National AIDS Authority

ព្រះរាជាណាចក្រកម្ពុជា
Kingdom of Cambodia

ជាតិ សាសនា ព្រះមហាក្សត្រ
Nation Religion King

ថ្វាយកម្រងផ្កាគោរពព្រះវិញ្ញានក្ខន្ធព្រះករុណាព្រះបរមរតនកោដ្ឋឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំលើកទី៥៦នៃក្រុមប្រឹក្សាសម្របសម្រួលកម្មវិធីយូអិនអេដស៍(UNAIDS)

កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី២ ឆ្នាំ២០២៥

ទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២៥

សន្និបាតអាជ្ញាធរជាតិប្រយុទ្ធនឹងជំងឺអេដស៍ឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំ យូអិនអេដស៍ (UNAIDS PCB) លើកទី៥៦

Contact us now:

info@naaa.gov.kh

+855 (0)23 885 129

+855 (0)23 885 279

ភាសាខ្មែរ

English

ចំនួនអ្នកទស្សនាគេហទំព័រ:

ឯកឧត្តមទេសរដ្ឋមន្រ្តី អៀង មូលី ជួបពិភាក្សាការងារជាមួយ លោកវេជ្ជបណ្ឌិត Takeshi Kasai នាយកអង្គការសុខភាពពិភពលោក ប្រចាំតំបន់អាស៊ីប៉ាស៊ីហ្វិក

នៅរសៀលថ្ងៃច័ន្ទ ១១រោច ខែស្រាពណ៍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៦ ខែសីហា ឆ្នាំ២០១៩ នេះ ឯកឧត្តម អៀង មូលី ទេសរដ្ឋមន្រ្តី ប្រធានអាជ្ញាធរជាតិប្រយុទ្ធនឹងជំងឺអេដស៍បានទទួលជួបពិភាក្សាការងារជាមួយ លោកវេជ្ជបណ្ឌិត Takeshi Kasai នាយកអង្គការ សុខភាពពិភពលោក ប្រចាំតំបន់អាស៊ីប៉ាស៊ីហ្វិក នៅអាជ្ញាធរជាតិប្រយុទ្ធនឹងជំងឺអេដស៍។

ឯកឧត្តមទេសរដ្ឋមន្រ្តី អៀង មូលី បានជម្រាបជូនគណៈប្រតិភូអំពីប្រវត្តិសង្ខេប តួនាទី នឹងដំណើរការរបស់អាជ្ញាធរជាតិប្រយុទ្ធនឹងជំងឺអេដស៍ ដែលជាអង្គភាពពហុវិស័យ និងមានបណ្តាញនៅថ្នាក់ជាតិ និងថ្នាក់ក្រោមជាតិសម្រាប់ធ្វើការងារឆ្លើយតបនឹងមេរោគអេដស៍ និងជំងឺអេដស៍។ ឯកឧត្តមប្រធាន បានគូរបញ្ជាក់ថាអាជ្ញាធរជាតិប្រយុទ្ធនឹងជំងឺអេដស៍ បានលើកសំណើរតាមរយៈការប្រជុំពេញអង្គ សំដៅលើគោលនយោបាយសម្រាប់សម្រួលដល់ការឆ្លើយតបនិងមេរោគអេដស៍ និងជំងឺអេដស៍ នៅថ្នាក់ជាតិ និងថ្នាក់ក្រោមជាតិ។ ជាក់ស្តែងនៅខែកុម្ភៈឆ្នាំ២០១៩កន្លងទៅនេះ នាយករដ្ឋមន្រ្តីបានអនុមត័ ស.ជ.ណ លេខ២១៣ ដែលមានសេចក្តីសម្រេចចិត្តគោលនយោបាយ៦ចំណុច ដែលមានវិសាលភាពក្របដណ្តប់ លើចំណុចយុទ្ធសាស្រ្តមួយចំនួនដើម្បី ធានាចីរភាពនៃការឆ្លើយតបនៃមេរោគអេដស៍និងជំងឺអេដស៍ សំដៅសម្រេចអោយបាននូវគោលដៅ ៩៥ ៩៥ ៩៥ នៅឆ្នាំ២០២៥។ អាជ្ញាធរ ជាតិប្រយុទ្ធនឹងជំងឺអេដស៍ នឹងបន្តតាមដានវឌ្ឍនភាពនៃការអនុវត្តន៍ ស.ជ.ណលេខ២១៣នៅក្នុងកិច្ចប្រជុំពេញអង្គ ខែវិច្ឆិកា ឆ្នាំ២០១៩ខាងមុខ។

លោកវេជ្ជបណ្ឌិត Takeshi Kasai បានកោតសរសើរកិច្ចខិតខំប្រឹងប្រែងរបស់រាជរដ្ឋាភិបាលប្រទេសកម្ពុជា ដែលបានសម្រេចគោលដៅ ៩០ ៩០ ៩០ នៅឆ្នាំ២០១៧។ លោកក៏បានវាយតម្លៃខ្ពស់ដល់គំនិតផ្តួចផ្តើមរបស់អាជ្ញាធរជាតិប្រយុទ្ធនឹងជំងឺអេដស៍ ដែល បានខ្នះខ្នែង និងរិះរកឱកាសនិងមធ្យោបាយត្រៀមបម្រុងអោយការឆ្លើយតប និងមេរោគអេដស៍និងជំងឺអេដស៍ មានចីរភាព និងសម្រេចតាមគោលដៅដែលបានគ្រោងទុក។ លោកបានសង្កត់ធ្ងន់ថា ការធានាចីរភាពថវិកា គឺជាប្រការសំខាន់បំផុត ហើយក៏ជាពិសេសត្រូវមានការឯកភាពគ្នារវាងដៃគូពាក់ព័ន្ធក្នុងការកំណត់អាទិភាព និងការធានាប្រសិទ្ធិភាព នៃអន្តរាគមន៍ និងការប្រើប្រាស់យន្តការសមស្រប ការអនុវត្តគម្រោង និងគោលការណ៍ដែលបានលើកឡើង។

លោកវេជ្ជបណ្ឌិតប្រធានអង្គការសុខភាពពិភពលោក ប្រចាំតំបន់អាស៊ីប៉ាស៊ីហ្វិក បានកោតសរសើរដល់ការដឹកនាំរបស់រាជរដ្ឋាភិបាល និងអាជ្ញាធរជាតិប្រយុទ្ធនឹងជំងឺអេដស៍ ក្នុងការផ្តួចផ្តើមសកម្មភាពនានាដើម្បីប្រែក្លាយប្រទេសកម្ពុជា ឆ្លងកាត់អន្តរកាល ហើយឈានទៅសម្រេចគោលដៅបញ្ចប់ការរាលដាលជំងឺអេដស៍មិនឱ្យជាការគម្រាមកំហែងសុខភាពសាធារណៈនៅឆ្នាំ២០២៥ខាងមុខ។

សកម្មភាពរបស់ អ.ជ.ប.ជ.អ នៅលើប្រព័ន្ធផ្សព្វផ្សាយ

សារអេឡិចត្រូនិច