National AIDS Authority

ព្រះរាជាណាចក្រកម្ពុជា
Kingdom of Cambodia

ជាតិ សាសនា ព្រះមហាក្សត្រ
Nation Religion King

ថ្វាយកម្រងផ្កាគោរពព្រះវិញ្ញានក្ខន្ធព្រះករុណាព្រះបរមរតនកោដ្ឋឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំលើកទី៥៦នៃក្រុមប្រឹក្សាសម្របសម្រួលកម្មវិធីយូអិនអេដស៍(UNAIDS)

កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី២ ឆ្នាំ២០២៥

ទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២៥

សន្និបាតអាជ្ញាធរជាតិប្រយុទ្ធនឹងជំងឺអេដស៍ឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំ យូអិនអេដស៍ (UNAIDS PCB) លើកទី៥៦

Contact us now:

info@naaa.gov.kh

+855 (0)23 885 129

+855 (0)23 885 279

ភាសាខ្មែរ

English

ចំនួនអ្នកទស្សនាគេហទំព័រ:

ឯកឧត្តមទេសរដ្ឋមន្ត្រី អៀង មូលី ប្រធានក្រុមការងារថ្នាក់កណ្តាលចុះជួយស្រុកបរសេដ្ឋ អញ្ជើញចូលរួមកិច្ចប្រជុំបូកសរុបលទ្ធផលការងារ ខែសីហា និងលើក ទិសដៅការងារខែកញ្ញាឆ្នាំ២០១៩

នាព្រឹកថ្ងៃសៅរ៍ ៩កើត ខែភទ្របទ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី៧ ខែកញ្ញា ឆ្នាំ ២០១៩ ឯកឧត្តមទេសរដ្ឋមន្ត្រី អៀង មូលី សមាជិកគណៈកម្មាធិការកណ្តាលគណបក្សប្រជាជនកម្ពុជា អនុប្រធានក្រុមការងារថ្នាក់កណ្តាលចុះជួយខេត្តកំពង់ស្ពឺ និងជាប្រធានក្រុមការងារថ្នាក់កណ្តាលចុះជួយស្រុកបរសេដ្ឋ បានអញ្ជើញ ចូលរួមកិច្ចប្រជុំបូកសរុបលទ្ធផលការងារគណបក្សខែសីហា និងលើកទិសដៅការងារខែកញ្ញា ឆ្នាំ២០១៩ ក្រោមអធិបតីភាពដ៏ខ្ពង់ខ្ពស់ ឯកឧត្តមកិត្តិសេដ្ឋាបណ្ឌិតទេសរដ្ឋមន្ត្រី ឆាយ ថន សមាជិកអចិន្ត្រៃយ៍គណៈកម្មាធិការកណ្តាលគណបក្សប្រជាជនកម្ពុជា និងជាប្រធាន ក្រុមការងារថ្នាក់កណ្តាលចុះជួយខេត្តកំពង់ស្ពឺ នៅទីស្នាក់ការគណបក្សខេត្តកំពង់ស្ពឺ។

បន្ទាប់មកនៅរសៀលថ្ងៃដដែល ឯកឧត្តមទេសរដ្ឋមន្ត្រី អៀង មូលី ក៏បានអញ្ជើញជាអធិបតីដ៏ខ្ពង់ខ្ពស់ដឹកនាំប្រជុំកិច្ចប្រជុំផ្សព្វផ្សាយរបាយ ការណ៍ស្តីពីសភាពការណ៍ទូទៅ ការងារគណបក្សប្រចាំឆមាសទី១ និងទិសដៅភារកិច្ចប្រចាំឆមាសទី២ ឆ្នាំ២០១៩ របស់គណៈកម្មាធិការកណ្តាលគណបក្សប្រជាជនកម្ពុជា និងកិច្ចប្រជុំបូកសរុបលទ្ធផល ការងារគណបក្សខែសីហា និងលើកទិសដៅការងារខែកញ្ញា ឆ្នាំ២០១៩ នៅទីស្នាក់ការគណបក្សស្រុកបរសេដ្ឋ ខេត្តកំពង់ស្ពឺ។

