National AIDS Authority

ព្រះរាជាណាចក្រកម្ពុជា
Kingdom of Cambodia

ជាតិ សាសនា ព្រះមហាក្សត្រ
Nation Religion King

ថ្វាយកម្រងផ្កាគោរពព្រះវិញ្ញានក្ខន្ធព្រះករុណាព្រះបរមរតនកោដ្ឋឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំលើកទី៥៦នៃក្រុមប្រឹក្សាសម្របសម្រួលកម្មវិធីយូអិនអេដស៍(UNAIDS)

កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី២ ឆ្នាំ២០២៥

ទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២៥

សន្និបាតអាជ្ញាធរជាតិប្រយុទ្ធនឹងជំងឺអេដស៍ឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំ យូអិនអេដស៍ (UNAIDS PCB) លើកទី៥៦

Contact us now:

info@naaa.gov.kh

+855 (0)23 885 129

+855 (0)23 885 279

ភាសាខ្មែរ

English

ចំនួនអ្នកទស្សនាគេហទំព័រ:

ឯកឧត្តមទេសរដ្ឋមន្ត្រី អៀង មូលី ដឹកនាំក្រុមទន្តបណ្ឌិត ផ្តល់សេវាព្យាបាលជំងឺមាត់ ធ្មេញ ជូនបងប្អូនប្រជាពលរដ្ឋ ឃុំភារីមានជ័យ និងសំណេះសំណាលជាមួយបងប្អូនប្រជាពលរដ្ឋ ឃុំស្វាយរំពា ស្រុកបសេដ្ឋ

