ព្រះរាជាណាចក្រកម្ពុជា
Kingdom of Cambodia

ជាតិ​ សាសនា ព្រះមហាក្សត្រ
Nation Religion King

ថ្វាយ​កម្រងផ្កា​គោរព​ព្រះវិញ្ញានក្ខន្ធ​ព្រះករុណា​ព្រះបរមរតន​កោដ្ឋឆ្នាំ២០២៥
ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima
​កិច្ចប្រជុំ​លើក​ទី៥៦នៃ​ក្រុមប្រឹក្សា​សម្របសម្រួល​កម្មវិធី​យូ​អិន​អេដស៍(UNAIDS)
កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី២ ឆ្នាំ២០២៥
ថ្វាយ​កម្រងផ្កា​គោរព​ព្រះវិញ្ញានក្ខន្ធ​ព្រះករុណា​ព្រះបរមរតន​កោដ្ឋឆ្នាំ២០២៥
ទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២៥
សន្និបាត​អាជ្ញាធរ​ជាតិ​ប្រយុទ្ធ​នឹង​ជំងឺ​អេដស៍​ឆ្នាំ២០២៥
ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima
កិច្ចប្រជុំ យូអិនអេដស៍ (UNAIDS PCB) លើកទី៥៦
Contact us now:
info@naaa.gov.kh
+855 (0)23 885 129
+855 (0)23 885 279

ភាសាខ្មែរ   English
ចំនួនអ្នកទស្សនាគេហទំព័រ:

NAA Vistor Counter

លទ្ធផលកិច្ចប្រជុំចង្អៀតថ្នាក់ដឹកនាំអាជ្ញាធរជាតិប្រយុទ្ធនឹងជំងឺអេដស៍ ថ្ងៃទី១៦ ខែកញ្ញា ឆ្នាំ២០២២

