កិច្ចប្រជុំក្រុមការងាររួមរាជរដ្ឋាភិបាល និងដៃគូអភិវឌ្ឍស្តីពីមេរោគអេដស៍/ជំងឺអេដស៍ ក្នុងប្រទេសកម្ពុជា, ក្រោមអធិបតីភាពដ៏ខ្ពង់ខ្ពស់របស់ ឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍
នៅព្រឹកថ្ងៃចន្ទ ៨រោច ខែមាឃ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៣ ខែកុម្ភៈ ឆ្នាំ២០២៣ ចាប់ពីម៉ោង៨:៣០នាទីព្រឹក អាជ្ញាធរជាតិប្រយុទ្ធនឹងជំងឺអេដស៍ បានរៀបចំ កិច្ចប្រជុំក្រុមការងាររួមរាជរដ្ឋាភិបាល និងដៃគូអភិវឌ្ឍស្តីពី មេរោគអេដស៍/ជំងឺអេដស៍ ក្នុងប្រទេសកម្ពុជា ក្រោមអធិបតីភាពដ៏ខ្ពង់ខ្ពស់របស់ឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍។
កិច្ចប្រជុំមានការអញ្ជើញចូលរួមពីថ្នាក់ដឹកនាំ ជាអនុប្រធានអាជ្ញាធរជាតិប្រយុទ្ធនឹងជំងឺអេដស៍, រដ្ឋលេខាធិការ ក្រសួងសុខាភិបាល, តំណាងមកពីក្រសួងសេដ្ឋកិច្ច ហិរញ្ញវត្ថុ, ក្រសួងផែនការ, CDC, ក្រសួងសង្គមកិច្ច, តំណាងមូលនិធិសកល, NCHADS, UNAIDS, KHANNA, HACC, នាយកខុទ្ទកាល័យ, អគ្គលេខាធិការរង, និងប្រធាននាយកដ្ឋាន។
អង្គប្រជុំមានកម្មវត្ថុពិនិត្យលើរបៀបវារៈ :
១. ចំណាប់អារម្មណ៍ លោកស្រី Patricia Ongpin, UNAIDS Country Director,
២.មតិបើកកិច្ចប្រជុំដោយ ឯកឧត្តមទេសរដ្ឋមន្ត្រី ប្រធានអាជ្ញាធរជាតិប្រយុទ្ធនឹងជំងឺអេដស៍។
៣. ផែនទីបង្ហាញផ្លូវដោយ ឯកឧត្តម ទា ផលា អនុប្រធានអាជ្ញាធរជាតិប្រយុទ្ធនឹងជំងឺអេដស៍ ។
៤. ដំណើរការអភិវឌ្ឍគោលនយោបាយលុបបំបាត់អេដស៍ ឆ្នាំ២០២៥, កំណត់កាលបរិច្ឆេទ និងចងក្រងឯកសារ ដោយឯកឧត្តម ទា ផលា អនុប្រធានអាជ្ញាធរជាតិប្រយុទ្ធនឹងជំងឺអេដស៍ ។
៥. ការរៀបចំដំណើរគម្រោងប្រយុទ្ធនឹងជំងឺអេដស៍ ទៅមូលនិធិសកល ដោយឯកឧត្តម ទា ផលា អនុប្រធានអាជ្ញាធរជាតិប្រយុទ្ធនឹងជំងឺអេដស៍
៦. បិទកិច្ចប្រជុំដោយ ឯកឧត្តមទេសរដ្ឋមន្ត្រី ប្រធានអាជ្ញាធរជាតិប្រយុទ្ធនឹងជំងឺអេដស៍ ។
info@naaa.gov.kh
+855 (0)23 885 129
+855 (0)23 885 279
ភាសាខ្មែរ
English
