ព្រះរាជាណាចក្រកម្ពុជា
Kingdom of Cambodia

ជាតិ​ សាសនា ព្រះមហាក្សត្រ
Nation Religion King

ថ្វាយ​កម្រងផ្កា​គោរព​ព្រះវិញ្ញានក្ខន្ធ​ព្រះករុណា​ព្រះបរមរតន​កោដ្ឋឆ្នាំ២០២៥
ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima
​កិច្ចប្រជុំ​លើក​ទី៥៦នៃ​ក្រុមប្រឹក្សា​សម្របសម្រួល​កម្មវិធី​យូ​អិន​អេដស៍(UNAIDS)
កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី២ ឆ្នាំ២០២៥
ថ្វាយ​កម្រងផ្កា​គោរព​ព្រះវិញ្ញានក្ខន្ធ​ព្រះករុណា​ព្រះបរមរតន​កោដ្ឋឆ្នាំ២០២៥
ទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២៥
សន្និបាត​អាជ្ញាធរ​ជាតិ​ប្រយុទ្ធ​នឹង​ជំងឺ​អេដស៍​ឆ្នាំ២០២៥
ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima
កិច្ចប្រជុំ យូអិនអេដស៍ (UNAIDS PCB) លើកទី៥៦
Contact us now:
info@naaa.gov.kh
+855 (0)23 885 129
+855 (0)23 885 279

ភាសាខ្មែរ   English
ចំនួនអ្នកទស្សនាគេហទំព័រ:

NAA Vistor Counter

ឯកឧត្តមទេសរដ្ឋមន្រ្តី អៀង មូលី ទទួលជួប លោកវេជ្ជបណ្ឌិត Liu Yunguo តំណាងអង្គការសុខភាពពិភពលោកប្រចាំកម្ពុជា

នៅព្រឹកថ្ងៃទី១២ ខែកុម្ភៈឆ្នាំ២០១៩ នៅអគារ​អាជ្ញាធរជាតិ​ប្រយុទ្ធនឹងជំងឺអេដស៍ បន្ទាប់ពីបាន​បញ្ចប់​បេសកកម្ម​នៅក្នុងព្រះរាជាណចក្រកម្ពុជា លោកវេជ្ជបណ្ឌិត Liu Yunguo តំណាងអង្គការសុខភាពពិភពលោក  បានចូលជួបសម្តែងការគួរសម និងជម្រាបលា ឯកឧត្តមទេសរដ្ឋមន្រ្តី អៀង មូលី ប្រធានអាជ្ញាធរជាតិ​ប្រយុទ្ធនឹងជំងឺអេដស៍ ។
ឯកឧត្តមទេសរដ្ឋមន្រ្តី បានមានប្រសាសន៍កោតសរសើរ និងថ្លែងអំណរគុណចំពោះ លោកវេជ្ជបណ្ឌិត តំណាងអង្គការសុខភាពពិភពលោកប្រចាំកម្ពុជា ដែលបានសហការ និង បំពេញការងារយ៉ាងជិតស្និទ្ធ ជាមួយអាជ្ញាធរជាតិប្រយុទ្ធនឹងជំងឺអេដស៍ ក្នុងការងារប្រយុទ្ធឆ្លើយតបទៅនឹង  មេរោគអេដស៍ និងជំងឺអេដស៍ ក៏ដូចជាក្នុងការ​គ្រប់គ្រងសម្របសម្រួល​គម្រោងមូលនិធិសកល​ប្រយុទ្ធនឹងជំងឺអេដស៍ របេង និងគ្រុនចាញ់ នៅក្នុងព្រះរាជាណាចក្រកម្ពុជា ក្នុងអណត្តិដែល ឯកឧត្តមត្រូវបាន​ជាប់ឆ្នោតជាប្រធានគណៈ  កម្មាធិការសម្របសម្រួល​មូលនិធិសកលពីរអាណត្តិជាប់ៗគ្នា ចំណែក​លោកវេជ្ជបណ្ឌិត​តំណាង​អង្គការ​សុខភាព​ពិភពលោក​ជាប់​ឆ្នោត​ជា​អនុប្រធាន​គណៈកម្មាធិការ។
លោកវេជ្ជបណ្ឌិត Liu Yunguo បានសម្តែងការកោតសសើរ និងថ្លែងអំណរគុណ ជូនចំពោះ      ឯកឧត្តមទេសរដ្ឋមន្រ្តី ដែលបានជួយជ្រោមជ្រែង សហការ យ៉ាងជិតស្និទ្ធជាមួយអង្គការសុខភាពពិភពលោក ក្នុងការលើកកម្ពស់ការគ្របដណ្តប់ ការឆ្លើយតប និងការគាំទ្រអន្តរវិស័យ ដែលមាននិរន្តភាព ភាពជាម្ចាស់ ដោយមានការចូលរួមពីសំណាក់ អង្គការមិនមែនរដ្ឋាភិបាល អង្គការសង្គមស៊ីវិល និងជាពិសេសក្រុមតំណាងប្រជាពលរដ្ឋ​កំពុងរស់នៅ​ជាមួយ​មេរោគអេដស៍។ លោកវេជ្ជបណ្ឌិត បានកោតសសើរ ជាពិសេសអំពីមគ្គុទេសក៍ភាព ប្រកបដោយទេពកោសល្យ ក្នុងការដឹកនាំសម្របសម្រួលគម្រោង​មូលនិធិសកល ដោយមាន​ការ​ចូលរួម​ពី​សំណាក់​មូលនិធិសកល ក្រសួង  ស្ថាប័នរាជរដ្ឋាភិបាល និងផ្នែកពាក់ព័ន្ធ។
លោកវេជ្ជបណ្ឌិត មានសង្ឃឹមយ៉ាងមុតមាំថា បទពិសោធន៍ និងជោគជ័យ ក្នុងការយន្តការ​ប្រយុទ្ធនឹងឆ្លើយតប​ទៅនឹងមេរោគអេដស៍ និងជំងឺអេដស៍នៅកម្ពុជា អាច​នឹង​ត្រូវ​បាន​យក​ទៅ​អនុវត្តក្នុងការប្រយុទ្ធនឹងឆ្លើយតបទៅនឹងជំងឺមិនឆ្លង ដូចជា ជំងឺទឹកនោមផ្អែម ជំងឺលើសឈាមជាដើម។
ជាទីបញ្ចប់ ឯកឧត្តមទេសរដ្ឋមន្រ្តី បានជូនពរលោកវេជ្ជបណ្ឌិត ទទួលបានជោគជ័យក្នុងភារកិច្ចថ្មីរបស់អង្គការសុខភាពពិភពលោក និង បានជូនវត្ថុអនុស្សាវរីយ៍ ជូនលោកវេជ្ជបណ្ឌិតផងដែរ។