ព្រះរាជាណាចក្រកម្ពុជា
Kingdom of Cambodia

ជាតិ​ សាសនា ព្រះមហាក្សត្រ
Nation Religion King

Contact us now:
info@naaa.gov.kh
+855 (0)23 885 129
+855 (0)23 885 279

ភាសាខ្មែរ   English

កិច្ចប្រជុំស្តីពីការតាមដានវឌ្ឍភាពការងារ និងអនុវត្តផែនការសកម្មភា​ពឆ្ពោះទៅកាន់​ការបោះឆ្នោត​ជ្រើសរើស​​ក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២

នារសៀលថ្ងៃសៅរ៍ ២រោច ខែអស្សុជ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៣ ខែតុលា ឆ្នាំ២០២១ ឯកឧត្តម​ទេសរដ្ឋមន្រ្តី អៀង មូលី សមាជិក​គណៈកម្មាធិការ​កណ្តាល​គណបក្ស​ប្រជាជន​កម្ពុជា អនុប្រធាន​ក្រុមការងារ​គណបក្ស​ចុះជួយ​ខេត្តកំពង់ស្ពឺ និងជាប្រធាន​ក្រុមការងារ​គណបក្ស​ចុះមូលដ្ឋាន​ស្រុកបសេដ្ឋ បានអញ្ជើញ​ជាអធិបតី​ដ៏ខ្ពង់ខ្ពស់​ដឹកនាំ​កិច្ចប្រជុំ​ស្តីពីការតាមដាន​វឌ្ឍភាពការងារ និងអនុវត្ត​ផែនការ​សកម្មភាព​ឆ្ពោះទៅកាន់​ការបោះឆ្នោត​ជ្រើរើស​ក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២  នៅស្នាក់ការ​គណបក្ស ឃុំពោធិ៍ចំរើន ដោយចាប់​ផ្តើមនៅ​វេលាម៉ោង​១:៣០នាទីរសៀល។ កិច្ចប្រជុំនេះ​មានការ​ចូលរួមពី លោកជំទាវ ប្រធាន​ក្រុមការងារ​គណបក្ស​ចុះជួយ​ឃុំពោធិ៍ចំរើន និងក្រុមការងារ​ចុះពង្រឹង​ភូមិនីមួយៗ   គណៈអចិន្រ្តៃយ៍​គណបក្សស្រុក ក្រុមប្រឹក្សាឃុំ ស្មៀន ជំនួយការ ប្រធានភូមិ ប្រធាន​មណ្ឌល​សុខភាព នាយប៉ុស្តិ៍​រដ្ឋបាលឃុំ នាយកសាលា តាមបណ្តាញ​វីដេអូ កម្មវិធី Zoom សរុប​ប្រមាណ​៣៦នាក់/គណនី។

អង្គប្រជុំសម្រេច៖
ទី១)- ផ្ទៀងផ្ទាត់ឈ្មោះ​សមាជិក​គណបក្សប្រជាជន​កម្ពុជាក្នុង​បញ្ជីបោះឆ្នោតគ.ជ.ប ដើម្បីជំរះបញ្ជី។
ទី២)- ធ្វើជំរឿនស្ថិតិ និងពិនិត្យលើ​អត្តសញ្ញាណប័ណ្ណ​ឱ្យបានត្រឹមត្រូវ។
ទី៣)- ប្រធានក្រុមការងារ​គណបក្ស​ចុះជួយឃុំ ត្រូវត្រៀម ទី)១- រៀបចំ​របាយការណ៍​សមិទ្ធិផលឃុំ សង្កាត់ ទី២)- រៀបចំផែនការ​អភិវឌ្ឍ ឃុំ សង្កាត់ និងផែនការ​ហិរញ្ញវត្ថុ​សម្រាប់​ការបោះឆ្នោត។
ទី៤)- ក្រុមការងារ​ត្រូវចុះទៅតាម​ផ្ទះជាមួមេភូមិ​ដើម្បីបញ្ចុះបញ្ចូល​ឱ្យចូល​ជាសមាជិកបក្ស។

Building 16, Street 271 L 150, Sangkat Teuklaak II Khan Toul Kok Phnom Penh, Cambodia
Email : info@naaa.gov.kh | Tel: 023 88 51 29 Fax: 023 88 52 79