National AIDS Authority

ព្រះរាជាណាចក្រកម្ពុជា
Kingdom of Cambodia

ជាតិ សាសនា ព្រះមហាក្សត្រ
Nation Religion King

ថ្វាយកម្រងផ្កាគោរពព្រះវិញ្ញានក្ខន្ធព្រះករុណាព្រះបរមរតនកោដ្ឋឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំលើកទី៥៦នៃក្រុមប្រឹក្សាសម្របសម្រួលកម្មវិធីយូអិនអេដស៍(UNAIDS)

កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី២ ឆ្នាំ២០២៥

ទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២៥

សន្និបាតអាជ្ញាធរជាតិប្រយុទ្ធនឹងជំងឺអេដស៍ឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំ យូអិនអេដស៍ (UNAIDS PCB) លើកទី៥៦

Contact us now:

info@naaa.gov.kh

+855 (0)23 885 129

+855 (0)23 885 279

ភាសាខ្មែរ

English

ចំនួនអ្នកទស្សនាគេហទំព័រ:

ឯកឧត្តមទេសរដ្ឋមន្ត្រី អៀង មូលី : ជោគជ័យក្នុងការប្រយុទ្ធនឹងជំងឺអេដស៍កើតចេញពី ការប្តេជ្ញាចិត្តខាងនយោបាយ ភាពជាដៃគូ និងការវិនិយោគដើម្បីឈានទៅបញ្ចប់អេដស៍

ហ្សឺណែវ : នៅរសៀលថ្ងៃចន្ទ ៤កើត ខែចេត្រ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៨ ខែមេសា ឆ្នាំ ២០១៩ នៅសណ្ឋាគារ Grand Hotel Kempinsky Geneva ឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺ អេដស៍បានធ្វើបទបង្ហាញផ្តល់នូវបទពិសោធន៍ជោគជ័យក្នុងការប្រយុទ្ធនឹងមេរោគអេដស៍ និងជំងឺអេដស៍នៅកម្ពុជា ក្នុងកិច្ចប្រជុំពិគ្រោះយោបល់សកលស្តីពី "ការគូសវាសផ្លូវដើរទៅកាន់លទ្ធផលនៃការឆ្លើយតបនឹងជំងឺអេដស៍ប្រកបដោយចីរភាព ក្នុងយុគសម័យគោលដៅអភិវឌ្ឍប្រកបដោយចីរភាព" ដែលប្រព្រឹត្តទៅរយៈពេល៣ថ្ងៃ គឺពីថ្ងៃទី ៨ ដល់១០ ខែមេសា។
ឯកឧត្តមទេសរដ្ឋមន្ត្រី បានធ្វើបទបង្ហាញដែលមានចំណងជើងថា "ឆ្ពោះទៅបញ្ចប់អេដស៍នៅកម្ពុជា : អនុសាសន៍ក្នុងការរៀបចំខ្លួនសម្រាប់ការ ផ្ទេរដំណាក់ កាល និងផែនទីបង្ហាញផ្លូវទៅកាន់ចីរភាព" ដល់កិច្ច ប្រជុំ។ បទបង្ហាញបានធ្វើឡើងបន្ទាប់ពីអង្គការUNAIDS បានផ្តល់នូវវិញ្ញាបនបត្រទទួលស្គាល់នូវតួនាទីដ៏សំខាន់របស់រាជរដ្ឋាភិបាលកម្ពុជាដែលប្រកប ដោយការប្តេជ្ញាចិត្តនយោបាយ និងមគ្គុទ្ទេសក៍ភាពក្នុងការធ្វើឱ្យសម្រេចគោលដៅ៩០-៩០-៩០ (៩០%នៃអ្នកផ្ទុក មេរោគអេដស៍បានដឹងពីស្ថានភាពជំងឺអេដស៍របស់ខ្លួន ៩០%នៃអ្នកដឹងពីស្ថានភាពជំងឺបានទទួលការព្យាបាលដោយឱសថប្រឆាំងមេរោគអេដស៍ និង៩០% នៃអ្នកបានទទួលការព្យាបាលមានបន្ទុកមេរោគអេដស៍កម្រិតទាបបំផុតនៅក្នុងឈាម)។ ឯកឧត្តមទេសរដ្ឋមន្ត្រីក៏បានថ្លែងទៅ កាន់កិច្ចប្រជុំថា អាជ្ញាធរជាតិប្រយុទ្ធនឹងជំងឺ អេដស៍ជា ស្ថាប័នជាតិដែលដឹកនាំ និងសម្រប សម្រួលក្នុងការឆ្លើយតបនឹងមេរោគអេដស៍ និងជំងឺ អេដស៍ជាពហុវិស័យ។ គោលការណ៍ដឹកនាំរបស់អាជ្ញាធរគឺ វិធីសាស្ត្រផ្តោតលើមនុស្ស ប្រសិទ្ធផល ប្រសិទ្ធភាព និងចីរភាព ជាមួយនឹងតួនាទី និងការ ទទួលខុសត្រូវរួមមាន : មគ្គុទ្ទេសក៍ភាព ភាពជាម្ចាស់ ភាពជាដៃគូ សម្របសម្រួលក្នុងការធ្វើចលនាប្រភពធនធាន (ជាមួយក្រសួង ខេត្ត អង្គការសហប្រជាជាតិ ដៃគូអភិវឌ្ឍន៍ និងអង្គការសង្គមស៊ីវិល)។
នៅក្នុងសេចក្តីសន្និដ្ឋាន ឯកឧត្តមទេសរដ្ឋមន្ត្រីបានគូសបញ្ជាក់ថា រាជរដ្ឋាភិបាលកម្ពុជាបានប្តេជ្ញាចិត្តក្នុងការបញ្ចប់អេដស៍ និងធ្វើឱ្យមានចីរភាពក្នុងការប្រយុទ្ធនឹងជំងឺអេដស៍។ រាជរដ្ឋាភិបាលកម្ពុជាបានដាក់ចេញនូវគោលនយោបាយ ៦ចំណុចដើម្បីធានាចីរភាពក្នុងការប្រយុទ្ធនឹងជំងឺ អេដស៍ជាលក្ខណៈពហុវិស័យផងដែរកាលពីថ្ងៃទី ២១ ខែកុម្ភៈ ឆ្នាំ២០១៩ កន្លងទៅថ្មីៗនេះ។ ជោគជ័យក្នុងការប្រយុទ្ធនឹងជំងឺអេដស៍កើតចេញ ពីចំណុចសំខាន់៣គឺ ១) ការប្តេជ្ញាចិត្តខាង នយោបាយ ២) ភាពជាដៃគូ (រាជរដ្ឋាភិបាលធ្វើការយ៉ាងជិតស្និទ្ធជាមួយអង្គការសហប្រជាជាតិ ប្រទេសម្ចាស់ជំនួយ និងអង្គការសង្គមស៊ីវិល) និង ៣) ការវិនិយោគដើម្បីឈានទៅបញ្ចប់អេដស៍។

សកម្មភាពរបស់ អ.ជ.ប.ជ.អ នៅលើប្រព័ន្ធផ្សព្វផ្សាយ

សារអេឡិចត្រូនិច