ព្រះរាជាណាចក្រកម្ពុជា
Kingdom of Cambodia

ជាតិ​ សាសនា ព្រះមហាក្សត្រ
Nation Religion King

Contact us now:
info@naaa.gov.kh
+855 (0)23 885 129
+855 (0)23 885 279

ភាសាខ្មែរ   English

ឯកឧត្តមទេសរដ្ឋមន្រ្តី អៀង មូលី ទទួលអំណោយសប្បុរសធម៌ ថ្នាំំពេទ្យ ពី គ្លីនិក ខេមា

កាលពីរសៀលថ្ងៃទី២៨  ខែឧសភា ឆ្នាំ២០១៨ នៅអាជ្ញាធរជាតិប្រយុទ្ធនឹងជំងឺអេដស៍ ឯកឧត្តមទេសរដ្ឋមន្រ្តី អៀង មូលី ប្រធានអាជ្ញារជាតិប្រយុទ្ធនឹងជំងឺអេដស៍ បានទទួល​អំណោយ​សប្បុរសធម៌ ជាថ្នាំពេទ្យ ពី គ្លីនិក ខេមា  តំណាងដោយ លោក សោម ពិសី។ អំណោយថ្នាំពេទ្យ មានតម្លៃប្រមាណជា ២០០០ដុល្លាសហរដ្ឋអាមេរិក (ពីរពាន់) ។
ឯកឧត្តមទេសរដ្ឋមន្រ្តី ក្នុងនាមប្រធានអាជ្ញាធរជាតិប្រយុទ្ធនឹងជំងឺអេដស៍ និងជាប្រធានក្រុមការងារថ្នាក់កណ្តាលចុះជួយស្រុកបរសេដ្ឋ  សូមថ្លែងអំណរគុណយ៉ាងជ្រាលជ្រៅ ជូនដល់ គ្លីនិក ខេមា ជាគ្លីនិក​មួយ​ត្រូវបាន​បង្កើតឡើង​ដោយ​ក្រុមវេជ្ជបណ្ឌិតខ្មែរ​សុទ្ធសាទ ហើយបានចូលរួមចំណែក​ផ្តល់សេវាថែទាំ​ព្យាបាលជំងឺទូទៅ ប្រកបដោយគុណភាព ជូនដល់បងប្អូនប្រជាពលរដ្ឋខ្មែរ និងជនបរទេសផងដែរ។
សូមរំលឹកជូនថា ឯកឧត្តមទេសរដ្ឋមន្រ្តី អៀង មូលី និងក្រុមការងារ  ក្រុមគ្រូពេទ្យរបស់អាជ្ញាធរជាតិប្រយុទ្ធនឹងជំងឺអេដស៍ តែងតែបានចុះសួរ​បងប្អូនប្រជាពលរដ្ឋ នៅស្រុកបរសេដ្ឋ ខេត្តកំពង់ស្ពឺ ។ ឱសថសំរាប់ព្យាបាលជំងឺសាមញ្ញៗ ជាអំណោយដ៏ថ្លៃថ្លា​របស់គ្លីនិក ខេមា ទាំងនេះ នឹងត្រូវបានយក​ចែកជូនបងប្អូន ប្រជាពលរដ្ឋស្រុកបរសេដ្ឋ ខេត្តកំពង់ស្ពឺជាបន្តបន្ទាប់ទៀត។
 

Building 16, Street 271 L 150, Sangkat Teuklaak II Khan Toul Kok Phnom Penh, Cambodia
Email : info@naaa.gov.kh | Tel: 023 88 51 29 Fax: 023 88 52 79