National AIDS Authority

ព្រះរាជាណាចក្រកម្ពុជា
Kingdom of Cambodia

ជាតិ សាសនា ព្រះមហាក្សត្រ
Nation Religion King

ថ្វាយកម្រងផ្កាគោរពព្រះវិញ្ញានក្ខន្ធព្រះករុណាព្រះបរមរតនកោដ្ឋឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំលើកទី៥៦នៃក្រុមប្រឹក្សាសម្របសម្រួលកម្មវិធីយូអិនអេដស៍(UNAIDS)

កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី២ ឆ្នាំ២០២៥

ទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២៥

សន្និបាតអាជ្ញាធរជាតិប្រយុទ្ធនឹងជំងឺអេដស៍ឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំ យូអិនអេដស៍ (UNAIDS PCB) លើកទី៥៦

Contact us now:

info@naaa.gov.kh

+855 (0)23 885 129

+855 (0)23 885 279

ភាសាខ្មែរ

English

ចំនួនអ្នកទស្សនាគេហទំព័រ:

គណប្រតិភូអាជ្ញាធរអេដស៍ចុះពិនិត្យស្ថានភាពឆើ្លយតបមេរោគអេដស៍នៅខេត្តតាកែវ

ឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជម្ងឺអេដស៍កាលពីព្រឹកថ្ងៃសុក្រទី ១៩ ខែ កញ្ញា ឆ្នាំ ២០១៤ បានអញ្ជើញដឹកនាំគណប្រតិភូអាជ្ញាធរចុះពិនិត្យស្ថានភាពការឆ្លើយតបមេរោគអេដស៍នៅថ្នាក់ក្រោមជាតិនៅអង្គការដៃគូផ្តល់ភាពមេត្តាដែលមានទីតាំងវត្តអូរព័ទ្ធភូមិស្រមោចហែឃុំចំបក់ស្រុកបាទីខេត្តតាកែវ។

សមាជិកគណប្រតិភូរួមមានឯកឧត្តមវេជ្ជបណ្ឌិត ទា ផលា អនុប្រធាន, ឯកឧត្តមវេជ្ជបណ្ឌិត គង់ រដ្ឋា អនុប្រធាននិងជានាយកខុទ្ទកាល័យ, ឯកឧត្តម ឡឹម ពេជ្ញពិសី ទីប្រឹក្សា, លោកវេជ្ជបណ្ឌិត រស់ សីលវ៉ាត់ អគ្គលេខាធិការរងរួមទាំងមន្រ្តីខុទ្ទកាល័យនៃអាជ្ញាធរជាតិប្រយុទ្ធនឹងជម្ងឺអេដស៍មួយចំនួនទៀត។

បន្ទាប់ពីបានស្តាប់មតិស្វាគមន៍របស់លោកស្រី ឃ្លាំង វណ្ណថា អភិបាលរងស្រុកបាទីនិងរបាយការណ៍របស់លោកវេជ្ជបណ្ឌិត ជុំ សុវណ្ណវុទ្ធី ប្រធានកម្មវិធីអេដស៍ខេត្តតាកែវស្តីអំពីស្ថានភាពជម្ងឺអេដស៍និងលោកវេជ្ជបណ្ឌិត តុង សេងគ្រី អ្នកសម្របសម្រួលកម្មវិធីអេដស៍ស្រុកប្រតិបត្តិបាទីព្រមទាំងរបាយការណ៍របស់ លោកវេជ្ជបណ្ឌិត សាន វ៉ាន់ឌីន នាយកប្រតិបត្តិនិងជាសហស្ថាបនិកនៃអង្គការដៃគូផ្តល់ភាពមេត្តាស្តីអំពីសកម្មភាពនិងបញ្ហាប្រឈមក្នុងការបំពេញការងារថ្នាក់មូលដ្ឋានរួចមកឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជម្ងឺអេដស៍បានផ្តល់អនុសាសន៍ថាលេខាធិការដ្ឋានកម្មវិធីអេដស៍ខេត្តត្រូវយកចិត្តទុកដាក់ធ្វើសេចក្តីរាយការណ៍អំពីតួលេខនៃការឆ្លងជម្ងឺអេដស៍ថ្មីៗជាជាងរាយការណ៍អំពីតួលេខទូទៅ។

ឯកឧត្តមប្រធានក៏បានមានប្រសាសន៍បន្ថែមថាអាជ្ញាធរឃុំស្រុកនិងខេត្តគប្បីមានការឆ្នៃប្រឌិតថ្មីក្នុងការរៀបចំផែនការអភិវឌ្ឍន៍មូលដ្ឋានដោយដាក់បញ្ជូលនូវផែនការនៃការចំណាយសម្រាប់ជម្ងឺអេដស៍របេងនិងគ្រុនចាញ់សម្រាប់មូលដ្ឋានរបស់ខ្លួនរៀងៗខ្លួន។

ឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជម្ងឺអេដស៍ក៏បានផ្តល់អនុសាសន៍ផងដែរថាលេខាធិការដ្ឋានខេត្តគប្បីជួយដល់អាជ្ញាធរឃុំស្រុកក្នុងការដាក់ធ្វើផែនការនៃជម្ងឺអេដស៍របេងនិងគ្រុនចាញ់ទៅក្នុងផែនការប្រចាំឆ្នាំ។

បន្ថែមពីលើនេះឯកឧត្តមទេសរដ្ឋមន្ត្រីប្រធានអាជ្ញាធរជាតិប្រយុទ្ធនិងជម្ងឺអេដស៍បានក្រើនរំលឹកដល់អាជ្ញាធរមូលដ្ឋាននិងប្រតិបត្តិករផ្តល់សេវាលើវិស័យអេដស៍ទាំងអស់សូមអោយចូលរួមផ្សព្វផ្សាយអោយបាន១០០% ចំពោះការប្រើប្រាស់ស្រោមអនាម័យដោយហេតុថាការប្រើប្រាស់ស្រោមអនាម័យគឺជាមធ្យោបាយសុវត្ថិភាពបំផុតដើម្បីបញ្ចៀសនូវការឆ្លងមេរោគអេដស៍។ឆ្លៀងក្នុងកាសនោះឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជម្ងឺអេដស៍និងប្រតិភូអមដំណើរក៏បានអញ្ជើញចុះសួរសុខទុក្ខអ្នកផ្ទុកមេរោគអេដស៍នៅតាមផ្ទះក្នុងភូមិទឹកអំបិលឃុំរវាងស្រុកសំរោងខេត្តតាកែវផងដែរ៕