លទ្ធផល​កិច្ចប្រជុំចង្អៀត​ថ្នាក់​ដឹកនាំ​អាជ្ញាធរជាតិ​ប្រយុទ្ធនឹង​ជំងឺអេដស៍ ថ្ងៃទី១៦ ខែកញ្ញា ឆ្នាំ២០២២ ចាប់ពីម៉ោង​៩:00នាទី​ព្រឹក អាជ្ញាធរជាតិ​ប្រយុទ្ធនឹង​ជំងឺអេដស៍ បានរៀបចំ​កិច្ចប្រជុំ​ថ្នាក់ដឹកនាំ​ចង្អៀត ក្រោមអធិបតីភាព​ដ៏ខ្ពង់ខ្ពស់ ឯកឧត្តម​ទេសរដ្ឋមន្ត្រី អៀង មូលី ប្រធាន​អាជ្ញាធរជាតិ​ប្រយុទ្ធនឹង​ជំងឺអេដស៍។
កិច្ចប្រជុំនេះ​មានការ​អញ្ជើញ​ចូលរួមពី ឯកឧត្តម​អនុប្រធាន​ប្រចាំការ ឯកឧត្តម​អនុប្រធាន ទីប្រឹក្សា អគ្គលេខាធិការ នាយករង​ខុទ្ទកាល័យ និងប្រធាន​នាយកដ្ឋាន​ស្តីពីនាយកដ្ឋាន​រដ្ឋបាល និងហិរញ្ញវត្ថុ នៅបន្ទប់ប្រជុំ “ខ” ។
កិច្ចប្រជុំដំណើរការ​តាមរបៀបវារៈ​ដូចខាងក្រោម ៖
1)  មតិបើកអង្គប្រជុំ ដោយ ឯកឧត្តម​ទេសរដ្ឋមន្ត្រី ប្រធាន​អាជ្ញាធរជាតិ​ប្រយុទ្ធនឹង​ជំងឺអេដស៍។
2)  កម្មវត្ថុ នៃកិច្ចប្រជុំក្រុមប្រឹក្សា​បច្ចេកទេស​លើកទី៩ ឆ្នាំ២០២២ ដោយ ឯកឧត្តម​បណ្ឌិត ឈឹម ឃិនដារ៉េត អគ្គលេខាធិការ​អាជ្ញាធរជាតិ​ប្រយុទ្ធនឹង​ជំងឺអេដស៍។
3)  ខ្លឹមសារនៃកិច្ចប្រជុំ​ក្រុមការងារ​និរន្តភាព​នៃការឆ្លើយតប​នឹងមេរោគអេដស៍ និងជំងឺអេដស៍  ដោយ ឯកឧត្តម​វេជ្ជបណ្ឌិត រស់ សីលវ៉ាត់ អនុប្រធាន​អាជ្ញាធរជាតិ​ប្រយុទ្ធនឹង​ជំងឺអេដស៍។
4)  អនុសាសន៍ណែនាំ ដោយ ឯកឧត្តម​ទេសរដ្ឋមន្ត្រី ប្រធាន​អាជ្ញាធរជាតិ​ប្រយុទ្ធនឹង​ជំងឺអេដស៍ ។
ក្រោយការ​បង្ហាញ និងពិភាក្សា ឯកឧត្តម​ទេសរដ្ឋមន្ត្រី បាន​ផ្តល់អនុសាសន៍​ដ៏ខ្ពង់ខ្ពស់ ដូចខាងក្រោម៖
1)  ថ្លែងការកោតសរសើរ​ចំពោះ​លទ្ធផល នៃកិច្ចប្រជុំ​ក្រុមប្រឹក្សា​បច្ចេកទេស​លើកទី៨ កាលពី​ថ្ងៃទី២៥ ខែសីហា ឆ្នាំ២០២២។
2)  សូមបង្កើនការយក​ចិត្តទុកដាក់អំពី​និន្នាការកើន​ឡើងនៃការឆ្លង​មេរោគអេដស៍​ក្នុងចំណោមក្រុម​បុរសរួមភេទ​ជាមួយបុរស (MSM)។
3)  សូមអបអរសាទរ​ក្រសួងអប់រំ យុវជន និងកីឡា អំពីការរៀបចំ​កម្មវិធីសិក្សា​អំពីជំងឺ​អេដស៍ និងសូមលើក​ទឹកចិត្ត​ឱ្យក្រសួង​ធ្វើបច្ចុប្បន្នភាព​អំពីមេរោគ​អេដស៍ និងជំងឺអេដស៍​រហូតដល់​ឆ្នាំ២០២១-២០២២ និងបញ្ចូល​ការយល់ដឹង​អំពីវិធីបង្ការ​នៃការចម្លង​មេរោគអេដស៍។
4)  បន្តការងារផ្សព្វផ្សាយ ទប់ស្កាត់ការ​រីករាលដាល នៃមេរោគ​អេដស៍ ជាមួយ​ក្រសួង ស្ថាប័ន​ពាក់ព័ន្ធ ជាពិសេស ក្រសួង​ទេសចរណ៍។
5)  ណែនាំដល់រាជធានី ខេត្ត ទាំង១៥ ឱ្យរៀបចំផែនការ​ប្រើប្រាស់​ថវិកា៨០​លានរៀល និង៦០​លានរៀល ដែលក្រសួង​សេដ្ឋកិច្ច និងហិរញ្ញវត្ថុ បានផ្តល់ និងគ្រោង​ផ្តល់ជូន។
6)  ណែនាំដល់មជ្ឈ​មណ្ឌលជាតិ​ប្រយុទ្ធនឹង​ជំងឺអេដស៍ សើស្បែក និងកាមរោគ (NCHADS) និងរាជធានី ខេត្ត ឱ្យផ្តល់ព័ត៌មាន​លំអិត​អំពីទិន្នន័យ​មេរោគ​អេដស៍ និងជំងឺ​អេដស៍៕