National AIDS Authority

ព្រះរាជាណាចក្រកម្ពុជា
Kingdom of Cambodia

ជាតិ សាសនា ព្រះមហាក្សត្រ
Nation Religion King

ថ្វាយកម្រងផ្កាគោរពព្រះវិញ្ញានក្ខន្ធព្រះករុណាព្រះបរមរតនកោដ្ឋឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំលើកទី៥៦នៃក្រុមប្រឹក្សាសម្របសម្រួលកម្មវិធីយូអិនអេដស៍(UNAIDS)

កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី២ ឆ្នាំ២០២៥

ទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២៥

សន្និបាតអាជ្ញាធរជាតិប្រយុទ្ធនឹងជំងឺអេដស៍ឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំ យូអិនអេដស៍ (UNAIDS PCB) លើកទី៥៦

Contact us now:

info@naaa.gov.kh

+855 (0)23 885 129

+855 (0)23 885 279

ភាសាខ្មែរ

English

ចំនួនអ្នកទស្សនាគេហទំព័រ:

ឯកឧត្តមទេសរដ្ឋមន្រ្តី អៀង មូលីអញ្ជើញសំណេះសំណាល ជាមួយ សមាជិក សមាជិការក្រុមប្រឹក្សាបច្ចេកទេស អាជ្ញាធរជាតិប្រយុទ្ធនឹងជំងឺអេដស៍

នៅព្រឹកថ្ងៃព្រហស្បតិ៍ ៥កើត ខែអស្សុជ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី០៣ ខែតុលា ឆ្នាំ២០១៩ នៅអាជ្ញាធរជាតិប្រយុទ្ធនឹងជំងឺអេដស៍ ឯកឧត្តមទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ បានអញ្ជើញសំណេះសំណាលជាមួយក្រុមប្រឹក្សាបច្ចេកទេសអាជ្ញាធរជាតិប្រយុទ្ធនឹងជំងឺអេដស៍ (អ.ជ.ប.ជ.អ)។

ក្រុមប្រឹក្សាបច្ចេកទេសអាជ្ញាធរជាតិគឺជា រចនាសម្ព័ន្ធថ្នាក់បច្ចេកទេសរបស់អាជ្ញាធរជាតិប្រយុទ្ធនឹងជំងឺអេដស៍ មានសមាជិកសមាជិការថ្នាក់បច្ចេកទេសរបស់ខ្លួន ជាតំណាងពីស្ថាប័នឬ អង្គភាពរបស់រាជរដ្ឋាភិបាល ស្ថាប័ននិតិប្រតិបត្តិ តំណាងក្រុមប្រជាពលរដ្ឋរស់នៅជាមួយមេរោគអេដស៍ និងរងគ្រោះដោយសារមេរោគអេដស៍ និងជំងឺអេដស៍។

ក្រុមប្រឹក្សាបច្ចេកទេស អ.ជ.ប.ជ.អ មានមុខងារផ្តល់ការចូលរួមកំរិតបច្ចេកទេស

រៀបចំគោលនយោបាយជាតិប្រយុទ្ធនឹងជំងឺអេដស៍ជូន អ.ជ.ប.ជ.អ
រៀបចំយុទ្ធសាស្ត្រសម្រាប់អនុវត្តគោលនយោបាយជាតិប្រយុទ្ធនឹងជំងឺអេដស៍ជូន អ.ជ.ប.ជ.អ
រៀបចំផែនការសកម្មភាពប្រយុទ្ធនឹងជំងឺអេដស៍
ជួយណែនាំការអនុវត្តគោលនយោបាយ ផែនការយុទ្ធសាស្ត្រ ផែនការសកម្មភាពប្រយុទ្ធនឹងជំងឺអេដស៍ ដើម្បីឆ្លើយតបដោយប្រសិទ្ធភាពទៅនឹងតម្រូវការនៃស្ថានភាពមេរោគអេដស៍ ជំងឺអេដស៍
អនុវត្តភារកិច្ចផ្សេងៗទៀត ដែល អ.ជ.ប.ជ.អ ប្រគល់ជូន

