ព្រះរាជាណាចក្រកម្ពុជា
Kingdom of Cambodia

ជាតិ​ សាសនា ព្រះមហាក្សត្រ
Nation Religion King

Contact us now:
info@naaa.gov.kh
+855 (0)23 885 129
+855 (0)23 885 279

ភាសាខ្មែរ   English

ឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ និងជាសមាជិកក្រុមប្រឹក្សាភិបាលមូលនិធិសកល បានដឹកនាំការប្រជុំមណ្ឌលតំណាងតំបន់ប៉ាស៊ីហ្វិកខាងលិច

នៅថ្ងៃអង្គារ ១៤កើត ខែអស្សុជ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៣ ខែតុលា ឆ្នាំ២០១៨ ចាប់ពីម៉ោង២រសៀល ឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ និងជាសមាជិកក្រុមប្រឹក្សាភិបាល​មូលនិធិសកល បានដឹកនាំ​ការប្រជុំមណ្ឌល​តំណាង​តំបន់​ប៉ាស៊ីហ្វិក​ខាងលិច តាមវីដេអូខនហ្វឺរិន ដើម្បីត្រៀម​លក្ខណៈសម្រាប់​កិច្ចប្រជុំ​ក្រុមប្រឹក្សា​ភិបាល លើកទី៤០ ដែលនឹង​ប្រព្រឹត្ត​ទៅនៅ​ទីក្រុង​ហ្សឺណែវ ក្នុងខែវិច្ឆិកា ខាងមុខ។

របៀបវារៈនៃកិច្ចប្រជុំរួមមាន :
១) មតិស្វាគមន៍ ដោយឯកឧត្តមទេសរដ្ឋមន្ត្រី អៀង មូលី
២) ការធ្វើបច្ចុប្បន្នភាពអំពីកិច្ចប្រជុំគណៈកម្មាធិការបច្ចេកទេស ដែលបានប្រជុំកាលពីថ្ងៃទី១-៥ ខែតុលា កន្លងទៅនេះ ដោយឯកឧត្តមទេសរដ្ឋមន្ត្រី អៀង មូលី
៣) ការពិនិត្យមើល និងមតិលើរបៀបវារៈនៃកិច្ចប្រជុំក្រុមប្រឹក្សាភិបាល លើកទី៤០ (វេទិកាពិភាក្សា)
៤) សេចក្តីប្រកាសរបស់មណ្ឌលតំណាងតំបន់ប៉ាស៊ីហ្វិកខាងលិច (វេទិកាពិភាក្សា)
៥) ការត្រៀមលក្ខណៈសម្រាប់ប្រតិភូមណ្ឌលតំណាងតំបន់ : សមាសភាព តួនាទី និងការទទួលខុសត្រូវ (វេទិកាពិភាក្សា)
៦) មតិលើគោលការណ៍ណែនាំប្រតិបត្តិការនៃមណ្ឌលតំណាងតំបន់ប៉ាស៊ីហ្វិកខាងលិច និងការបិទកិច្ចប្រជុំ

កិច្ចប្រជុំនៅមានការចូលរួមពីសមាជិកឆ្លាស់វេន សមាជិកគណៈកម្មាធិការយុទ្ធសាស្ត្រ សមាជិកមណ្ឌលតំណាង និងសមាជិកប្រតិភូដែលទៅចូលរួមកិច្ចប្រជុំក្រុមប្រឹក្សាភិបាល លើកទី៤០ មកពី ប៉ាពូអាស៊ីណូវែលហ្គីណេ ហ្វីលីពីន ម៉ាឡេស៊ី វៀតណាម ចិន វ៉ានូទូ និងកម្ពុជា ដោយមានការសម្របសម្រួលពីអ្នកគ្រប់គ្រង និងអ្នកជំនាញជាន់ខ្ពស់ទទួលបន្ទុកគម្រោងពិសេស និងប្រតិបត្តិការរបស់មូលនិធិសកល ដែលនៅក្រុងហ្សឺណែវផងដែរ។

កិច្ចប្រជុំក៏បានដំណើរការទៅដោយរលូនតាមរបៀបវារៈ ដោយមានការពិភាក្សាយ៉ាងផុលផុស និងបញ្ចប់ទៅនៅម៉ោង៤រសៀលប្រកបភាពស្និទ្ធស្នាល។

Building 16, Street 271 L 150, Sangkat Teuklaak II Khan Toul Kok Phnom Penh, Cambodia
Email : info@naaa.gov.kh | Tel: 023 88 51 29 Fax: 023 88 52 79