National AIDS Authority

ចំនួនអ្នកទស្សនាគេហទំព័រ:

ឯកឧត្តមទេសរដ្ឋមន្ត្រី អៀង មូលី អញ្ជើញជាអធិបតីដ៏ខ្ពង់ខ្ពស់បិទសិក្ខាសាលាពិគ្រោះយោបល់ស្តីពីការអនុវត្តផែនការយុទ្ធសាស្ត្រជាតិទូលំ ទូលាយ និងពហុវិស័យឆ្លើយតបនឹងមេរោគអេដស៍ និងជំងឺអេដស៍ លើកទី៥

នៅរសៀលថ្ងៃសុក្រ ៤រោច ខែបុស្ស ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២១ ខែមករា ឆ្នាំ ២០២២ នៅសណ្ឋាគារកាំបូឌីយ៉ាណា អាជ្ញាធរជាតិប្រយុទ្ធនឹងជំងឺអេដស៍ ដោយមានការគាំទ្រពី UNAIDS ប្រចាំប្រទេសកម្ពុជា បានរៀបចំសិក្ខាសាលាពិគ្រោះយោបល់ស្តីពីការពិនិត្យឡើងវិញពាក់កណ្តាលអាណត្តិនៃការអនុវត្តផែនការយុទ្ធសាស្ត្រជាតិទូលំទូលាយ និងពហុវិស័យឆ្លើយតបនឹងមេរោគអេដស៍ និងជំងឺអេដស៍ លើកទី៥ (២០១៩-២០២៣) ក្រោមអធិបតីភាពដ៏ខ្ពង់ខ្ពស់ឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍។ សិក្ខាសាលានេះមានការចូលរួមដោយផ្ទាល់ និងតាមបណ្តាញវីដេអូ កម្មវិធីZoom ពីស្ទើរតែគ្រប់ដៃគូពាក់ព័ន្ធ តំណាងក្រសួង ស្ថាប័ន អង្គការជាតិ អន្តរជាតិ សង្គមស៊ីវិល តំណាងសហគមន៍ និងអ្នកផ្ទុកមេរោគអេដស៍ផងដែរ។

គួរបញ្ជាក់ថា សិក្ខាសាលាពិគ្រោះយោបល់នេះ ត្រូវបានរៀបចំឡើងក្នុងគោលបំណងពិនិត្យមើលវឌ្ឍនភាពនៃការអនុវត្តផែនការយុទ្ធសាស្ត្រជាតិទូលំទូលាយ និងពហុវិស័យឆ្លើយតបនឹងមេរោគអេដស៍ និងជំងឺអេដស៍ លើកទី៥ ព្រមទាំងស្វែង យល់ពីចំណុចរខ្វះខាត ដើម្បីផ្តល់ជាអនុសាសន៍សម្រាប់រៀបចំផែនការសកម្មភាពអនុវត្តបន្តក្នុងឆ្នាំ២០២២ និង២០២៣។

ផែនការយុទ្ធសាស្ត្រជាតិទូលំទូលាយ និងពហុវិស័យឆ្លើយតបនឹងមេរោគអេដស៍ និងជំងឺអេដស៍ លើកទី៥ (ឆ្នាំ២០១៩-២០២៣) ត្រូវបានប្រកាសដាក់ឱ្យប្រើប្រាស់ជាផ្លូវការនៅថ្ងៃទី២៩ ខែកញ្ញា ឆ្នាំ២០១៩ ដោយមានការ ចូលរួមពីតំណាងក្រសួង ស្ថាប័ន រាជធានី ខេត្ត ជាសមាជិកអាជ្ញាធរជាតិប្រយុទ្ធនឹងជំងឺអេដស៍ ព្រមទាំងតំណាងអង្គការសង្គមស៊ីវិល អ្នកផ្ទុកមេរោគអេដស៍ និងក្រុមប្រជាជនគន្លឹះផងដែរ។

ក្នុងរយៈពេល៣ឆ្នាំនៃការអនុវត្តផែនការយុទ្ធ សាស្ត្រជាតិទូលំទូលាយ និងពហុវិស័យឆ្លើយតបនឹងមេរោគអេដស៍ និងជំងឺអេដស៍ លើកទី៥នេះ យើងបានពុះពារឧបសគ្គ និងការលំបាកនានា ជាពិសេសនៅក្នុងដំណាក់កាលនៃការរាតត្បាតជាសកលនៃកូវីដ-១៩ ក្នុងអំឡុងពេល២ឆ្នាំចុង ក្រោយនេះ។

អង្គសិក្ខាសាលាដែលប្រព្រឹត្តទៅពេញមួយថ្ងៃនេះ បានស្តាប់បទបង្ហាញរបស់ទីប្រឹក្សាបច្ចេកទេស និងបានពិភាក្សាពិគ្រោះយោបល់លើរបកគំហើញនៃការពិនិត្យឡើងវិញក្នុងការអនុវត្តផែនការយុទ្ធសាស្ត្រជាតិ ដោយបានផ្តោតលើយុទ្ធសាស្ត្រទាំង៤ និងការត្រួតពិនិត្យ វាយតម្លៃ ព្រមទាំងរៀបចំផែនការប្រតិបត្តិសម្រាប់រយៈពេលបន្តសម្រាប់ឆ្នាំ២០២២ និង២០២៣ ដើម្បីឈានទៅសម្រេចការប្តេជ្ញាចិត្តរបស់រាជរដ្ឋាភិបាលក្នុងការសម្រេចគោលដៅ៩៥-៩៥-៩៥ និងការបញ្ចប់អេដស៍នៅឆ្នាំ២០២៥។