នាឱកាសនោះ ឯកឧត្តមបានមានប្រសាសន៍ទៅ កាន់សមាជិក សមាជិកាទាំងអស់នៃអង្គប្រជុំថា គណបក្សប្រជាជនកម្ពុជាត្រូវយក ឈ្នះរាល់ការ បោះឆ្នោត ដើម្បីបន្តដឹកនាំប្រទេសយូរអង្វែងក្នុង គោលបំណងសម្រេចនូវក្តីបំណងប្រាថ្នាដ៏ពិសិដ្ឋរបស់ប្រជាជនកម្ពុជាគឺ សេចក្តីសុខ សន្តិភាព សុវត្ថិភាព និងការអភិវឌ្ឍ ក៏ដូចជាសម្រេចនូវទស្សនវិស័យរបស់ជាតិដែលបានកំណត់ថា ធ្វើឱ្យប្រទេសកម្ពុជា ក្លាយទៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសមានចំណូលខ្ពស់នៅឆ្នាំ២០៥០។

ឯកឧត្តមក៏បានបញ្ជាក់បន្ថែមថា ដើម្បីធានាសម្រេចបាននូវទិសដៅខាងលើ យើងទាំងអស់ គ្នាដែលជាសមាជិកគណបក្សប្រជាជនត្រូវចូលរួមក្នុងការអនុវត្តនូវកម្មវិធីគោលនយោបាយ និង យុទ្ធសាស្ត្ររបស់គណបក្សឱ្យទទួលបានជោគជ័យ ដោយត្រូវចុះពង្រឹងជួបជាប្រចាំជាមួយសមាជិកគណបក្សនៅតាមមូលដ្ឋាន ជាពិសេសនៅភូមិ ឃុំ ដើម្បីឆ្លើយតបនឹងតម្រូវការរបស់ពួក គាត់ឱ្យបានទាន់ពេល ព្រោះថាសម្លេងគាំទ្ររបស់គណបក្ស គឺស្ថិតនៅភូមិឃុំនោះឯង។

ឯកឧត្តមបានសង្កត់ធ្ងន់ថា គណបក្សស្រុក ឃុំ និងសាខាភូមិត្រូវ យល់ឱ្យច្បាស់នូវចលនាគំនិតទាំងឡាយដែលនាំឱ្យមានភាពវឹកវរក្នុង មូលដ្ឋានរបស់ខ្លួន និងចូលរួមទប់ស្កាត់ឱ្យបានទាន់ពេលវេលា និង មានប្រសិទ្ធភាពនូវចលនាប្រឆាំងខុសច្បាប់ និងក្តីសង្ឃឹមរបស់អ្នក គាំទ្រអតីតគណបក្សសង្គ្រោះជាតិ ដែលរំពឹងថាគណបក្សរបស់ពួកគេ គាំទ្រនោះអាចត្រឡប់មកវិញ។ អតីតគណបក្សមួយនេះ ត្រូវបាន តុលាការកំពូលរំលាយស្របតាមច្បាប់នៃព្រះរាជាណាចក្រកម្ពុជារួចទៅហើយ មិនអាចកើតវិញជាដាច់ខាត ហើយអ្នកគាំទ្រគណបក្សដែលខុសច្បាប់ នឹងមាន ទោសដូចគ្នាផងដែរនៅពេលពួកគេមានសកម្មភាពណាមួយចូលរួមគាំទ្រគណបក្សនេះ។

ជាការណែនាំបន្ថែម ឯកឧត្តមបានឱ្យគណបក្សស្រុករៀបចំ និង ពង្រឹងរចនាសម្ព័ន្ធបក្សឱ្យបានពេញលេញតាមលក្ខន្តិកៈគណបក្ស និងចូលរួមបម្រើប្រជាជន ដើម្បីធ្វើឱ្យមានប្រក្រតីភាពជីវភាព សន្តិសុខប្រចាំថ្ងៃរបស់ប្រជាជននៅតាមមូលដ្ឋានភូមិ ឃុំ ឆ្លើយតបនឹងសំណូមពររបស់ប្រជាជនឱ្យមានប្រសិទ្ធភាព។

សកម្មភាពរបស់ អ.ជ.ប.ជ.អ នៅលើប្រព័ន្ធផ្សព្វផ្សាយ

សារអេឡិចត្រូនិច