National AIDS Authority

ព្រះរាជាណាចក្រកម្ពុជា
Kingdom of Cambodia

ជាតិ សាសនា ព្រះមហាក្សត្រ
Nation Religion King

ថ្វាយកម្រងផ្កាគោរពព្រះវិញ្ញានក្ខន្ធព្រះករុណាព្រះបរមរតនកោដ្ឋឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំលើកទី៥៦នៃក្រុមប្រឹក្សាសម្របសម្រួលកម្មវិធីយូអិនអេដស៍(UNAIDS)

កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី២ ឆ្នាំ២០២៥

ទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២៥

សន្និបាតអាជ្ញាធរជាតិប្រយុទ្ធនឹងជំងឺអេដស៍ឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំ យូអិនអេដស៍ (UNAIDS PCB) លើកទី៥៦

Contact us now:

info@naaa.gov.kh

+855 (0)23 885 129

+855 (0)23 885 279

ភាសាខ្មែរ

English

ចំនួនអ្នកទស្សនាគេហទំព័រ:

ការពិភាក្សាស្វែងយល់អំពីគុណសម្បត្តិនៃការភ្ជាប់គ្នារវាងកម្មវិធីអេដស៍ និងរបេង ដើម្បីឈានទៅបញ្ចប់អេដស៍នៅឆ្នាំ២០២៥ និងរបេងនៅកម្ពុជានៅឆ្នាំ ២០៣០

ហ្សឺណែវ : នៅព្រឹកថ្ងៃអង្គារ ៥កើត ខែចេត្រ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៩ ខែមេសា ឆ្នាំ ២០១៩ នៅទីស្នាក់ការ StopTB Partnership ក្នុងអគារ Global Health Campus ឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍បានជួបពិភាក្សាការងារជាមួយលោកស្រីវេជ្ជបណ្ឌិត Lucica Ditiu អគ្គនាយិកាអង្គការ Stop TB Partnership។ ជំនួបពិភាក្សានេះធ្វើឡើងដើម្បីស្វែងយល់អំពីគុណសម្បត្តិនៃការភ្ជាប់គ្នារវាងកម្មវិធីអេដស៍ និងរបេង ដើម្បីឈានទៅបញ្ចប់ជំងឺអេដស៍នៅឆ្នាំ២០២៥ និងជំងឺរបេងនៅកម្ពុជានៅឆ្នាំ២០៣០ ដោយមានការចូលរួមពីឯកឧត្តមវេជ្ជបណ្ឌិត ទា ផលា អនុប្រធានអាជ្ញាធរជាតិប្រយុទ្ធនឹងជំងឺអេដស៍ ឯកឧត្តម ស៊ន ពិសិដ្ឋ ទីប្រឹក្សា និងប្រធាននាយកដ្ឋានរដ្ឋបាលនិងហិរញ្ញវត្ថុអាជ្ញាធរជាតិប្រយុទ្ធនឹងជំងឺអេដស៍ លោកវេជ្ជបណ្ឌិត Suvannand Sahu អគ្គនាយករង Stop TB Partnership និងលោកវេជ្ជបណ្ឌិត Jacob Creswell ប្រធានក្រុមឆ្នៃប្រឌិត និងជំនួយនៃ Stop TB Partnership។
ឯកឧត្តមទេសរដ្ឋមន្ត្រីបានមានប្រសាសន៍ថា យើងចង់ចែករំលែកបទពិសោធន៍ក្នុងការប្រយុទ្ធនឹងជំងឺអេដស៍ ដល់ការប្រយុទ្ធនឹងជំងឺរបេង និងចង់សិក្សាថាតើយើងអាចធ្វើអ្វីបានដើម្បីផ្សាភា្ជប់ និងសហការគ្នារវាងជំងឺទាំងពីរ។ ជាការឆ្លើយតបលោកស្រីអគ្គនាយិកាបានមាន ប្រសាសន៍ថា កម្ពុជាជាប្រទេសអាទិភាព អង្គការStop TB Partnership ចង់ជួយបន្ថែមទៀត។ អង្គការរបស់លោកស្រីបានទទួលការគាំទ្រថវិកាពីអង្គការ USAID ប្រទេសកាណាដា មូលនិធិហ្គេត ប្រទេសជប៉ុន និងអូស្ត្រាលី។ លោកស្រីចង់ឱ្យកម្មវិធីរបេង និងអេដស៍នៅជាមួយគ្នា។ លោកស្រីអាចជួយក្នុងការរៀបចំកម្មវិធីយល់ដឹងអំពីមេរោគអេដស៍ និងជំងឺអេដស៍ជាមួយជំងឺ របេងដោយមានការចូលរួមពីថ្នាក់ដឹកនាំនយោបាយ ជនល្បីៗ សហគមន៍ និងប្រជាពលរដ្ឋដើម្បីបង្កើនការយល់ដឹង និងការចូលរួមពីគ្រប់មជ្ឈដ្ឋាន និងផ្តល់ជំនួយបន្ថែមទៀតដល់កម្មវិធីប្រយុទ្ធនឹងជំងឺរបេងនៅកម្ពុជា។ តាម រយៈ TB Reach អង្គការStop TB Partnership បាននិងកំពុងជួយដល់គម្រោងប្រយុទ្ធនឹងជំងឺរបេងនៅកម្ពុជានូវថវិកាប្រមាណមួយលានដុល្លារក្នុងមួយឆ្នាំ។
មុននឹងបញ្ចប់ ឯកឧត្តមទេសរដ្ឋមន្ត្រីមានប្រសាសន៍ថា កម្មវិធីប្រយុទ្ធនឹងជំងឺអេដស៍នៅកម្ពុជា យើងមានភ័ព្វសំណាងដោយមានការគាំទ្រនយោបាយដ៏រឹងមាំពីសម្តេចតេជោនាយករដ្ឋមន្រ្តី។ យើងនឹងពិភាក្សាជាមួយស្ថាប័នជំងឺរបេង ដើម្បីស្វែងរកវិធីសហការគ្នា និងរាយ ការណ៍ជូនសម្តេចតេជោដើម្បីសម្រេច។ ជាមួយគ្នានេះ បានលោកស្រីអគ្គនាយិកាបានមានប្រសាសន៍ថា លោកស្រីនឹងធ្វើដំណើរទៅកម្ពុជាដើម្បីពិភាក្សាបន្ថែមទៀតអំពីបញ្ហានេះ។ នៅទីបញ្ចប់ ឯកឧត្តមទេសរដ្ឋមន្ត្រី និងលោកស្រីអគ្គនាយិកាឯកភាពគ្នាថានឹងស្វែងយល់ស៊ីជម្រៅតទៅទៀតអំពីវឌ្ឍនភាពនៃកម្មវិធីរបេង និងស្វែងរកចំណុចវិជ្ជមានដើម្បីផ្សាភ្ជាប់កម្មវិធីទាំងពីរជាមួយគ្នា ក្នុងន័យឈានទៅបំបាត់ជំងឺអេដស៍នៅឆ្នាំ ២០២៥ និងជំងឺរបេងនៅឆ្នាំ២០៣០។

សកម្មភាពរបស់ អ.ជ.ប.ជ.អ នៅលើប្រព័ន្ធផ្សព្វផ្សាយ

សារអេឡិចត្រូនិច