National AIDS Authority

ព្រះរាជាណាចក្រកម្ពុជា
Kingdom of Cambodia

ជាតិ សាសនា ព្រះមហាក្សត្រ
Nation Religion King

ថ្វាយកម្រងផ្កាគោរពព្រះវិញ្ញានក្ខន្ធព្រះករុណាព្រះបរមរតនកោដ្ឋឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំលើកទី៥៦នៃក្រុមប្រឹក្សាសម្របសម្រួលកម្មវិធីយូអិនអេដស៍(UNAIDS)

កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី២ ឆ្នាំ២០២៥

ទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២៥

សន្និបាតអាជ្ញាធរជាតិប្រយុទ្ធនឹងជំងឺអេដស៍ឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំ យូអិនអេដស៍ (UNAIDS PCB) លើកទី៥៦

Contact us now:

info@naaa.gov.kh

+855 (0)23 885 129

+855 (0)23 885 279

ភាសាខ្មែរ

English

ចំនួនអ្នកទស្សនាគេហទំព័រ:

ឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ ទទួលជួបនាយិកាអង្គការយូអិនអេដស៍ប្រចាំកម្ពុជាដើម្បីពិភាក្សាការងារ និងដែលមកជម្រាបលា

នាព្រឹកថ្ងៃពុធ ១៤កើត ខែបឋមាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៣ ខែមិថុនា ឆ្នាំ២០២១ ឯកឧត្តមទេសរដ្ឋមន្ដ្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ បានទទួលជួបពិភាក្សាការងារក្នុងឱកាសដែលអ្នកស្រីបណ្ឌិត វ៉្លាដាំងកា អែនឌ្រីវ៉ា (Vladanka ANDREEVA) បញ្ចប់បេសកកម្មជានាយិកាអង្គការយូអិនអេដស៍ (UNAIDS) ប្រចាំកម្ពុជា។ ពិធីនេះបានប្រព្រឹត្តទៅនៅអាជ្ញាធរជាតិប្រយុទ្ធនឹងជំងឺអេដស៍ ដោយមានការចូលរួមពីថ្នាក់ដឹកនាំអាជ្ញាធររួមមាន ឯកឧត្តមវេជ្ជបណ្ឌិត ទា ផលា ឯកឧត្តមវេជ្ជបណ្ឌិត រស់ សីលវ៉ាត់ ឯកឧត្តម ឈឹម ឃិនដារ៉េត និងឯកឧត្តម ស៊ុត ថងផាន់ ព្រមទាំងអ្នកស្រីវេជ្ជបណ្ឌិត Khin Cho WIN HTIN ទីប្រឹក្សាព័ត៌មានយុទ្ធសាស្រ្តនៃអង្គការយូអិនអេដស៍ប្រចាំកម្ពុជាផងដែរ។
បន្ទាប់ពីមានប្រសាសន៍ស្វាគមន៍ ឯកឧត្តមទេសរដ្ឋមន្ដ្រី បានថ្លែងអំណរគុណចំពោះអ្នកស្រី វ៉្លាដាំងកា អែនឌ្រីវ៉ា ដែលបានសហការការងារយ៉ាងល្អជាមួយអាជ្ញាធរ ក្នុងការប្រយុទ្ធនឹងជំងឺអេដស៍ ធ្វើឱ្យសម្រេចបាននូវលទ្ធផលជាច្រើន។ ហើយពេលនេះ អ្នកស្រីនាយិកាបានបញ្ចប់អាណត្តិការងារនៅព្រះរាជាណាចក្រកម្ពុជា ដោយត្រូវទៅទទួលភារកិច្ចថ្មី គឺជាអ្នកសម្របសម្រួលរបស់អង្គការសហប្រជាជាតិប្រចាំប្រទេស Azerbaijan UN Coordinator ដែលមានការទទួលខុសត្រូវជាតំណាងរបស់អគ្គលេខាធិការ អ ស ប។ ជាមួយគ្នានេះ ឯកឧត្តមទេសរដ្ឋមន្ដ្រី បានថ្លែងនូវការសោកស្តាយ និងសម្តែងអំណរគុណចំពោះកិច្ចសហការល្អរវាងអាជ្ញាធរអេដស៍ និងអង្គការ UNAIDS ប្រចាំកម្ពុជា ដែលបានហុចផ្លែផ្កាដ៏ត្រចះត្រចង់។ ឯកឧត្តមទេសរដ្ឋមន្ត្រីបានជូនពរអ្នកស្រីនាយិកាឱ្យមានសុខភាពល្អ និងទទួលបានជ័យជម្នះគ្រប់ភារកិច្ច។
ជាការឆ្លើយតប អ្នកស្រី វ៉្លាដាំងកា អែនឌ្រីវ៉ា បានសម្តែងនូវសេចក្តីសោមនស្សរីករាយយ៉ាងក្រៃលែង និងបញ្ជាក់ថាបានទទួលនូវកិត្តិយសដ៏ខ្ពង់ខ្ពស់ដែលបានមកបំពេញបេសកកម្មនៅព្រះរាជាណាចក្រកម្ពុជា រយៈពេល៤ឆ្នាំកន្លងមកនេះ ជាពិសេសកិច្ចសហការល្អ ជាមួយអាជ្ញាធរ។ ក្នុងឱកាសជម្រាបលានេះ អ្នកស្រីនាយិកាក៏បានថ្លែងអំណរគុណយ៉ាងជ្រាលជ្រៅចំពោះឯកឧត្តមទេសរដ្ឋមន្ដ្រី ដែលមានការគាំទ្រយ៉ាងពេញទំហឹងចំពោះអង្គការយូអិនអេដស៍ និងបានផ្តល់នូវលទ្ធភាពជាម្ចាស់ការខ្ពស់ ព្រមទាំងមានកិច្ចសហ ប្រតិបត្តិការយ៉ាងទូលំទូលាយផងដែរ។ អ្នកស្រីនាយិកាបានសំណូមពរឱ្យអាជ្ញាធរបន្តកិច្ចសហការល្អជាមួយអង្គការយូអិនអេដស៍ប្រចាំកម្ពុជា ដើម្បីបានសម្រេចគោលដៅថ្មីៗបន្ថែមទៀត។

សកម្មភាពរបស់ អ.ជ.ប.ជ.អ នៅលើប្រព័ន្ធផ្សព្វផ្សាយ

សារអេឡិចត្រូនិច