេលមានសន្តិភាព ស្ថិរភាព នាំឱ្យមានការអភិវឌ្ឍ ដែលជាកត្តាគន្លឹះនាំឱ្យ​មានកំណើនសេដ្ឋកិច្ច។ ដូច្នេះរាជរដ្ឋាភិបាលដែលមាន​សម្តេចតេជោជាប្រមុខមានលទ្ធភាព​ដំឡើងប្រាក់ខែជូន អ្នកគ្រូ លោកគ្រូ មន្រ្តីរាជការជារៀងរាល់ឆ្នាំ។ ដូច្នេះ យើងត្រូរួមគ្នារក្សា​ការពារសន្តិភាពដើម្បីធានាការអភិវឌ្ឍ។ យើងត្រូវរួមគ្នាកសាងស្រុក កុំជឿការញុះញង់។ ហើយបើមានអ្នកនិយាយឃោសនា​នាំឱ្យមានការផ្តួលរំលំរបប ត្រូវនាំគ្នាប្រឆាំង។

នៅក្នុងពិភពលោកមានតែប្រមាណ១០ប្រទេសប៉ុណ្ណោះ ដែលមានកំណើនសេដ្ឋកិច្ចក្នុងរង្វង់៧% ហើយមានខ្មែរយើងក្នុងនោះផងដែរ។ ដូច្នេះ ប្រជាពលរដ្ឋយើងបាន​ទទួលផលប្រយោជន៍​ពីកំណើនសេដ្ឋកិច្ចនេះ ដោយមានកម្រិតជីវភាពសមរម្យ ហេដ្ឋារចនាសម្ព័ន្ធផ្លូវកៅស៊ូ ស្ពាន អគ្គិសនី និងទឹកស្អាតប្រើប្រាស់។ សព្វថ្ងៃ រាជរដ្ឋាភិបាលក៏បានខិតខំដំឡើងប្រាក់ខែជូនកម្មករ និងមន្រ្តីរាជការ ព្រមទាំងគិតគូរអំពីរបបសន្តិសុខសង្គម ដោយរៀបចំឱ្យមាន បេឡាជាតិរបបសន្តិសុខសង្គម។ ដូច្នេះ ពេលអ្នកគ្រូ លោកគ្រូ មន្រ្តីរាជការ និងកម្មករកម្មការិនីឈឺ ឬមានគ្រោះថ្នាក់​មានថវិកាសម្រាប់ព្យាបាល និងឧបត្ថម្ភ។ លើសពីនេះ ពេលចាស់ទៅកម្មករយើងមានប្រាក់ចូលនិវត្តន៍ដូចមន្រ្តីរាជការដែរ។ 

នៅទីបញ្ចប់ ឯកឧត្តមទេសរដ្ឋមន្រ្តីបានផ្តាំផ្ញើដល់សមាជិក សមាជិកាអង្គពិធីឱ្យជឿជាក់លើការដឹកនាំរបស់រាជរដ្ឋាភិបាលដែលមានសម្តេចតេជោ ហ៊ុន សែន ជាប្រមុខ និងនាំគ្នាទៅ​បោះឆ្នោតនៅថ្ងៃទី២៩ ខែកក្កដាខាងមុខឱ្យបានគ្រប់គ្នា។ យើងមានសន្តិភាព និងស្ថិរភាព ទើបមានការអភិវឌ្ឍ ព្រមទាំងរក្សាបាននូវកំណើនសេដ្ឋកិច្ច។

Building 16, Street 271 L 150, Sangkat Teuklaak II Khan Toul Kok Phnom Penh, Cambodia
Email : info@naaa.gov.kh | Tel: 023 88 51 29 Fax: 023 88 52 79