National AIDS Authority

ព្រះរាជាណាចក្រកម្ពុជា
Kingdom of Cambodia

ជាតិ សាសនា ព្រះមហាក្សត្រ
Nation Religion King

ថ្វាយកម្រងផ្កាគោរពព្រះវិញ្ញានក្ខន្ធព្រះករុណាព្រះបរមរតនកោដ្ឋឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំលើកទី៥៦នៃក្រុមប្រឹក្សាសម្របសម្រួលកម្មវិធីយូអិនអេដស៍(UNAIDS)

កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី២ ឆ្នាំ២០២៥

ទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២៥

សន្និបាតអាជ្ញាធរជាតិប្រយុទ្ធនឹងជំងឺអេដស៍ឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំ យូអិនអេដស៍ (UNAIDS PCB) លើកទី៥៦

Contact us now:

info@naaa.gov.kh

+855 (0)23 885 129

+855 (0)23 885 279

ភាសាខ្មែរ

English

ចំនួនអ្នកទស្សនាគេហទំព័រ:

ឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ បានជួប ពិភាក្សាការងារឆ្លើយតបនឹងមេរោគអេដស៍ជាមួយឯកឧត្តម ម៉ៅ ធនិន្ទ អភិបាលខេត្តកំពត

នៅរសៀលថ្ងៃចន្ទ ៧រោច ខែបុស្ស ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៤ ខែមករា ឆ្នាំ២០២២ ចាប់ពីម៉ោង ២:៣០ នៅសាលាខេត្តកំពត ឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ បានជួប ពិភាក្សាការងារឆ្លើយតបនឹងមេរោគអេដស៍ជាមួយឯកឧត្តម ម៉ៅ ធនិន្ទ អភិបាលខេត្តកំពត។ អញ្ជើញចូលរួមក្នុងជំនួបនេះ រួមមានឯកឧត្តម លោកជំទាវ ជាអនុប្រធាន អគ្គលេខាធិការ ប្រធាននាយកដ្ឋាន ព្រមទាំងអភិបាលរងនិងជាប្រធានគណៈកម្មាធិ ការប្រយុទ្ធនឹងជំងឺអេដស៍ និងនាយរដ្ឋបាលខេត្តកំពតផងដែរ។

បន្ទាប់ពីកិច្ចស្វាគមន៍របស់ឯកឧត្តមអភិបាលខេត្ត ឯកឧត្តមទេសរដ្ឋមន្ត្រីបានថ្លែងការកោតសរសើរចំពោះភាពជាអ្នកដឹកនាំរបស់ឯកឧត្តម ម៉ៅ ធនិន្ទ ក្នុងការដោះស្រាយទំនាស់របស់ប្រជាពលរដ្ឋកន្លងមក និងបច្ចុប្បន្ននៅខេត្តកំពត។ ចំពោះការងារអេដស៍ ឯកឧត្តមទេសរដ្ឋមន្ត្រីបានជម្រាបជូនថា យើងបានជោគជ័យ ដោយសម្រេចបាន៨៤-១០០-៩៧។ មានន័យគោលដៅ៩៥-៩៥-៩៥ ទី២ និងទី៣បានជោគជ័យហើយ នៅឡើយតែគោលដៅ៩៥ ទី១ ដែលយើងត្រូវប្រឹងប្រែងធ្វើឱ្យសម្រេចទាំងអស់គ្នា។

ឯកឧត្តមទេសរដ្ឋមន្រ្តីបានបញ្ជាក់ថា យើងស្គាល់មុខសញ្ញាក្រុមដែលមានអត្រាឆ្លងខ្លាំងហើយ។ ក្រុមនោះគឺក្រុមបុរសរួមភេទជាមួយបុរស ដែលសព្វថ្ងៃមានជាង១០ម៉ឺននាក់។ យើងមាន ការបារម្ភ ហើយចង់ឱ្យថ្នាក់ក្រោមជាតិចាប់អារម្មណ៍ រៀបចំឱ្យមានក្រុមការងារ ចង់ឱ្យគណៈកម្មាធិការប្រយុទ្ធនឹងជំងឺអេដស៍ ណែនាំឱ្យក្រុមដែលមានហានិភ័យខ្ពស់ក្នុងការចម្លងរោគប្រើស្រោមអនាម័យ ធ្វើតេស្តឈាម និងមកទទួលសេវាអេដស៍។
ឯកឧត្តមទេសរដ្ឋមន្ត្រីបានសង្កត់ធ្ងន់ថា ពួកយើងចេះតែដើរឆ្កឹះកកាយនេះ ព្រោះក្លាចរើក្នុងការឆ្លងរាលដាលមកវិញ ដោយការសប្បាយភ្លេចខ្លួន។

មុននឹងបញ្ចប់ ឯកឧត្តមទេសរដ្ឋមន្ត្រីបានសំណូមពរទៅឯកឧត្តមអភិបាលខេត្តឱ្យជួយរៀបចំឱ្យមានដំណើរការគណៈកម្មាធិការប្រយុទ្ធនឹងជំងឺអេដស៍ស្រុក និងឃុំ។ ចំពោះសមាសភាពគណៈកម្មការប្រយុទ្ធនឹងជំងឺអេដស៍ឃុំ ត្រូវជ្រើសរើសចេញពី គណៈកម្មាធិការកិច្ចការនារី និងកុមារ មណ្ឌលសុខភាព និងអង្គការក្រៅរដ្ឋាភិបាល។ យើងចាត់ទុកអង្គការក្រៅរដ្ឋាភិបាលជាដៃគូ។ ជាមួយគ្នានេះ ឯកឧត្តមទេសរដ្ឋមន្រ្តីបានបញ្ជាក់ថា ក្នុងឆ្នាំ២០២២នេះ អាជ្ញាធរជាតិប្រយុទ្ធនឹងជំងឺអេដស៍បានព្យាយាមសុំថវិកាពីក្រសួងសេដ្ឋកិច្ច និងហិរញ្ញវត្ថុដើម្បីទម្លាក់ទៅថ្នាក់ក្រោមជាតិ រួមមានរាជធានីភ្នំពេញ ខេត្តបាត់ដំបង សៀមរាប និងបន្ទាយមានជ័យ ធ្វើការងារឆ្លើយ តបនឹងមេរោគអេដស៍។ នៅឆ្នាំក្រោយ យើងអាចស្នើសុំជូនខេត្តកំពត និងខេត្តផ្សេងទៀត ឬខេត្តមួយចំនួនអាចមានការឆ្នៃប្រឌិតក្នុងការកៀរគរថវិកាមកធ្វើការងារអេដស៍បាន។

ជាការឆ្លើយតប ឯកឧត្តមអភិបាលខេត្តបានវាយតម្លៃខ្ពស់ចំពោះការងារឆ្លើយតបនឹងមេរោគអេដស៍ និងជំងឺអេដស៍កន្លងមក និងមានប្រសាសន៍ថា ខេត្តកំពតអាចពិនិត្យមើលកញ្ចប់ថវិកា ដើម្បីឱ្យគណៈកម្មាធិការប្រយុទ្ធនឹងជំងឺអេដស៍ខេត្តអាចដំណើរការកិច្ចការងារខ្លួនបាន។

សកម្មភាពរបស់ អ.ជ.ប.ជ.អ នៅលើប្រព័ន្ធផ្សព្វផ្សាយ

សារអេឡិចត្រូនិច