National AIDS Authority

ព្រះរាជាណាចក្រកម្ពុជា
Kingdom of Cambodia

ជាតិ សាសនា ព្រះមហាក្សត្រ
Nation Religion King

ថ្វាយកម្រងផ្កាគោរពព្រះវិញ្ញានក្ខន្ធព្រះករុណាព្រះបរមរតនកោដ្ឋឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំលើកទី៥៦នៃក្រុមប្រឹក្សាសម្របសម្រួលកម្មវិធីយូអិនអេដស៍(UNAIDS)

កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី២ ឆ្នាំ២០២៥

ទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២៥

សន្និបាតអាជ្ញាធរជាតិប្រយុទ្ធនឹងជំងឺអេដស៍ឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំ យូអិនអេដស៍ (UNAIDS PCB) លើកទី៥៦

Contact us now:

info@naaa.gov.kh

+855 (0)23 885 129

+855 (0)23 885 279

ភាសាខ្មែរ

English

ចំនួនអ្នកទស្សនាគេហទំព័រ:

វេទិកាសាធារណៈស្តីពីការត្រួតពិនិត្យ និងគាំទ្រគោលនយោបាយ និងយុទ្ធសាស្ត្រចតុកោណ ដំណាក់កាលទី៤ របស់រាជរដ្ឋាភិបាលកម្ពុជា នៅឃុំពោធិ៍ចម្រើន

នៅព្រឹកថ្ងៃពុធ ៧រោច ខែមាឃ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៣ ខែកុម្ភៈ ឆ្នាំ ២០២២ នៅវត្តមង្គលមានជ័យ ឯកឧត្តមទេសរដ្ឋមន្ត្រី អៀង មូលី ប្រធានក្រុមការងារថ្នាក់ជាតិចុះជួយមូលដ្ឋានស្រុកបរសេដ្ឋ បានអញ្ជើញជាអធិបតីដ៏ខ្ពង់ខ្ពស់ក្នុងវេទិកាសាធារណៈស្តីពីការត្រួតពិនិត្យ និងគាំទ្រគោលនយោបាយ និងយុទ្ធសាស្ត្រចតុកោណ ដំណាក់កាលទី៤ របស់រាជរដ្ឋាភិបាលកម្ពុជា នៅឃុំពោធិ៍ចម្រើន។ អញ្ជើញចូលរួមក្នុងវេទិការួមមានឯកឧត្តម លោកជំទាវ លោក អ្នកស្រី និងនាងកញ្ញា ជាសមាជិក សមាជិកា ក្រុមការងារថ្នាក់ជាតិចុះជួយមូលដ្ឋានស្រុក ឯកឧត្តម ទិត វុទ្ធី អភិបាលរង ខេត្ត តំណាងមន្ទីរជំនាញជុំវិញខេត្តកំពង់ស្ពឺ អភិបាល រងស្រុក មេឃុំ ក្រុមប្រឹក្សាឃុំ និងកងកម្លាំងទាំង៣ ព្រមទាំងប្រជាពលរដ្ឋពីឃុំពោធិ៍ចម្រើន ចំនួនជាង១០០នាក់។

បន្ទាប់ពីស្តាប់របាយការណ៍របស់លោកមេឃុំ ឯកឧត្តមទេសរដ្ឋមន្ត្រី បានមានប្រសាសន៍ថា ការរៀបចំឱ្យមានវេទិកាសាធារណៈបង្ហាញថា យើងកាន់របបប្រជាធិបតេយ្យ។ យើងស្តាប់សំណូមពរ វត្ថុបំណង និងសេចក្តីត្រូវការរបស់ប្រជាជន ហើយឆ្លើយតបវិញឱ្យទាន់ពេលវេលា។ ជាមួយគ្នានេះ យើងធ្វើការទៅតាមកម្មវិធីនយោបាយរបស់រាជរដ្ឋាភិបាល ដោយយកមូលដ្ឋានសុខសន្តិភាពជាធំ និងធ្វើឱ្យមានសណ្តាប់ធ្នាប់សាធារណៈ។ សម្តេចតេជោបានបញ្ចប់សង្គ្រាម និងនាំឱ្យមានសន្តិភាពពេញលេញនៅកម្ពុជា នៅថ្ងៃទី២៩ ធ្នូ ១៩៩៨។

នៅក្នុងវេទិកាសំណួរ ចម្លើយ ប្រជាជន និងមេភូមិបានលើកឡើងអំពី ១) សំណូមពរសុំការកសាងផ្លូវ និងស្ពាន ២) ភាពអនាធិបតេយ្យក្នុងការឆក់ត្រី ៣) បញ្ហាបញ្ហាប្រើប្រាស់ និងថែរក្សាផ្លូវ ៤) អគ្គិសនី និង៥) ទឹកស្អាត។ ជាការឆ្លើយតប ឯកឧត្តមទេសរដ្ឋមន្រ្តីស្នើឱ្យលោកប្រធានមន្ទីរជំនាញ និងអ្នកតំណាងឡើងឆ្លើយ តបបកស្រាយ និងពន្យល់បញ្ជាក់ជូនប្រជាជន។

មុននឹងបញ្ចប់ ឯកឧត្តម ទិត វុទ្ធី អភិបាលរងខេត្តកំពង់ស្ពឺ និងលោក ញ៉ាញ់ ជាបហ៊ង ប្រធានមន្ទីរធនធានទឹក និងឧតុនិយមបានឡើងពន្យល់បញ្ជាក់ពី ១) នីតិវិធីក្នុងការបង្រ្កាបបទល្មើសឆក់ត្រី ២) ការ ចូលរួមការពារផលប្រយោជន៍កម្មករ ដែលឃុំពោធិ៍ចម្រើន មានកម្មករចំនួន១២៣០ នាក់ និងនាំចំណូលមកក្នុងឃុំមួយខែប្រមាណ ៣០ម៉ឺនដុល្លារ និង៣) កិច្ចការងារធនធានទឹក។

មុននឹងបញ្ចប់ ឯកឧត្តមទេសរដ្ឋមន្ត្រីបានធ្វើការដោះស្រាយ និងណែនាំថា :
១) ការសាងសង់ផ្លូវស្នើមន្ទីរសាធារណការ និងដឹកជញ្ជូនរៀបចំគម្រោងស្នើសុំ
២) អាងទឹក ប្រឡាយ ទំនប់ ស្នើធ្វើបញ្ជីសារពើភណ្ឌទ្រព្យសម្បត្តិរដ្ឋ
៣) រឿងស្ពានទាំង៣ ស្នើលោកមេឃុំរៀបឯកសារដើម្បីដាក់ជូនថ្នាក់ដឹកនាំពិនិត្យដោះស្រាយ។
៤) បញ្ហាអគ្គិសនី ស្នើ លោក សៅ រិទ្ធិ អភិបាលរងស្រុកពិភាក្សាដោះស្រាយជាមួយក្រុមហ៊ុន។

នៅទីបញ្ចប់ឯកឧត្តមទេសមន្ត្រី ស្នើឱ្យប្រជាជនទៅចាក់វ៉ាក់សាំងកូវីដ-១៩ឱ្យបានគ្រប់ៗគ្នា ចូលរួមថែរក្សាអនាម័យ និងអនុវត្តវិធានការទប់ស្កាត់ការឆ្លងរាលដាលកូវីដ-១៩។

សកម្មភាពរបស់ អ.ជ.ប.ជ.អ នៅលើប្រព័ន្ធផ្សព្វផ្សាយ

សារអេឡិចត្រូនិច