ព្រះរាជាណាចក្រកម្ពុជា
Kingdom of Cambodia

ជាតិ​ សាសនា ព្រះមហាក្សត្រ
Nation Religion King

ថ្វាយ​កម្រងផ្កា​គោរព​ព្រះវិញ្ញានក្ខន្ធ​ព្រះករុណា​ព្រះបរមរតន​កោដ្ឋឆ្នាំ២០២៥
ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima
​កិច្ចប្រជុំ​លើក​ទី៥៦នៃ​ក្រុមប្រឹក្សា​សម្របសម្រួល​កម្មវិធី​យូ​អិន​អេដស៍(UNAIDS)
កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី២ ឆ្នាំ២០២៥
ថ្វាយ​កម្រងផ្កា​គោរព​ព្រះវិញ្ញានក្ខន្ធ​ព្រះករុណា​ព្រះបរមរតន​កោដ្ឋឆ្នាំ២០២៥
ទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២៥
សន្និបាត​អាជ្ញាធរ​ជាតិ​ប្រយុទ្ធ​នឹង​ជំងឺ​អេដស៍​ឆ្នាំ២០២៥
ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima
កិច្ចប្រជុំ យូអិនអេដស៍ (UNAIDS PCB) លើកទី៥៦
Contact us now:
info@naaa.gov.kh
+855 (0)23 885 129
+855 (0)23 885 279

ភាសាខ្មែរ   English
ចំនួនអ្នកទស្សនាគេហទំព័រ:

NAA Vistor Counter

ឯកឧត្តមទេសរដ្ឋមន្រ្តី អៀង មូលី បានទទួលជួប ពិភាក្សាការងារជាមួយលោក Yann Derriennic ប្រធានអង្គការ Health Policy Plus (HP+) ប្រចាំនៅកម្ពុជា

នាព្រឹកថ្ងៃព្រហស្បតិ៍ ៤កើត ខែកត្តិក ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី៣១ ខែតុលា ឆ្នាំ២០១៩ នៅអាជ្ញាធរជាតិ​ប្រយុទ្ធនឹង​ជំងឺអេដស៍ ឯកឧត្តម​ទេសរដ្ឋ​មន្រ្តី អៀង មូលី ប្រធាន​អាជ្ញាធរជាតិ​ប្រយុទ្ធនឹង​ជំងឺអេដស៍ បានទទួល​ជួបពិភាក្សា​ការងារ​ជាមួយលោក YANN DERRIENNIC ប្រធាន​អង្គការ Health Policy Plus (HP+) ប្រចាំ​នៅកម្ពុជា ដោយមាន​ការចូលរួម​ពីថ្នាក់ដឹកនាំ​អាជ្ញាធរជាតិ​ប្រយុទ្ធនឹង​ជំងឺអេដស៍ និងទីប្រឹក្សា​បច្ចេកទេស​របស់​អង្គការ​HP+។

កិច្ចពិភាក្សា​ផ្តោតលើ ដំណើរឆ្ពោះទៅ​រកចីរភាព​នៃការឆ្លើយតប​នឹងការ​រាលដាល​មេរោគអេដស៍ និងការ ស្វែងរក​លទ្ធភាព​បង្កើនការ​ទទួលខុសត្រូវ​របស់​ថវិកាជាតិ​ក្នុងការ​ផ្តល់ថវិកា​ដល់អង្គការ​សង្គមស៊ីវិល​ឱ្យជួយ​លើការងារ​បង្ការ​ការឆ្លង​មេរោគអេដស៍​ក្នុងចំណោម​ក្រុមប្រឈម​មុខខ្ពស់​និងការ​បង្កើន​ថវិកាជាតិ​ក្នុងការទិញ​ឱសថ​ប្រឆាំង​មេរោគ​អេដស៍ (ARV) ក្នុងផែនការ​ឆ្នាំ២០២១-​២០២៣។ បច្ចុប្បន្ននេះ ព្រះរាជា ណាចក្រ​កម្ពុជា​បានចំណាយ​ថវិកា ១.៥ លានដុល្លារ​សហរដ្ឋ​អាមេរិក​ជារៀង​រាល់ឆ្នាំ ចូលរួម​ក្នុងគម្រោង​ជំនួយ​ដោយ​មូលនិធិសកល ឆ្នាំ២០១៨-​២០២០។

កិច្ចពិភាក្សាក៏បានលើកឡើងផងដែរពីតម្រូវការ​ក្នុងការសិក្សា​ស្វែងយល់​បន្ថែម​ពីរបៀប​ដែលក្រសួង​អប់រំ យុវជន និងកីឡា​ផ្តល់ថវិកា​ដល់អង្គការ​សង្គមស៊ីវិល​ក្នុងដំណើរការ​សាលារៀន​គំរូ និងថ្មីៗ​នេះក្រសួង​សង្គមកិច្ច អតីតយុទ្ធជន និងយុវនីតិ​សម្បទា បានផ្តល់​ថវិកា​ដល់អង្គការ​សង្គមស៊ីវិល​ធ្វើការគាំពារ​សង្គមផងដែរ។

ជាការឆ្លើយតប ឯកឧត្តមទេសរដ្ឋមន្រ្តី បានមាន ប្រសាសន៍ថា អាជ្ញាធរជាតិ​ប្រយុទ្ធនឹង​ជំងឺអេដស៍ កំពុង​តែមាន​កិច្ចសហការ​យ៉ាងសកម្ម និងមាន​យន្តការ​ប្រកបដោយ​សក្តានុពល​ក្នុងការ​អនុវត្ត​ជាមួយនឹង​ក្រសួង ស្ថាប័ន​នានា រួមទាំង​កាកបាទ​ក្រហមកម្ពុជា ព្រមទាំង​អង្គការ​ដៃគូជាច្រើន ដើម្បីដាក់​ចេញនូវវិធានការ ទប់ស្កាត់ ការការពារ​កុំឱ្យ​ជំងឺនេះ​រីករាលដាល។ ឯកឧត្តម​ក៏ស្នើឱ្យ​អង្គការ​HP+ ជួយពិនិត្យមើលស្ថានភាព​នៃការចំណាយ​ថវិកា​ដែលរាជរដ្ឋាភិបាល​បានសម្រេច​ចូលរួម​ក្នុងការ​ទិញ​ឱសថ​នាពេល​កន្លងមក និងជួយ​សិក្សា​ឱ្យច្បាស់​ពីអន្តរាគមន៍​បង្ការអ្វីខ្លះ​ដែលចាំបាច់​ត្រូវធ្វើពី​ពេលនេះ​ដល់ឆ្នាំ​២០២៣ ត្រូវការ​ថវិកាប៉ុន្មាន និងស្ថាប័ន​ណាខ្លះ​អ្នកទទួល​ខុសត្រូវ ដើម្បី​បានជា​មូលដ្ឋាន​រឹងមាំ​ក្នុងការ​សម្រេច​ចិត្តស្វះស្វែង​រកថវិកា​គាំទ្រ។