ដោយមានការគាំទ្រ និងកិច្ចសហការពីអង្គការ UNAIDS អាជ្ញាធរជាតិប្រយុទ្ធនឹងជំងឺអេដស៍ បានសម្របសម្រួលដំណើការពិនិត្យមើលវឌ្ឍន ភាពនៃការអនុវត្តផែនការយុទ្ធសាស្ត្រនេះ នៅចុងឆ្នាំ២០២១។ ក្នុងនោះ ទីប្រឹក្សាបច្ចេកទេសបានរៀបចំជារបាយការណ៍បឋម និងត្រូវពិគ្រោះយោបល់ជាមួយភាគីពាក់ព័ន្ធសំខាន់ៗ ដើម្បីបានធាតុចូលបន្ថែមទៀត និងធ្វើការកែសម្រួលរបាយការណ៍ឱ្យកាន់តែមានភាពត្រឹមត្រូវ និងគ្រប់ជ្រុង ជ្រោយ ឈានទៅសម្រេចបានគោលដៅ ៩៥-៩៥-៩៥ និងការបញ្ចប់អេដស៍នៅឆ្នាំ២០២៥ ខាងមុខ តាមការប្តេជ្ញាចិត្តរបស់រាជរដ្ឋាភិបាលកម្ពុជា។

មានប្រសាសន៍នៅក្នុងពិធីបិទសិក្ខាសាលា ឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍បានថ្លែងថា ការធ្វើបច្ចុប្បន្នភាពអំពីស្ថានភាព និងការឆ្លើយតបនឹងមេរោគអេដស៍ និងជំងឺអេដស៍ ព្រមទាំងអំពីសមិទ្ធផលនៃគោលបំណងចំនួនបួនក្នុងផែនការយុទ្ធ សាស្ត្រជាតិ លើកទី៥ ជាកិច្ចការសំខាន់។ ប៉ុន្តែ អ្វីដែលសំខាន់ជាងនេះទៅទៀតគឺយើងពិភាក្សាពីរបៀបដែលយើងអាចសម្រប ធ្វើសុខ ដុមនីយកម្ម និងធ្វើឱ្យស៊ីសង្វាក់គ្នាក្នុងការងារប្រយុទ្ធនឹងមេរោគអេដស៍ ដើម្បីឆ្ពោះទៅរកការឆ្លើយតបប្រកបដោយថាមវន្ត រួមបញ្ចូលគ្នា និងនិរន្តរភាពទាំងនៅថ្នាក់ជាតិ និងថ្នាក់ក្រោមជាតិ។

ឯកឧត្តមទេសរដ្ឋមន្ត្រីបានបញ្ជាក់បន្ថែមថា នៅ ពេលដែលយើងឈានចូលដល់ដំណាក់កាលចុងក្រោយនៃការប្រយុទ្ធដ៏យូរអង្វែងប្រឆាំងនឹងមេរោគអេដស៍ និងជំងឺអេដស៍ យើងត្រូវរំឭកឡើង វិញនូវតម្រូវការក្នុងការអនុវត្តតាមការណែនាំដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលអំពាវនាវជនរួមជាតិទាំង អស់ឱ្យចូលរួមជាចរន្តជាតិមួយជាមួយរាជរដ្ឋា ភិបាលកម្ពុជាដើម្បីបញ្ចប់ជំងឺអេដស៍ នៅឆ្នាំ ២០២៥។

នៅទីបញ្ចប់ ឯកឧត្តមទេសរដ្ឋមន្រ្តីបានសង្កត់ធ្ងន់ថា ក្នុងការសម្លឹងឆ្ពោះទៅមុខក្នុងកិច្ចសហការប្រទាក់ក្រឡា និងស៊ីសង្វាក់គ្នានាពេលអនាគត យើងត្រូវពិចារណាពីបរិបទផ្សេងគ្នានៃការឆ្លើយតបនឹងមេរោគអេដស៍ និងជំងឺអេដស៍នៅកម្ពុជា។ បរិបទទាំងនោះរួមមាន ៖
១) ការធ្វើដំណើរពីការពឹងផ្អែកទៅលើជំនួយខាងក្រៅទៅដល់ស្ថានភាពដែលពឹង ផ្អែកទៅលើថវិកាជាតិជាបណ្តើរៗដើម្បីធានាចីរភាព
២) ការផ្លាស់ប្តូរពីការគាំទ្រកម្មវិធី ទៅជាការគាំទ្រទាំងម្មវិធីផង និងគាំទ្រស្ថាប័នផង
៣) ការផ្លាស់ប្តូរពីអភិក្រមដែលអ្នកផ្តល់សេវាជាចំបង មកជាអភិក្រមដែលអ្នកទទួលសេវាជាចំបង (People-Centered)។

សកម្មភាពរបស់ អ.ជ.ប.ជ.អ នៅលើប្រព័ន្ធផ្សព្វផ្សាយ

សារអេឡិចត្រូនិច