National AIDS Authority

ព្រះរាជាណាចក្រកម្ពុជា
Kingdom of Cambodia

ជាតិ សាសនា ព្រះមហាក្សត្រ
Nation Religion King

ថ្វាយកម្រងផ្កាគោរពព្រះវិញ្ញានក្ខន្ធព្រះករុណាព្រះបរមរតនកោដ្ឋឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំលើកទី៥៦នៃក្រុមប្រឹក្សាសម្របសម្រួលកម្មវិធីយូអិនអេដស៍(UNAIDS)

កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី២ ឆ្នាំ២០២៥

ទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២៥

សន្និបាតអាជ្ញាធរជាតិប្រយុទ្ធនឹងជំងឺអេដស៍ឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំ យូអិនអេដស៍ (UNAIDS PCB) លើកទី៥៦

Contact us now:

info@naaa.gov.kh

+855 (0)23 885 129

+855 (0)23 885 279

ភាសាខ្មែរ

English

ចំនួនអ្នកទស្សនាគេហទំព័រ:

បទអន្តរាគមន៍ក្នុងកិច្ចពិភាក្សាតុមូលលើប្រធានបទ ការទាញយកប្រយោជន៍ពីរចនាសម្ព័ន្ធឆ្លើយតបនៃមេរោគអេដស៍ ដើម្បីឆ្លើយនឹងការរើសអើង និងផលប៉ះពាល់សង្គម-សេដ្ឋកិច្ចដែលប្រឈមមុខដោយប្រជាជនគន្លឹះ

នៅរសៀលថ្ងៃពុធ ២រោច ខែមិគសិរ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២ ខែធ្នូ ឆ្នាំ២០២០ ចាប់ពីម៉ោង២:០០ ឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ បានអញ្ជើញធ្វើបទអន្តរាគមន៍ក្នុងកិច្ចពិភាក្សាតុមូលលើប្រធានបទ "ការទាញយកប្រយោជន៍ពីរចនាសម្ព័ន្ធឆ្លើយតបនៃមេរោគអេដស៍ ដើម្បីឆ្លើយនឹងការរើសអើង និងផលប៉ះពាល់សង្គម-សេដ្ឋកិច្ចដែលប្រឈមមុខដោយប្រជាជនគន្លឹះ និងអ្នកដែលគេទុកនៅកន្លៀតក្នុងអំឡុងការឆ្លងរាលដាលសកលមេរោគកូវីដ-១៩" ដែលរៀបចំដោយកម្មវិធីរួមអង្គការសហប្រជាជាតិស្តីពីជំងឺអេដស៍ (UNAIDS) តាមបណ្តាញវីដេអូ។ កិច្ចប្រជុំនេះធ្វើឡើងក្រោមអធិបតីភាពដ៏ខ្ពង់ខ្ពស់សម្តេចព្រះអង្គម្ចាស់ក្សត្រី សោមសាវាលី ក្រុម មឿន សុត្ថាណារិនាថា (HRH Princess Soamsawali Krom Muen Suddhanarinatha) និងការចូលរួមពីលោកស្រី វីនី ប៊ីយ៉ានយីម៉ា (Mrs Winnie Byanyima) អគ្គនាយក UNAIDS និងលោក អៀម៉ុន មឺហ្វី (Mr Eamonn Murphy) នាយកUNAIDS ប្រចាំតំបន់អាស៊ីប៉ាស៊ីហ្វិក។

បទអន្តរាគមន៍របស់ឯកឧត្តមទេសរដ្ឋមន្ត្រីនេះធ្វើឡើងនៅក្នុងកិច្ចប្រជុំតំបន់អាស៊ី និងប៉ាស៊ីហ្វិកស្តីពី ការបើកពីការបិទទ្វារ ប្រទេស : ចីរភាព វិធីសាស្ត្រផ្តោតលើមនុស្សក្នុងការឆ្លើយតបនឹងការឆ្លងរាលដាលសកលមេរោគកូវីដ-១៩ ដែលទាញយកប្រយោជន៍ពីមេរៀនជាបទពិសោធន៍ពីមេរោគអេដស៍ នៅអាស៊ី និងប៉ាស៊ីហ្វិក នៅទីក្រុងបាងកក និងតាមបណ្តាញវីដេអូ។ អមឯកឧត្តមទេសរដ្ឋមន្ដ្រីថ្លែងក្នុងកិច្ចពិភាក្សារួមមាន ឯកឧត្តមវេជ្ជបណ្ឌិត ទា ផលា ឯកឧត្តមវេជ្ជបណ្ឌិត រស់ សីលវ៉ាត់ ឯកឧត្តម ស៊ុត ថងផាន់ ឯកឧត្តមបណ្ឌិត ស៊ន ពិសិដ្ឋ និងលោក ស៊ន ចន្ទវីរៈ។

