National AIDS Authority

ព្រះរាជាណាចក្រកម្ពុជា
Kingdom of Cambodia

ជាតិ សាសនា ព្រះមហាក្សត្រ
Nation Religion King

ថ្វាយកម្រងផ្កាគោរពព្រះវិញ្ញានក្ខន្ធព្រះករុណាព្រះបរមរតនកោដ្ឋឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំលើកទី៥៦នៃក្រុមប្រឹក្សាសម្របសម្រួលកម្មវិធីយូអិនអេដស៍(UNAIDS)

កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី២ ឆ្នាំ២០២៥

ទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២៥

សន្និបាតអាជ្ញាធរជាតិប្រយុទ្ធនឹងជំងឺអេដស៍ឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំ យូអិនអេដស៍ (UNAIDS PCB) លើកទី៥៦

Contact us now:

info@naaa.gov.kh

+855 (0)23 885 129

+855 (0)23 885 279

ភាសាខ្មែរ

English

ចំនួនអ្នកទស្សនាគេហទំព័រ:

ឯកឧត្តមទេសរដ្ឋមន្រ្តីបានសម្តែងនូវការព្រួយបារម្ភអំពី ការកម្រើកឡើងនូវអត្រាឆ្លងមេរោគអេដស៍ថ្មី

នារសៀលថ្ងៃសុក្រ ៩រោច ខែមិគសិរ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២០ ខែធ្នូ ឆ្នាំ២០១៩ អាជ្ញាធរជាតិប្រយុទ្ធនឹងជំងឺអេដស៍ បានរៀបចំកិច្ចប្រជុំប្រចាំឆ្នាំ២០១៩ និងការប្រកាសតែងតាំងមន្ត្រីជាថ្នាក់ដឹកនាំអាជ្ញាធរក្រោមអធិបតីភាពដ៏ខ្ពង់ខ្ពស់ឯកឧត្តមទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ ដោយមានការចូលរួមពីថ្នាក់ដឹកនាំ និងមន្ត្រីជាង១០០នាក់។

ឯកឧត្តមទេសរដ្ឋមន្រ្តីបានមានប្រសាសន៍រំឭក និងណែនាំថ្នាក់ដឹកនាំ និងមន្រ្តីអាជ្ញាធរថា ការពង្រឹងរចនាសម្ព័ន្ធការងារ និងធនធានមនុស្ស របស់ស្ថាប័នគឺជាអាទិភាពរបស់អាជ្ញាធរ ដើម្បីអាជ្ញាធរមានសមត្ថភាព និងលទ្ធភាពបំពេញបេសកកម្មតាមភារកិច្ចទទួលខុសត្រូវរបស់ខ្លួន គឺដឹកនាំចលនាជាតិសម្រប សម្រួលពហុវិស័យក្នុងការប្រយុទ្ធនឹងមេរោគអេដស៍ និងជំងឺអេដស៍។

ជាមួយគ្នានេះ ឯកឧត្តមទេសរដ្ឋមន្ត្រីបានថ្លែងការកោតសរសើរចំពោះកិច្ចខិតខំបំពេញការងារក្នុងរយៈពេលពេញ១ឆ្នាំ២០១៩នេះរបស់ថ្នាក់ដឹកនាំ និងមន្រ្តីទាំងអស់។ ក្នុងនោះអាជ្ញាធរបានរៀបចំផែនការយុទ្ធសាស្រ្តជាតិទូលំទូលាយ និងពហុវិស័យ លើកទី៥ និងទទួលបានការឯកភាពពីរាជរដ្ឋាភិបាលក្នុងការអនុវត្តវិធានការ៦ចំណុចដើម្បីឆ្លើយតបនឹងមេរោគអេដស៍ និងជំងឺអេដស៍ប្រកបដោយចីរភាព ដូចមានចែងក្នុងសេចក្តីជូនដំណឹងលេខ២១៣សជណ.សស ចុះថ្ងៃទី២១ ខែកុម្ភៈ ឆ្នាំ២០១៩។ ឯកឧត្តមបានសង្កត់បញ្ជាក់ផងដែរថា សមិទ្ធផលក្នុងការប្រយុទ្ធនឹងមេរោគអេដស៍ និងជំងឺអេដស៍នៅកម្ពុជាកើតឡើងដោយសារសរសរស្តម្ភ៣រួមមាន : ១) ភាពជាម្ចាស់ និងមគ្គុទ្ទេសក៍ភាព ២) ភាពជាដៃគូ និង ៣) ការវិនិយោគ។

