National AIDS Authority

ព្រះរាជាណាចក្រកម្ពុជា
Kingdom of Cambodia

ជាតិ សាសនា ព្រះមហាក្សត្រ
Nation Religion King

ថ្វាយកម្រងផ្កាគោរពព្រះវិញ្ញានក្ខន្ធព្រះករុណាព្រះបរមរតនកោដ្ឋឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំលើកទី៥៦នៃក្រុមប្រឹក្សាសម្របសម្រួលកម្មវិធីយូអិនអេដស៍(UNAIDS)

កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី២ ឆ្នាំ២០២៥

ទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២៥

សន្និបាតអាជ្ញាធរជាតិប្រយុទ្ធនឹងជំងឺអេដស៍ឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំ យូអិនអេដស៍ (UNAIDS PCB) លើកទី៥៦

Contact us now:

info@naaa.gov.kh

+855 (0)23 885 129

+855 (0)23 885 279

ភាសាខ្មែរ

English

ចំនួនអ្នកទស្សនាគេហទំព័រ:

កិច្ចប្រជុំចង្អៀតថ្នាក់ដឹកនាំ ក្រោមអធិបតីភាពដ៏ខ្ពង់ខ្ពស់ឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍

នៅព្រឹកថ្ងៃអង្គារ ៣រោច ខែចេត្រ ឆ្នាំខាល ចត្វាស័ក ព.ស.២៥៦៥ ត្រូវនឹងថ្ងៃទី១៩ ខែមេសា ឆ្នាំ២០២២ ចាប់ពីម៉ោង៩ អាជ្ញាធរជាតិប្រយុទ្ធនឹងជំងឺអេដស៍ បានរៀបចំកិច្ចប្រជុំចង្អៀតថ្នាក់ដឹកនាំ ក្រោមអធិបតីភាពដ៏ខ្ពង់ខ្ពស់ឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរ។ កិច្ចប្រជុំនេះមានការចូលរួមពីថ្នាក់ដឹកនាំជា អនុប្រធាន ទីប្រឹក្សា អគ្គលេខាធិការ នាយកខុទ្ទកាល័យ និងប្រធាននាយកដ្ឋានរដ្ឋបាលនិងហិរញ្ញវត្ថុ។

កិច្ចប្រជុំនេះត្រូវបានរៀបចំឡើងដើម្បីពិនិត្យមើលការងារដែលបានធ្វើកន្លងមកថាតើបានសម្រេចកម្រិតណា? ហើយមានអ្វីត្រូវកែតម្រូវ ដើម្បីឆ្ពោះទៅសម្រេចគោលដៅ៩៥-៩៥-៩៥ នៅឆ្នាំ២០២៥។ ក្នុងនោះ ឯកឧត្តមទេសរដ្ឋមន្ត្រីបានមាន ប្រសាសន៍ដឹកនាំថា ការងារដែលត្រូវតម្រង់ឆ្ពោះ និងធ្វើឱ្យសម្រេចរួមមាន :
១) ការស្វែងរកអ្នកបាត់ដែលមិនចូលក្នុងប្រព័ន្ធ
២) ការទប់ស្កាត់ការរីករាលដាលមេរោគអេដស៍ក្នុងចំណោមក្រុមបុរសរួមភេទជាមួយបុរស និងប្រជាជនគន្លឹះ
៣) គោលការណ៍ណែនាំពីការបង្ការនៃការចម្លងមេរោគអេដស៍ជាសកល
៤) ការអនុវត្តលិខិតលេខ២១៣សជណរបស់ទីស្តីការគណៈរដ្ឋមន្រ្តីស្តីពីការដាក់ចេញវិធានការទាក់ទងនឹងការឆ្លើយតបនឹងមេរោគនិងជំងឺអេដស៍ និង
៥) ការអនុវត្តគម្រោងទីក្រុងពន្លឿនការឆ្លើយតបនឹងមេរោគអេដស៍ និងជំងឺអេដស៍ នៅរាជធានីភ្នំពេញ បាត់ដំបង សៀមរាប និងបន្ទាយមានជ័យ។

ជាលទ្ធផល ឯកឧត្តមទេសរដ្ឋមន្ត្រីបានមានប្រសាសន៍បូកសរុប និងផ្តល់អនុសាសន៍ ដូចខាងក្រោម :
១) ផ្តល់អនុសាសន៍ដល់ឯកឧត្តមអគ្គលេខាធិការ ឱ្យធ្វើសេចក្តីព្រាងរបៀបវារៈកិច្ចប្រជុំក្រុមប្រឹក្សាបច្ចេកទេសហើយដាក់ជូនថ្នាក់ដឹកនាំចង្អៀតពិនិត្យនៅរាល់ពេលប្រជុំប្រចាំខែ
២) ណែនាំឯកឧត្តម ទា ផលា ឯកឧត្តមអគ្គលេខាធិការ ផ្តល់អនុសាសន៍ទៅមជ្ឈមណ្ឌលជាតិប្រយុទ្ធនឹងជំងឺអេដស៍ សើស្បែក និងកាមរោគ អំពីចំនួនពិតប្រាកដនៃអ្នកឆ្លងថ្មី និងស្លាប់
៣) ណែនាំដល់ថ្នាក់ដឹកនាំឱ្យលើកយកការចម្លងមេរោគអេដស៍ក្នុងចំណោមក្រុមបុរសរួមភេទជាមួយបុរស នៅរាល់ពេលបំពេញបេសកកម្ម
៤) ណែនាំឯកឧត្តម ហោ ប៊ុនឡេង ឱ្យរៀបចំសេចក្តីពា្រងគោលការណ៍បញ្ចប់អេដស៍នៅកម្ពុជា
៥) ណែនាំឯកឧត្តមអគ្គលេខាធិការឱ្យលើកយកសេចក្តីព្រាងគោលការណ៍ណែនាំពីការបង្ការនៃការចម្លងមេរោគអេដស៍ជាសកលដាក់ក្នុងរបៀបវារៈនៃកិច្ចប្រជុំក្រុមប្រឹក្សាបច្ចេកទេសលើកក្រោយ និងបើនៅសល់ពេលអាចបញ្ចូលរបៀបវារៈផ្សេងទៀត ។
៦) ឯកភាពជូនឯកឧត្តម ទា ផលា រៀបចំកិច្ចប្រជុំបច្ចេកទេស ឆ្នាំ២០២២។

សកម្មភាពរបស់ អ.ជ.ប.ជ.អ នៅលើប្រព័ន្ធផ្សព្វផ្សាយ

សារអេឡិចត្រូនិច