National AIDS Authority

ព្រះរាជាណាចក្រកម្ពុជា
Kingdom of Cambodia

ជាតិ សាសនា ព្រះមហាក្សត្រ
Nation Religion King

ថ្វាយកម្រងផ្កាគោរពព្រះវិញ្ញានក្ខន្ធព្រះករុណាព្រះបរមរតនកោដ្ឋឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំលើកទី៥៦នៃក្រុមប្រឹក្សាសម្របសម្រួលកម្មវិធីយូអិនអេដស៍(UNAIDS)

កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី២ ឆ្នាំ២០២៥

ទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២៥

សន្និបាតអាជ្ញាធរជាតិប្រយុទ្ធនឹងជំងឺអេដស៍ឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំ យូអិនអេដស៍ (UNAIDS PCB) លើកទី៥៦

Contact us now:

info@naaa.gov.kh

+855 (0)23 885 129

+855 (0)23 885 279

ភាសាខ្មែរ

English

ចំនួនអ្នកទស្សនាគេហទំព័រ:

ឯកឧត្តមទេសរដ្ឋមន្ដ្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ បានទទួលជួបសម្ដែងការគួរសមពីលោក Yukihisa Fujita អតីតអនុរដ្ឋមន្ត្រីហិរញ្ញវត្ថុ និងអតីតសមាជិកសភាជប៉ុន

នៅរសៀលថ្ងៃព្រហស្បតិ៍ ១០រោច ខែផល្គុន ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៦ ខែមីនា ឆ្នាំ២០២៣ នៅអាជ្ញាធរជាតិប្រយុទ្ធនឹងជំងឺអេដស៍ ឯកឧត្តមទេសរដ្ឋមន្ដ្រី អៀង មូលី បានទទួលជួបសម្ដែងការគួរសមពីលោក Yukihisa Fujita អតីតអនុរដ្ឋមន្ត្រីហិរញ្ញវត្ថុ និងអតីតសមាជិកសភាជប៉ុន។ ជំនួបនេះធ្វើឡើងនៅពេលលោក Yukihisa Fujita មកបំពេញកិច្ចការងារនៅកម្ពុជា។

បន្ទាប់ពីមានមតិស្វាគមន៍ទៅវិញទៅមក និងរំឭកអំពីអនុស្សាវរីយ៍ដែលធ្លាប់ទំនាក់ទំនងការងារក្នុងអតីតកាលមក លោក Yukihisa បានជម្រាបសួរឯកឧត្តមទេសរដ្ឋមន្រ្តីអំពីតួនាទីភារកិច្ចដែលកំពុងបំពេញនៅអាជ្ញាធរជាតិប្រយុទ្ធនឹងជំងឺអេដស៍។ ជាការឆ្លើយតប ឯកឧត្តមទេសរដ្ឋមន្ត្រីបានជម្រាបជូនភ្ញៀវជប៉ុនថា អាជ្ញាធរជាតិប្រយុទ្ធនឹងជំងឺ អេដស៍ជាស្ថាប័នដែលដឹកនាំការងារឆ្លើយតបនឹងមេរោគអេដស៍ និងជំងឺអេដស៍នៅកម្ពុជា។ ក្នុងនោះ យើងធ្វើការជាមួយក្រសួងស្ថាប័នរាជធានីខេត្ត និងកៀរគរថវិកាឆ្លើយតបនឹងជំងឺអេដស៍។ ឯកឧត្តមទេសរដ្ឋមន្ត្រីបានបន្តថា កម្ពុជាជាប្រទេសដែលបានទទួលជោគជ័យជាងគេមួយក្នុងការប្រយុទ្ធប្រឆាំងនឹងជំងឺអេដស៍។ លោក Yukihisa បានថ្លែងកោតសរសើរឯកឧត្តមទេសរដ្ឋមន្រ្តីថា បានបំពេញនូវការងារមនុស្សធម៌តាំងពីការកម្ចាត់មីន រហូតដល់ប្រយុទ្ធនឹងមេរោគអេដស៍ និងជំងឺអេដស៍នៅពេលបច្ចុប្បន្ន។

មុននឹងបញ្ចប់ លោក Yukihisa បានជម្រាបសួរឯកឧត្តមទេសរដ្ឋមន្ត្រីអំពីស្ថានភាពនយោបាយបច្ចុប្បន្នមុនពេលឈានទៅការបោះឆ្នោតជ្រើសតាំងតំណាងរាស្រ្ត។ ឯកឧត្តមទេសរដ្ឋមន្ត្រីបានមានប្រសាសន៍ថា កម្ពុជាបានត្រៀមរួចជាស្រេចដើម្បីបោះឆ្នោតនាខែកក្កដាខាងមុខនេះ។ គណបក្សប្រជាជនកម្ពុជាជាបក្សកាន់អំណាចដែលមានសម្តេចតេជោជាប្រមុខបានចាត់ឱ្យថ្នាក់ដឹកនាំចុះទៅជួយមូលដ្ឋាន ដើម្បីដោះស្រាយបញ្ហានានាជូនប្រជាពលរដ្ឋរៀងរាល់សប្តាហ៍។ ជាក់ស្តែង ឯកឧត្តមទេសរដ្ឋមន្ត្រីទទួលបន្ទុកស្រុកបរសេដ្ឋនៃខេត្តកំពង់ស្ពឺ។ បើមានបញ្ហាកើតឡើងនៅមូលដ្ឋានយើងធ្វើការដោះស្រាយ និងកែលម្អ។ ឯកឧត្តមទេសរដ្ឋមន្ត្រីបានបន្តថា សព្វថ្ងៃមានគណបក្សប្រមាណ ២០ចូលរួមក្នុងការបោះឆ្នោត។ វិធីដែលល្អបំផុតរបស់គណបក្សប្រឆាំងគឺចូលរួមក្នុងការបោះឆ្នោត ជាជាងបង្កើតឱ្យមានចលនាបដិវត្តន៍ផ្តួលរំលំរបប។

នៅទីបញ្ចប់ លោក Yukihisa បានមើលឃើញ និងថ្លែងការកោតសរសើរចំពោះនិស្សិត បញ្ញវន្តខ្មែរដែលទទួលបានចំណេះដឹងបទពិសោធន៍ពីបរទេសហើយត្រលប់មកធ្វើការជួយស្រុកវិញ។ ជាមួយគ្នានេះ ឯកឧត្តមទេសរដ្ឋមន្ត្រីបានជម្រាបជូនភ្ញៀវជប៉ុនថា កូនប្រុសច្បងរបស់ឯកឧត្តមដែលបានបញ្ចប់ការសិក្សាថ្នាក់បរិញ្ញាបត្រជាន់ខ្ពស់នៅសហរដ្ឋអាម៉េរិក ក៏បានត្រលប់មកធ្វើការនៅកម្ពុជាវិញផងដែរ។

សកម្មភាពរបស់ អ.ជ.ប.ជ.អ នៅលើប្រព័ន្ធផ្សព្វផ្សាយ

សារអេឡិចត្រូនិច