ព្រះរាជាណាចក្រកម្ពុជា
Kingdom of Cambodia

ជាតិ​ សាសនា ព្រះមហាក្សត្រ
Nation Religion King

ថ្វាយ​កម្រងផ្កា​គោរព​ព្រះវិញ្ញានក្ខន្ធ​ព្រះករុណា​ព្រះបរមរតន​កោដ្ឋឆ្នាំ២០២៥
ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima
​កិច្ចប្រជុំ​លើក​ទី៥៦នៃ​ក្រុមប្រឹក្សា​សម្របសម្រួល​កម្មវិធី​យូ​អិន​អេដស៍(UNAIDS)
កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី២ ឆ្នាំ២០២៥
ថ្វាយ​កម្រងផ្កា​គោរព​ព្រះវិញ្ញានក្ខន្ធ​ព្រះករុណា​ព្រះបរមរតន​កោដ្ឋឆ្នាំ២០២៥
ទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២៥
សន្និបាត​អាជ្ញាធរ​ជាតិ​ប្រយុទ្ធ​នឹង​ជំងឺ​អេដស៍​ឆ្នាំ២០២៥
ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima
កិច្ចប្រជុំ យូអិនអេដស៍ (UNAIDS PCB) លើកទី៥៦
Contact us now:
info@naaa.gov.kh
+855 (0)23 885 129
+855 (0)23 885 279

ភាសាខ្មែរ   English
ចំនួនអ្នកទស្សនាគេហទំព័រ:

NAA Vistor Counter

កិច្ចពិភាក្សា ស្តីអំពីការ​ចែក​រំលែក​បទពិសោធន៍​របស់អាជ្ញាធរជាតិ​ប្រយុទ្ធនឹង​ជំងឺអេដស៍ ជាមួយ​ក្រុមការងារ​បច្ចេកទេស​នៃក្រុមប្រឹក្សា​ជាតិគាំពារ​សង្គម ក្រោម​អធិបតីភាព​ដ៏ខ្ពង់ខ្ពស់​​ឯកឧត្តម​ទេស​រដ្ឋមន្ត្រី អៀង មូលី ប្រធាន​អាជ្ញាធរ