ដើម្បីឆ្លើយតបក្នុងការប្រយុទ្ធនឹងការកាត់បន្ថយការរីករាលដាលនៃមេរោគអេដស៍ និងចូលរួមចំណែកលើកកំពស់ការផ្តល់សេវាថែទាំព្យាបាលជូនដល់ បងប្អូនប្រជាពលរដ្ឋ ដែលរងគ្រោះដោយសារ មេរោគអេដស៍ ដើម្បីអ្នកជំងឺអាចទទួលការព្យាបាល កាន់តែជាប់លាប់ មានប្រសិទ្ធភាព កាត់បន្ថយបរិមាណមេរោគអេដស៍នៅក្នុងឈាម ការពារកុំអោយមានភាពស៊ាំទៅនឹងថ្នាំប្រឆាំងមេរោគអេដស៍ ដែលអ្នកជំងឺត្រូវព្យាបាលពេញក្នុងមួយជីវិត។

ក្នុងនាមប្រធានស្ថាប័នជាតិសម្របសម្រួលពហុវិស័យប្រយុទ្ធនឹងជំងឺអេដស៍ ឯកឧត្តមទេសរដ្ឋមន្រ្តី បានថ្លែងការ កោតសរសើរចំពោះសមាជិកសមាជិការ នៃក្រុមប្រឹក្សាបច្ចេកទេសអាជ្ញាធរជាតិប្រយុទ្ធនឹងជំងឺអេដស៍ ដែលបានចូលរួមចំណែក ផ្តល់គំនិតយោបល់ និងអនុវត្តគោលនយោបាយផែនការយុទ្ធសាស្រ្ត ផែនការសកម្មភាពនៅក្នុងវិស័យនៃផ្នែករៀងៗខ្លួន ព្រោះថាការប្រយុទ្ធនឹងជំងឺអេដស៍ ត្រូវការការចូលរួមទទួលខុសត្រូវ របស់សាម៉ីបុគ្គល ក្រុមគ្រួសារ សហគមន៍ ស្ថាប័ន និងវិស័យទាំងអស់។

ឯកឧត្តមទេសរដ្ឋមន្រ្តី ក៏បានថ្លែងអំណរគុណ ជូនដល់ឯកឧត្តម តែង គន្ធី អគ្គលេខាធិការ ដែលលោកបាន ចំណាយពេលវេលា កំលាំងកាយ កំលាំងចិត្ត ដឹកនាំសម្របសម្រួលក្រុមប្រឹក្សាបច្ចេកទេស ក្នុងតំណែងជាអគ្គលេខាធិការ រហូតពេលឯកឧត្តមត្រូវចូលនិវត្តន៍។

ឯកឧត្តមទេសរដ្ឋមន្រ្តី ក៏បានលើកទឹកចិត្ត ឯកឧត្តមអគ្គលេខាធិការ ឈឹម ឃិនដារ៉េត ដែលទើបបានត្រូវតែងតាំងថ្មី ដឹកនាំសម្របសម្រួលក្រុមប្រឹក្សាបច្ចេកទេសតាមលំអានល្អៗ និងវិធីសាស្រ្តថ្មីៗក្នុងនាមជា សេនាធិកាបច្ចេកទេសរបស់អាជ្ញាធរជាតិប្រយុទ្ធនឹងជំងឺអេដស៍។

ព័ត៌មានផ្សព្វផ្សាយនៅទូរទស្សន៍ បាយ័ន www.youtu.be/MpYA7g7G60M

ព័ត៌មានផ្សព្វផ្សាយនៅទូរទស្សន៍ ទទក www.youtu.be/Hy9i7CyO89w

ព័ត៌មានផ្សព្វផ្សាយនៅទូរទស្សន៍ អប្សរា www.youtu.be/OWpluNtL-zg

សកម្មភាពរបស់ អ.ជ.ប.ជ.អ នៅលើប្រព័ន្ធផ្សព្វផ្សាយ

សារអេឡិចត្រូនិច