សារលិខិតរបស់លោកនាយកអង្គការយូអុិនអេដស៍តំបន់អាស៊ីប៉ាស៊ីហ្វិក ផ្ញើជូនឯកឧត្តមទេសរដ្ឋមន្ត្រី អៀង មូលី
គោរពជូន
ឯកឧត្តម អៀង មូលី ទេសរដ្ឋមន្ត្រី
ប្រធានអាជ្ញាធរជាតិប្រយុទ្ធនឹងជំងឺអេដស៍
ថ្ងៃទី ២០ ខែ មិថុនា ឆ្នាំ២០១៨
ឯកឧត្តម
កម្មវត្ថុ៖ ការកោតសរសើរអំពីភាពជាអ្នកដឹកនាំ និងកិច្ចសហប្រតិបត្តិការពហុវិស័យ និងចីរភាពនៃការឆ្លើយតបជាតិទៅនឹងជំងឺអេដស៍។
ខ្ញុំសូមថ្លែងអំណរគុណចំពោះឱកាសដែលខ្ញុំបានជួបឯកឧត្តមកាលពីថ្ងៃទី ២៩ ខែ ឧសភា ឆ្នាំ២០១៨ ដោយបានពិភាក្សាអំពីការរីកចម្រើនគួរឳ្យកត់សម្គាល់នៃការឆ្លើយតបនឹងមេរោគអេដស៍ ជំងឺអេដស៍ដែលកម្ពុជាសម្រេចបាន។
កម្មវិធីរួមអង្គការសហប្រជាជាតិប្រយុទ្ធនឹងជំងឺអេដស៍ សូមវាយតម្លៃខ្ពស់ចំពោះការបន្តប្តេជ្ញាចិត្តរបស់រាជរដ្ឋាភិបាលកម្ពុជា និងអាជ្ញាធរជាតិប្រយុទ្ធនឹងជំងឺអេដស៍ ដែលបានដឹកនាំប្រកបដោយគំនិតច្នៃប្រឌិតថ្មីៗក្នុងការផ្តល់សេវាបង្ការការចម្លងមេរោគអេដស៍ និង សេវាព្យាបាលប្រឆាំងមេរោគអេដស៍ប្រកបដោយភាពជាក់លាក់នៅក្នុងតំបន់។
ឯកឧត្តម កម្មវិធីរួមអង្គការសហប្រជាជាតិប្រយុទ្ធនឹងជំងឺអេដស៍ សូមកោតសរសើរការសម្របសម្រួលពហុវិស័យរបស់អាជ្ញាធរជាតិប្រយុទ្ធនឹងជំងឺអេដស៍ និង កិច្ចខិតខំប្រឹងប្រែងក្នុងការធ្វើសមាហរណកម្មបទអន្តរាគមន៍ប្រយុទ្ធនឹងជំងឺអេដស៍ទៅក្នុងផែនការ វិនិយោគ និង អភិវឌ្ឍ ឃុំសង្កាត់ និងទៅក្នុងគម្រោងគាំពារសង្គមផ្សេងៗជាច្រើន។
ផែនទីបង្ហាញផ្លូវអំពីចីរភាពដែលកំពុងត្រូវបានកសាង ក្រោមការដឹកនាំរបស់អាជ្ញាធរជាតិប្រយុទ្ធនឹងជំងឺអេដស៍ រួមជាមួយនឹងការគាំទ្រពីសំណាក់កម្មវិធីរួមប្រយុទ្ធនឹងជំងឺអេដស៍របស់អង្គការសហប្រជាជាតិ នឹងផ្តល់ជាមូលដ្ឋានគ្រឹះដ៏ល្អសម្រាប់កិច្ចពិភាក្សាជាបន្តអំពីការបង្កើនធនធានក្នុងស្រុកជាបន្តបន្ទាប់ និងចំណាត់ការដោះស្រាយបញ្ហាប្រឈមចម្បងៗ ដែលប៉ះពាល់ដល់ ចីរភាពនៃការផ្តល់សេវាបង្ការ និង សេវាព្យាបាលជូនដល់អ្នកដែលរស់នៅ ជាមួយមេរោគអេដស៍ទាំងអស់ ដែលកំពុងត្រូវការសេវាប្រកបដោយគុណភាពខ្ពស់។
កម្មវិធីរួមអង្គការសហប្រជាជាតិប្រយុទ្ធនឹងជំងឺអេដស៍ ទន្ទឹងរង់ចាំបន្តកិច្ចសហប្រតិបត្តិការដ៏ជោគជ័យរបស់យើង និងបានត្រៀមលក្ខណៈរួចរាល់គាំទ្រកិច្ចខិតខំប្រឹងប្រែងរបស់អាជ្ញាធរជាតិប្រយុទ្ធនឹងជំងឺអេដស៍បញ្ឈប់ការចម្លងមេរោគអេដស៍ មិនឳ្យគំរាមកំហែង សុខភាពសាធារណៈឳ្យបានត្រឹមឆ្នាំ២០២៥។
សូមឯកឧត្តមទេសរដ្ឋមន្ត្រីទទួលនូវគារវៈកិច្ចដ៏ខ្ពង់ខ្ពស់អំពីខ្ញុំ។
លោក Eamonn Murphy
នាយកអង្គការយូអិនអេដស៍ ប្រចាំតំបន់អាស៊ី ប៉ាស៊ីហ្វិក
(កម្មវិធីរួមរបស់អង្គការសហប្រជាជាតិប្រយុទ្ធនឹងជំងឺអេដស៍)
info@naaa.gov.kh
+855 (0)23 885 129
+855 (0)23 885 279
ភាសាខ្មែរ
English
