ព្រះរាជាណាចក្រកម្ពុជា
Kingdom of Cambodia

ជាតិ​ សាសនា ព្រះមហាក្សត្រ
Nation Religion King

Contact us now:
info@naaa.gov.kh
+855 (0)23 885 129
+855 (0)23 885 279

ភាសាខ្មែរ   English
ចំនួនអ្នកទស្សនាគេហទំព័រ:

NAA Vistor Counter

អាជ្ញាធរជាតិប្រយុទ្ធនឹងជំងឺអេដស៍ រៀបចំសន្និបាតអាជ្ញាធរជាតិប្រយុទ្ធនឹងជំងឺអេដស៍ ឆ្នាំ២០២០

នៅព្រឹកថ្ងៃព្រហស្បតិ៍ ៤កើត ខែមិគសិរ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៩ ខែវិច្ឆិកា ឆ្នាំ២០២០ ចាប់ពីម៉ោង៨:១៥ព្រឹក អាជ្ញាធរជាតិ​ប្រយុទ្ធនឹង​ជំងឺអេដស៍ រៀបចំ​សន្និបាត​អាជ្ញាធរជាតិ​ប្រយុទ្ធនឹង​ជំងឺអេដស៍ ឆ្នាំ២០២០ នៅអាជ្ញាធរ និងតាមវីដេអូ​ខនហ្វឺរេន ក្រោមអធិបតីភាព​ដ៏ខ្ពង់ខ្ពស់​ឯកឧត្តម​ទេសរដ្ឋមន្ត្រី អៀង មូលី ប្រធាន​អាជ្ញាធរ។ កិច្ចប្រជុំនេះ​មានការចូលរួម​ពីឯកឧត្តម លោកជំទាវ លោក អ្នកស្រី​ជាប្រធាន និងតំណាង​គណៈកម្មាធិការ​ប្រយុទ្ធនឹង​ជំងឺអេដស៍​ក្រសួង ស្ថាប័ន រាជធានី ខេត្ត ដៃគូអភិវឌ្ឍន៍ និងអង្គការជាតិ អន្តរជាតិ នៅបន្ទប់​ប្រជុំ​អាជ្ញាធរ និងតាម​វីដេអូខនហ្វឺរេន​ចំនួន​ប្រមាណ​ជាង១៥០នាក់​និងគណនី។ ក្នុងនោះ នៅកន្លែង​ប្រារព្ធពិធី មានការ​ចូលរួម​ពីឯកឧត្តម លោកជំទាវ​ជាប្រធាន​និងតំណាង​គណៈកម្មាធិការ​ប្រយុទ្ធនឹង​ជំងឺអេដស៍​ទីស្តីការ​គណៈរដ្ឋមន្ត្រី ក្រសួង​មហាផ្ទៃ ក្រសួង​ការពារជាតិ ក្រសួង​ការងារ និងបណ្តុះ​បណ្តាល​វិជ្ជាជីវៈ ក្រសួង​បរិស្ថាន ក្រសួង​សាធារណការ និងដឹកជញ្ជូន ក្រសួង​ឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ កាកបាទ​ក្រហម​កម្ពុជា អនុប្រធាន ទីប្រឹក្សា អគ្គលេខាធិការ អគ្គលេខា​ធិការរង ប្រធាន​នាយកដ្ឋាន អនុប្រធាន​នាយកដ្ឋាន និងមន្រ្តី​អាជ្ញាធរ ចំនួន៥០នាក់។

កិច្ចប្រជុំដំណើរការតាមរបៀបវារៈដូចខាងក្រោម :
១) សុន្ទរកថាស្វាគមន៍បើកសន្និបាត ដោយឯកឧត្តមទេសរដ្ឋមន្ដ្រី
២) បទបង្ហាញស្តីពីស្ថានភាពឆ្លើយតប​មេរោគអេដស៍ នៅខេត្តកំពង់ស្ពឺ ដោយលោក​វេជ្ជបណ្ឌិត អោ វណ្ណថេន ប្រធានមន្ទីរ​សុខាភិបាល​ខេត្តកំពង់ស្ពឺ
៣) បទបង្ហាញស្តីពីការត្រៀមអនុវត្ត​គំនិត​ផ្តួចផ្តើម​ទីក្រុង​ពន្លឿន​ការឆ្លើយតប​មេរោគអេដស៍​នៅខេត្តបាត់ដំបង ដោយលោក​វេជ្ជបណ្ឌិត ស៊ូ សានិត អនុប្រធាន​មន្ទីរ​សុខាភិបាល​ខេត្តបាត់ដំបង
៤) បទបង្ហាញស្តីពីលទ្ធផលការងារ​អន្តរាគមន៍លើ​ប្រជាជន​គន្លឹះ ដោយអ្នកស្រី ប្រាជ្ញ ស៊ីណាត បុគ្គលិក​កម្មវិធី​អេដស៍​អង្គការរ៉ាក់ តំណាង​អង្គការ​សង្គមស៊ីវិល
៥) បទបង្ហាញស្តីពីការលេបថ្នាំបង្ការជាមុននៅពេល​ប្រព្រឹត្ត​ប្រឈម​នឹងការ​ឆ្លងមេរោគអេដស៍ ដោយលោក​វេជ្ជបណ្ឌិត លី ពេញស៊ុន នាយក​មជ្ឈមណ្ឌលជាតិ​ប្រយុទ្ធនឹង​ជំងឺអេដស៍ សើស្បែក និងកាមរោគ
៦) បទបង្ហាញស្តីពីសមិទ្ធផលឆ្នាំ២០២០ និងទិសដៅ​ឆ្នាំ២០២១ ដោយឯកឧត្តម​វេជ្ជបណ្ឌិត ទា ផលា អនុប្រធាន​អាជ្ញាធរជាតិ​ប្រយុទ្ធនឹង​ជំងឺអេដស៍
៧) សំណួរ ចម្លើយ និងកិច្ចពិភាក្សារួម
៨) សុន្ទរកថាបិទ​សន្និបាតដោយ ឯកឧត្តមទេសរដ្ឋមន្រ្តី ប្រធាន​អាជ្ញាធរជាតិ​ប្រយុទ្ធនឹង​ជំងឺអេដស៍។


ចុចទីនេះដើម្បីមើល ព័ត៌មានផ្សព្វផ្សាយនៅទូរទស្សន៍ អប្សរា

ចុចទីនេះដើម្បីមើល ព័ត៌មានផ្សព្វផ្សាយនៅទូរទស្សន៍ ទទក