ព្រះរាជាណាចក្រកម្ពុជា
Kingdom of Cambodia

ជាតិ​ សាសនា ព្រះមហាក្សត្រ
Nation Religion King

Contact us now:
info@naaa.gov.kh
+855 (0)23 885 129
+855 (0)23 885 279

ភាសាខ្មែរ   English

ឯកឧត្តមទេសរដ្ឋមន្រ្តី អៀង មូលី បានអញ្ជើញដឹកនាំកិច្ចប្រជុំពិភាក្សាការងារ ជាមួយ គណៈប្រតិភូមូលនិធិសកលពីទីស្នាក់ការកណ្តាលទីក្រុងហ្សឺណែវ

នាព្រឹកថ្ងៃទី១០ ខែមេសា ឆ្នាំ២០១៨ នៅអាជ្ញាធរជាតិប្រយុទ្ធនឹងជំងឺអេដស៍ ឯកឧត្តមទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ និង ជាប្រធាន​គណៈកម្មាធិការ​សម្របសម្រួល​មូលនិធិសកល​កម្ពុជា បានអញ្ជើញដឹកនាំ​កិច្ចប្រជុំ​ពិភាក្សា​ការងារ ជាមួយគណៈប្រតិភូ​មូលនិធិសកល​ស្នាក់ការកណ្តាល​ទីក្រុងហ្សឺណែវ ដឹកនាំដោយលោក Mark Edington ប្រធានផ្នែក​គ្រប់គ្រង​គម្រោងជំនួយ នៃមូលនិធិសកល។
កិច្ចប្រជុំរួមគ្នានេះ មានគោលបំណង ផ្សព្វផ្សាយដល់​សមាជិកថ្មី​នៃគណៈកម្មាធិការ​សម្របសម្រួល និងកម្មវិធីជាតិឱ្យយល់ដឹងអំពីដំណើការនៃមូលនិធិសកល និងបានផ្លាស់ប្តូរមតិជាមួយ គណៈប្រតិភូមូលនិធិសកល ។  
គួររំលឹកថា ព្រះរាជាណាចក្រកម្ពុជា​តំណាងដោយ​ក្រសួងសេដ្ឋកិច្ច បានចុះហត្ថលេខា លើកិច្ចព្រមព្រៀង​ទទួលគម្រោង​ជំនួយ​មូលនិធិសកល​ប្រយុទ្ធនឹងជំងឺអេដស៍ របេង និង គ្រុនចាញ់ សំរាប់រយៈពេលគម្រោង៣ឆ្នាំពី២០១៨ ដល់២០២០។ គម្រោងជំនួយប្រយុទ្ធនឹងជំងឺអេដស៍ របេង និងគ្រុនចាញ់នេះ ត្រូវបានសម្ភោធអោយដំណើការអនុវត្ត កាលពីថ្ងៃទី០៩ ខែមេសា ឆ្នាំ២០១៨ ម្សិលមិញដោយឯកឧត្តមទេសរដ្ឋមន្រ្តី ក្រសួងសេដ្ឋកិច្ច និង ហិរញ្ញវត្ថុ និង លោក Mark Edington ប្រធានផ្នែកគ្រប់គ្រង​គម្រោង​ជំនួយ​មូលនិធិសកល​ក្រុងហ្សឺណែវ ដែលមានទឹកប្រាក់៥៥ លានដុល្លា។
រាជរដ្ឋាភិបាលកម្ពុជា​គ្រោងចូលរួម​ចំណាយប្រមាណជាង ១២លានដុល្លាក្នុងរយៈពេល៣ឆ្នាំ សំរាប់គម្រោងប្រយុទ្ធនឹងជំងឺអេដស៍ របេង និងគ្រុនចាញ់ នៅព្រះរាជាណាចក្រកម្ពុជា បន្ថែមលើ​គ្រោងចំណាយ​ថវិការ​ប្រមាណ៩៨ លានដុល្លា ផ្តល់ដោយ​មូលនិធិសកល។ ថវិកាប្រមាណ៥៥លានដុល្លា ត្រូវបានបែងចែក សំរាប់ប្រយុទ្ធនឹងជំងឺអេដស៍ និង ជំងឺរបេង ហើយចំណែក​ទឹកប្រាក់ប្រមាណ៤៣ លានដុល្លា ប្រើប្រាស់ សំរាប់​កិច្ចការ​ប្រយុទ្ធ​នឹងជំងឺ​គ្រុនចាញ់​ដោយ​រួមបញ្ចូល​គម្រោង​ចំណាយ​ប្រយុទ្ធនឹង​ការស៊ាំ​ថ្នាំព្យាបាល​ជំងឺគ្រុនចាញ់​នៅមហាអនុតំបន់ទន្លេមេគង្គផង។

 

Building 16, Street 271 L 150, Sangkat Teuklaak II Khan Toul Kok Phnom Penh, Cambodia
Email : info@naaa.gov.kh | Tel: 023 88 51 29 Fax: 023 88 52 79