ព្រះរាជាណាចក្រកម្ពុជា
Kingdom of Cambodia

ជាតិ​ សាសនា ព្រះមហាក្សត្រ
Nation Religion King

Contact us now:
info@naaa.gov.kh
+855 (0)23 885 129
+855 (0)23 885 279

ភាសាខ្មែរ   English
ចំនួនអ្នកទស្សនាគេហទំព័រ:

NAA Vistor Counter

កិច្ចប្រជុំថ្នាក់ដឹកនាំ​ប្រចាំខែមេសា ឆ្នាំ២០២១ ក្រោមអធិបតីភាព​ដ៏ខ្ពង់ខ្ពស់​ឯកឧត្តម​ទេសរដ្ឋមន្ត្រី អៀង មូលី ប្រធាន​អាជ្ញាធរជាតិ​​ប្រយុទ្ធនឹង​​ជំងឺអេដស៍

នៅព្រឹកថ្ងៃចន្ទ ៧រោច ខែពិសាខ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី៣ ខែឧសភា ឆ្នាំ២០២១ ចាប់ពីម៉ោង៩ អាជ្ញាធរជាតិ​ប្រយុទ្ធនឹង​ជំងឺអេដស៍ រៀបចំ​កិច្ចប្រជុំ​ថ្នាក់ដឹកនាំ​ប្រចាំខែមេសា ឆ្នាំ២០២១ ក្រោមអធិបតីភាព​ដ៏ខ្ពង់ខ្ពស់​ឯកឧត្តម​ទេសរដ្ឋមន្ត្រី អៀង មូលី ប្រធាន​អាជ្ញាធរ។ កិច្ចប្រជុំនេះ​​មានការចូលរួមពី ឯកឧត្តម លោកជំទាវ លោក អ្នកស្រី និងនាងកញ្ញា​ជាអនុប្រធាន ទីប្រឹក្សា អគ្គលេខាធិការ នាយកខុទ្ទកាល័យ នាយករង​ខុទ្ទកាល័យ អគ្គលេខាធិការរង ប្រធាន​នាយកដ្ឋាន ជំនួយការ អនុប្រធាន​នាយកដ្ឋាន ប្រធាន​ការិយាល័យ និងអនុប្រធាន​ការិយាល័យ តាមបណ្តាញ​វីដេអូ កម្មវិធីZoom សរុប​ប្រមាណ​៥០នាក់/គណនី។

កិច្ចប្រជុំដំណើរការ​តាមរបៀបវារៈ​ដូចខាងក្រោម :
១) បទបង្ហាញស្តីពីរបាយការណ៍​សង្ខេបលទ្ធផល សកម្មភាព​ការងារ​របស់ថ្នាក់ដឹកនាំ និងអគ្គលេខា​ធិការដ្ឋាន ប្រចាំខែមេសា​ដោយឯកឧត្តម ឈឹម ឃិនដារ៉េត អគ្គលេខាធិការ
២) បទបង្ហាញស្តីពី​ការងារ​អាទិភាព​នៃផែនការយុទ្ធសាស្រ្តជាតិ​ទូលំទូលាយ និងពហុវិស័យឆ្លើយតប​ទៅនឹងមេរោគអេដស៍ និងជំងឺអេដស៍ លើកទី៥ (NSPV) កិច្ចសហការ​ជាមួយ​ដៃគូអភិវឌ្ឍន៍ និងការចូលរួម​របស់គណៈប្រតិភូកម្ពុជា​ក្នុងកិច្ចប្រជុំជាន់ខ្ពស់​ស្តីពីមេរោគអេដស៍ និងជំងឺអេដស៍​នៃមហាសន្និបាត​អង្គការ​សហប្រជាជាតិ ដែលគ្រោង​ធ្វើនៅថ្ងៃ៨-១០ មិថុនា ឆ្នាំ ២០២១ តាមបណ្តាញ​វីដេអូ ដោយឯកឧត្តម ទា ផលា អនុប្រធានទទួល​បន្ទុកបច្ចេកទេស
៣) បទបង្ហាញស្តីពី​ការផ្តល់​ការគាំពារ​សង្គមដល់គ្រួសារ​អ្នកជំងឺអេដស៍ ក្នុងអំឡុង​ពេលកូវីដ-១៩ ដោយឯកឧត្តម រស់ សីលវ៉ាត់ អនុប្រធាន​អាជ្ញាធរ
៤) មតិសំណេះសំណាល​របស់ឯកឧត្តម​ទេសរដ្ឋមន្ដ្រី
៥) កិច្ចការផ្សេងៗ។