ឯកឧត្តមទេសរដ្ឋមន្ត្រីបានប្រកាសថា ចំពោះថវិកាប្រយុទ្ធនឹងមេរោគអេដស៍ឆ្នាំ២០២១-២០២៣ មូលនិធិសកលបានជូនដំណឹងថា កម្ពុជានឹងទទួលបាន៤១,៥លានដុល្លារ។ ប៉ុន្តែរាជរដ្ឋាភិបាលភិបាលត្រូវចូលរួមជាថវិកាបដិភាគក្នុងការទិញឱសថប្រយុទ្ធនឹងមេរោគអេដស៍ប្រមាណពី២,៥លាន ទៅរហូតដល់ ៥លានដុល្លារនៅឆ្នាំ២០២៣។ ចំពោះបញ្ហានេះ សម្តេចតេជោបានអនុញ្ញាតជាគោលការណ៍ឱ្យគិតគូរដាក់ បញ្ចូលក្នុងច្បាប់ហិរញ្ញវត្ថុសម្រាប់ការគ្រប់គ្រងហើយ។

ជាមួយនឹងជោគជ័យដែលទទួលស្គាល់ជាអន្តរជាតិ ឯកឧត្ដមទេសរដ្ឋមន្រ្តីបានសម្តែងនូវការព្រួយបារម្ភអំពី ការកម្រើកឡើងនូវអត្រាឆ្លងមេរោគអេដស៍ក្នុងចំណោម ក្រុមបុរសរួមភេទជាមួយបុរស និងក្រុមបំប្លែងភេទ។

ចំពោះការងារជាពហុវិស័យប្រយុទ្ធនឹងមេរោគអេដស៍ ឯកឧត្តមទេសរដ្ឋមន្ត្រីបានថ្លែងការកោតសរសើរចំពោះ ក្រសួង ស្ថាប័ន និងខេត្តដែលបានចូលរួមកាន់តែសកម្ម។ ទន្ទឹមនឹងនោះ ឯកឧត្តមបានណែនាំ ឯកឧត្ដមថ្នាក់ដឹកនាំ និងមន្ត្រីបច្ចេកទេសអាជ្ញាធរជាតិ សូមបន្ត សហការ ពង្រឹងទំនាក់ទំនងក្នុងភាពជាដៃគូពហុវិស័យ ជាមួយក្រសួង និងស្ថាប័នជាតិបន្តទៀតដើម្បីឱ្យការចូលរួមប្រយុទ្ធនឹងមេរោគអេដស៍ក្លាយទៅជាចរន្តជាតិ ស្របតាមប្រសាសន៍ដ៏ខ្ពង់ខ្ពស់របស់សម្តេចអគ្គមហាសេនាបតីតេជោនាយករដ្ឋមន្ត្រី។ ឯកឧត្តមទេសរដ្ឋមន្ត្រីបានបន្តថា កម្ពុជាយើងពិតជាមានសំណាងណាស់ក្នុងការងារអេដស៍។ នៅពេលដែលជួបកម្មករ សម្តេចតេជោតែងតែមានប្រសាសន៍អប់រំឱ្យការពារខ្លួនពីការឆ្លងមេរោគអេដស៍។

នៅទីបញ្ចប់ ឯកឧត្តមទេសរដ្ឋមន្ត្រីបានផ្តាំផ្ញើមន្ត្រីដែលបានទទួលការតែងតាំងពេលនេះចូលរួមចំណែក លើកកម្ពស់សមត្ថភាព និងបង្កើនប្រសិទ្ធភាពការងារដើម្បីធ្វើឱ្យអាជ្ញាធរកាន់តែអាចឆ្លើយតបទៅនឹង តម្រូវការក្នុងការប្រយុទ្ធនឹងមេរោគអេដស៍ និងជំងឺអេដស៍ នៅក្នុងព្រះរាជាណាចក្រកម្ពុជា ឈានទៅបញ្ចប់នៅឆ្នាំ២០២៥។

សកម្មភាពរបស់ អ.ជ.ប.ជ.អ នៅលើប្រព័ន្ធផ្សព្វផ្សាយ

សារអេឡិចត្រូនិច

ឯកឧត្តមទេសរដ្ឋមន្រ្តីបានសម្តែងនូវការព្រួយបារម្ភអំពី ការកម្រើកឡើងនូវអត្រាឆ្លងមេរោគអេដស៍ថ្មី