នាព្រឹកថ្ងៃសៅរ៍ ៣រោច ខែមឋមាសាធ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៣០ ខែមិថុនា ឆ្នាំ២០១៨ មានការរៀបចំផ្តល់សេវា ពិនិត្យ និង ព្យាបាលជំងឺមាត់ធ្មេញដោយឥតគិតថ្លៃពីសមាគមគ្រូពេទ្យស្ម័គ្រចិត្តយុវជនសម្តេចតេជោ នៅឃុំភារីមាជ័យ និង ការជួបសំណេះសំណាលជាមួយសមាជិកបក្សនៅឃុំស្វាយរំពារ ស្រុកបរសេដ្ឋ ខេត្តកំពង់ស្ពឺ ក្រោមអធិបតីភាពឯកឧត្តមទេសរដ្ឋមន្រ្តី អៀង មូលី អនុប្រធានក្រុមការងារថ្នាក់កណ្តាលចុះជួយខេត្តកំពង់ស្ពឺ។ ចូលរួមក្នុងពិធីនេះរួមមានឯកឧត្តម យឹម សុខុម ប្រធានក្រុមការងារថ្នាក់ខេត្តចុះជួយស្រុកបរសេដ្ឋ ឯកឧត្តម លោកជំទាវ អស់លោក លោកស្រី ជាថ្នាក់ដឹកនាំអាជ្ញាធរជាតិប្រយុទ្ធនឹងជំងឺអេដស៍ ជាប្រធាន អនុប្រធាន សមាជិក ក្រុមការងារចុះជួយឃុំក្នុងស្រុកបរសេដ្ឋ លោកអភិបាលស្រុក និងប្រជាជននៅឃុំភារីមានជ័យ និងឃុំស្វាយរំពារ ប្រមាណ៦០០នាក់ផងដែរ។
បន្ទាប់ពីស្តាប់របាយការណ៍លោកអភិបាលស្រុករួចមក ឯកឧត្តមទេសរដ្ឋមន្ត្រីបានមានប្រសាសន៍ថា យើងទៅបោះឆ្នោតជូនគណបក្សប្រជាជនកម្ពុជា នឹងបានសម្តេចតេជោធ្វើជានាយករដ្ឋមន្ត្រី។ សម្តេចតេជោនឹងបន្តដឹកនាំឱ្យមានការអភិវឌ្ឍ មានការសាងសង់សាលារៀន ស្ពាន ថ្នល់មានក្រាលកៅស៊ូ និងប្រជាជនមានការងារធ្វើ។ សព្វថ្ងៃយើងលែងក្រទៀតហើយ។ យើងក្លាយជាប្រទេសដែលមានចំណូលមធ្យមកម្រិតទាបចាប់ពីឆ្នាំ២០១៦មក។ មានអ្នកលើកឡើងថាយើងក្រ គឺដោយសារតែយើងជំពាក់លុយគេ។ អ្នកជំពាក់លុយគេមិនប្រាកដថាជាអ្នកក្រទេ ព្រោះថាបើយើងក្រ គេមិនឱ្យលុយខ្ចីទេ។ យើងសព្វថ្ងៃនៅក្នុងសភាពការណ៍មួយដែលមានការរីកចម្រើនហើយ។ ឯកឧត្តមបានបន្តថា យើងបានសុខសន្តិភាពដោយសារនយោបាយឈ្នះ-ឈ្នះរបស់សម្តេចតេជោ ហើយយើងនឹងបន្តបានសុខសប្បាយ និងមានការអភិវឌ្ឍក្រោមការដឹកនាំរបស់សម្តេចតេជោ ហ៊ុន សែន។ រាជរដ្ឋាភិបាលបានគិតគូរផងដែរដល់សន្តិសុខ និងសុខុមាលភាពសង្គម ដោយការដំឡើងប្រាក់ខែដល់មន្ត្រីរាជការ និងកម្មករ រួមនឹងការផ្តល់របបសន្តិសុខសង្គមដល់មន្រ្តីរាជការនិងកម្មករ។ ហើយចាប់ពីឆ្នាំ២០១៩ រាជរដ្ឋា ភិបាល ក៏នឹងរៀបចំច្បាប់ឱ្យកម្មករយើងនឹងទទួលបានប្រាក់សោធននិវត្តន៍ដូចមន្រ្តីរាជការដែរ។ ជាមួយគ្នានោះ ស្រ្តីមានផ្ទៃពោះក្រីក្រនឹងទទួលបានប្រាក់ឧបត្ថម្ភពី ពេលមានផ្ទៃពោះ រហូតដល់ពេលសម្រាល និងក្រោយពេលសម្រាល នូវចំនួនថវិកាសរុប៧៦ម៉ឺនរៀលក្នុងម្នាក់ៗផងដែរ។
ឯកឧត្តមទេសរដ្ឋមន្ត្រីបានបន្តមានប្រសាសន៍ថា ប្រទេសយើងសព្វថ្ងៃប្រកាន់យករបបប្រជាធិបតេយ្យសេរីពហុបក្ស ហើយយើងបានរៀបចំការបោះឆ្នោតជាទៀងទាត់រៀងរាល់ ៥ឆ្នាំម្តង។ ចំណុចសំខាន់នៅត្រង់ថា យើងទាំងអស់គ្នាស្រឡាញ់ប្រជាធិបតេយ្យ ដូច្នេះ យើងត្រូវនាំគ្នាទៅបោះឆ្នោតឱ្យបានគ្រប់ៗគ្នា កុំជឿតាមការឃោសនាអកុសលរបស់ជនបោកប្រាស់នៅក្រៅស្រុក។ ជាមួយគ្នានោះ ឯកឧត្តមទេសរដ្ឋមន្រ្តីបានសួរបញ្ជាក់ ហើយបងប្អូនប្រជាជនបានឆ្លើយព្រមគ្នាថា : ១) បានជាប្រទេសយើងរៀបចំការបោះឆ្នោត គឺដោយសារប្រទេសយើងកាន់របបប្រជាធិបតេយ្យសេរីពហុបក្ស ២) អ្នកដែលទៅរារាំងថៅកែមិនឱ្យមកវិនិយោគនៅស្រុកខ្មែរ និងឃោសនាមិនឱ្យប្រជាជនទៅបោះឆ្នោតគឺជា ជនក្បត់ជាតិ ៣) យើងនាំគ្នាទៅបោះឆ្នោតជូនគណបក្ស ប្រជាជនកម្ពុជា នៅថ្ងៃទី២៩ ខែកក្កដា គ្រប់ៗគ្នា ដើម្បីសម្តេចតេជោហ៊ុន សែន បន្តដឹកនាំប្រទេសឱ្យមានសុខសន្តិភាព និងការអភិវឌ្ឍទៅមុខទៀត។
នៅទីបញ្ចប់ ឯកឧត្តមទេសរដ្ឋមន្ត្រីបានផ្តាំផ្ញើដល់ប្រជាជនទាំងអស់ និងសមាជិកអង្គពិធីទាំងមូលថា នៅថ្ងៃទី២៩ ខែ កក្កដា យើងនាំគ្នាទៅបោះឆ្នោតជូនគណបក្សប្រជាជនកម្ពុជាឱ្យបានគ្រប់ៗគ្នា ដោយត្រូវគូសឱ្យចំលេខរៀងទី២០ ដែលមានរូបទេវតាបាចផ្កា។

សកម្មភាពរបស់ អ.ជ.ប.ជ.អ នៅលើប្រព័ន្ធផ្សព្វផ្សាយ

សារអេឡិចត្រូនិច