ថ្ងៃសុក្រ ៣រោច ខែជេស្ឋ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៧ ខែមិថុនា ឆ្នាំ២០២២ ចាប់ពីម៉ោ២:៣0នាទីរសៀល អាជ្ញាធរជាតិ​ប្រយុទ្ធនឹង​ជំងឺអេដស៍ បានរៀបចំ​កិច្ចពិភាក្សា ស្តីអំពីការ​ចែករំលែក​បទពិសោធន៍​របស់អាជ្ញាធរជាតិ​ប្រយុទ្ធនឹង​ជំងឺអេដស៍ ជាមួយក្រុម​ការងារ​បច្ចេកទេស​នៃក្រុមប្រឹក្សា​ជាតិគាំពារ​សង្គម ក្រោមអធិបតីភាព​ដ៏ខ្ពង់ខ្ពស់​ឯកឧត្តម​ទេសរដ្ឋមន្ត្រី អៀង មូលី ប្រធាន​អាជ្ញាធរជាតិ​ប្រយុទ្ធនឹង​ជំងឺអេដស៍។ កិច្ចប្រជុំនេះ​មានការ​ចូលរួមពី ឯកឧត្តម​បណ្ឌិត ចន ណារិទ្ធ អនុរដ្ឋលេខា​ធិការ​ក្រសួង​សេដ្ឋកិច្ច និងហិរញ្ញវត្ថុ និងជាអគ្គលេខា​ធិការនៃអគ្គលេខា​ធិការដ្ឋាន​ក្រុមប្រឹក្សា​ជាតិគាំ​ពារសង្គម ឯកឧត្តម លោកជំទាវ លោក អ្នកស្រី អ្នកនាង​កញ្ញា​នៃក្រុមប្រឹក្សា​ជាតិគាំពារ​សង្គម  និងឯកឧត្តម ជាអនុប្រធាន អ.ជ.ប.ជ.អ អគ្គលេខាធិការ នាយក​ខុទ្ទកាល័យ និងដៃគូនានា​ជាច្រើនរូប។ ក្នុងកិច្ចប្រជុំនេះ មានការ​ពិភាក្សា​ផ្លាស់ប្តូរយោបល់​ដ៏ទូលំទូលាយ និងចែក​រំលែកបទ​ពិសោធន៍​ពីគ្នាទៅវិញទៅមក។
លទ្ធផល ៖
១) ការសម្រេចឱ្យបាននូវអត្រាគ្របដណ្តប់សុខភាពជាសកល​រួមនឹងការគាំទ្រ​ថវិកា​ពីរាជរដ្ឋាភិបាល សម្រាប់ការ​ឆ្លើយតបនឹង​ជំងឺអេដស៍ និងការចូលរួម​ពីសហគមន៍។
២) ការឈានទៅសម្រេច​ចីរភាពនៃកម្មវិធីអេដស៍ អ.ជ.ប.ជ.អ និងដៃគូអភិវឌ្ឍ​ទាំងអស់ ត្រូវរួមគ្នា ពង្រឹង​ប្រព័ន្ធជាតិ (strengthening country system) ក្នុងការឆ្លើយតប​ជាពហុវិស័យ ចំពោះ​ការរីករាលដាល​នៃមេរោគ អេដស៍ និងជំងឺអេដស៍ ដោយមាន​ការចូលរួម​ពីគ្រប់ស្ថាប័ន ទាំងថ្នាក់ជាតិ ថ្នាក់ក្រោមជាតិ អង្គការ​អន្តរជាតិ អង្គការសង្គមស៊ីវិល វិស័យឯកជន បណ្តាញ​អ្នកផ្ទុក​មេរោគអេដស៍ និងបណ្តាញ​ក្រុមប្រជាជន​គន្លឹះ។
៣) ការពង្រឹងភាពជាអ្នកដឹកនាំ និងភាពជាម្ចាស់ការ (Leadership and ownership) ពង្រឹង​ភាពជាដៃគូ (Partnership) និងការវិនិយោគ (Investment) ដោយដាក់​មនុស្ស និងសហគមន៍ នៅចំណុច​កណ្តាល​នៃការឆ្លើយតប​នឹងជំងឺអេដស៍។
៤) លើកកម្ពស់ភាព​ជាម្ចាស់ និងគណនេយ្យភាព​នៃបណ្តាញ និងដៃគូពាក់ព័ន្ធ​នៃភ្នាក់ងារ​រាជរដ្ឋាភិបាល សង្គមស៊ីវិល និង វិស័យឯកជន។
៥) ការបង្កើតបាននូវ ស្ថាប័នដឹកនាំគ្រប់គ្រង និងសម្របសម្រួល​តែមួយទាំង​នៅថ្នាក់ជាតិ និងថ្នាក់ក្រោមជាតិ ជាពិសេស មានផែនការ​យុទ្ធសាស្ត្រជាតិ​តែមួយ មានប្រព័ន្ធ​តាមដាន និងវាយតម្លៃជាតិ​តែមួយប្រកប​ដោយប្រសិទ្ធភាពខ្ពស់ ។  
៦) អាជ្ញាធរជាតិប្រយុទ្ធនឹងជំងឺអេដស៍ ជាអ្នកអនុវត្តនូវ​គោលនយោបាយ​របស់ជាតិ ជាអ្នកដឹកនាំ សម្រប​សម្រួលការងារ   ពិនិត្យតាមដាន និងវាយតម្លៃ ក្រសួង ស្ថាប័ន រាជធានី/ខេត្ត ក្រុង និងអង្គការ​ក្រៅរដ្ឋាភិបាល។
៧) ក្រុមប្រឹក្សាជាតិគាំពារសង្គម បានសហការយ៉ាងជិតស្និទ្ធជាមួយ អ.ជ.ប.ជ.អ ក្នុងការ​សម្របសម្រួល ការរៀបចំយុទ្ធសាស្រ្ត គោលនយោបាយ​គាំពារសង្គម កំណត់ពី​អត្តសញ្ញាណ​ប្រជាជនក្រីក្រ និងជន​ងាយរងគ្រោះ ព្រមទាំងកម្មវិធី​គាំពារសុខភាព​មាតា និងទារក។
៨) ការស្នើសុំអន្តរាគមន៍​ពីក្រសួងសេដ្ឋកិច្ច និងហិរញ្ញវត្ថុ ដើម្បីផ្តល់​ថវិកា​ជូនខេត្តគោលដៅ​ចំនួន១១ បន្ថែម​សម្រាប់​​ដំណើរ​ការ​គណៈ​កម្មាធិការ​​ប្រយុទ្ធនឹង​​ជំងឺអេដស៍​ខេត្ត​ចាប់​ពី​ឆ្នាំ២០២៣។
៩) ជំរុញការផ្តល់សេវាបង្ការ ថែទាំ កាត់បន្ថយការ​ចម្លងមេរោគ​អេដស៍ ពីមាតាទៅទា​រកឱ្យបានតាម​គោលដៅកំណត់។
១០)ពង្រឹងប្រសិទ្ធភាពនៃការផ្តល់សេវាប្រើប្រាស់ពីវិធីលេបថ្នាំបង្ការទុកជាមុន នៅពេលប្រព្រឹត្តប្រឈមនឹងការចម្លង       មេរោគអេដស៍ (Pre-exposure prophylaxis: PrEP) ដល់ប្រជាជនគន្លឹះ។