មានប្រសាសន៍ទៅកាន់កិច្ចប្រជុំ ឯកឧត្តមទេសរដ្ឋមន្ត្រីបានថ្លែងអំពីជោគជ័យរបស់កម្ពុជាក្នុងការគ្រប់គ្រងជំងឺឆ្លងរាលដាលជាសកល។ ក្នុងនៅភាពជាអ្នកដឹកនាំ សេវាផ្អែកលើភ័ស្តុតាង និងការចូលរួមពីសហគមន៍បានធ្វើឱ្យករណីឆ្លងថ្មីបានធ្លាក់ចុះ៦២% និងការស្លាប់ដោយសារជំងឺអេដស៍បានធ្លាក់ចុះ៥៤%នៅចន្លោះឆ្នាំ២០១០ ដល់២០១៩។ ជាមួយគ្នានេះ អាជ្ញាធរជាតិប្រយុទ្ធនឹងជំងឺអេដស៍ ដោយរួមសហការជាមួយ UNAIDS បានធ្វើការវាយតម្លៃអំពីមេរោគអេដស៍ និងការគាំពារសង្គម ដើម្បីរកឱ្យឃើញនូវរបាំងដែលប្រជាជនគន្លឹះប្រឈមក្នុងការទទួលបានសេវាគាំពារសង្គម និងសេវាសុខាភិបាល។ អាជ្ញាធរជាតិប្រយុទ្ធនឹងជំងឺអេដស៍ និងUNAIDS បានធ្វើការជាមួយក្រសួង និងដៃគូគន្លឹះមួយចំនួនដើម្បីពិនិត្យមើលសកម្មភាពឆ្លើយតបនឹងរបាំងទាំងនោះ។

ឯកឧត្តមទេសរដ្ឋមន្ត្រីបានបន្តថា ក្នុងរយៈពេលពីរបីឆ្នាំចុងក្រោយនេះ អាជ្ញាធរជាតិប្រយុទ្ធនឹងជំងឺអេដស៍ ក្នុងភាពជាដៃគូជាមួយUNAIDS និងកម្មវិធីអភិវឌ្ឍន៍អង្គការសហប្រជាជាតិ (UNDP) បានធ្វើការងារជាមួយក្រសួងផែនការដើម្បីធានាថា អ្នកផ្ទុកមេរោគអេដស៍ និងប្រជាជនគន្លឹះឱ្យទទួលបានប័ណ្ណក្រីក្រ និងបានប្រយោជន៍ពីគម្រោងគាំពារសង្គម។ កិច្ចការនេះបាននាំឱ្យគ្រួសារអ្នកផ្ទុកមេរោគអេដស៍ចំនួន២៩១០គ្រួសារបានទទួលអត្តសញ្ញាណប័ណ្ណគ្រួសារក្រីក្រក្នុងឆ្នាំ២០១៩។

នៅទីបញ្ចប់នៃបទអន្តរាគមន៍ ឯកឧត្តមទេសរដ្ឋមន្ត្រីបានសង្កត់ធ្ងន់ថា នៅក្នុងបរិបទនៃការឆ្លើយតបនឹងកូវីដ-១៩ រាជរដ្ឋាភិបាលកម្ពុជាបានចំណាយថវិកាប្រមាណ២០លានដុល្លារក្នុងមួយខែ ដែលជាថវិកាសង្រ្គោះបន្ទាន់ដើម្បីជួយដល់អ្នកក្រ ក្នុងនោះមានអ្នកផ្ទុកមេរោគអេដស៍ផងដែរ។

សកម្មភាពរបស់ អ.ជ.ប.ជ.អ នៅលើប្រព័ន្ធផ្សព្វផ្សាយ

សារអេឡិចត្រូនិច