ឯ.ឧ. ទេសរដ្ឋមន្រ្តី អៀង មូលី អញ្ជើញជាអធិបតីក្នុងកិច្ចប្រជុំពិសេស គណៈកម្មាធិការប្រតិបត្តិនៃគណៈកម្មាធិការសំរបសំរួលមូលនិធិសកល ប្រចាំកម្ពុជា
រសៀលថ្ងៃទី ២០ ខែមេសា ឆ្នាំ ២០១៥ នៅទីស្នាក់ការកណ្តាលអាជ្ញាធរជាតិប្រយុទ្ធនឹងជំងឺអេដស៍ ឯ.ឧ.ទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ និងជាប្រធានគណៈកម្មាធិការសំរបសំរួលមូលនិធិសកលប្រចាំកម្ពុជា (CCC) បានអញ្ជើញជាអធិបតីនៅក្នុងកិច្ច ប្រជុំពិសេសគណៈកម្មាធិការប្រតិបត្តិនៃគណៈកម្មាធិការសំរបសំរួលមូលនិធិសកលប្រចាំកម្ពុជា។
សមាសភាពដែលចូលរួមក្នុងកិច្ចប្រជុំនេះរួមមាន៖
- លោកវេជ្ជបណ្ឌិត Dong-Il Ahn អ្នកតំណាងអង្គការសុខភាពពិភពលោកប្រចាំកម្ពុជា និងជាអនុប្រធាន CCC
- លោក DanielP. Dimick អនុប្រធានCCC
- លោកស្រី Inga Oleksy មន្រ្តីសម្រួលទំនាក់ទំនងមូលនិធិសកលរបស់ USAID និងជាសហប្រធានគណៈកម្មាធិការត្រួតពិនិត្យ
- លោកស្រី Marie-Odile Emond ប្រធានអង្គការ UNAIDS ប្រចាំកម្ពុជា
- លោក វេជ្ជបណ្ឌិត ជីវ ប៊ុនធី លេខាធិការ CCC
- លោកស្រី Nicole Delaney, Senior FPM, មូលនិធិសាកល
- លោក Jan de Jong មកពី PWC/LFA
កិច្ចប្រជុំបានដំណើរការតាមរបៀបវារៈខាងក្រោម៖
- បច្ចុប្បន្នភាពនិង សេចក្តីសំរេចដោយកិច្ចប្រជុំគណៈកម្មការសំរបសំរួលមូលនិធិ សកលប្រចាំកម្ពុជាកាលពីថ្ងៃទី០៨ខែមេសាឆ្នាំ២០១៥៖
- អំពីអ្នកទទួលជំនួយសំរាប់សំណើគំរោងកម្មវិធីប្រយុទ្ធនឹងជំងឺអេដស៍
- ដំណើការជ្រើសរើសអ្នកទទួលជំនួយ សំរាប់គំរោងកម្មវិធីពង្រឹងប្រព័ន្ធ សុខាភិបាល
- ការជ្រើសរើសអ្នកទទួលជំនួយសំរាប់សំណើគំរោងកម្មវិធីអេដស៍
- ដំណោះស្រាយស្តីពីការិយាល័យទទួលជំនួយបន្ត ផ្នែកគំរោងកម្មវិធី ប្រយុទ្ធនឹងជំងឺគ្រុនចាញ់
- កាលវេលាចំពោះគំរោងជំនួយមូលនិធិសកលសេសសល់ ដែលនឹងត្រូវបានចុះហត្ថលេខា
- ប្រាក់លើកទឹកចិត្តជូនដល់មន្រ្តីរដ្ឋាភិបាល ដែលចូលរួមអនុវត្តគំរោងកម្មវិធី មូលនិធិសកល
- បញ្ហាផ្សេងៗ
បន្ទាប់ពីបានបញ្ចប់ការពិភាក្សាផ្លាស់ប្តូរយោបល់អនុម័តតាមលំដាប់របៀបវារៈរួចមក ឯ.ឧ. ទេសរដ្ឋមន្ត្រីប្រធានអង្គប្រជុំបានថ្លែងអំណរគុណចំពោះអ្នកចូលរួមទាំងអស់ ដែលបាន ចូលរួមចំណែកយ៉ាងសកម្មក្នុងការបន្តការប្រយុទ្ធប្រឆាំងជាមួយជំងឺអេដស៍ របេង គ្រុន- ចាញ់ និងជួយពង្រឹងប្រព័ន្ធសុខាភិបាលបន្តទៀត។ កិច្ចប្រជុំបានបញ្ចប់នាវេលាម៉ោង ៥:៣០នាទី រសៀល។
info@naaa.gov.kh
+855 (0)23 885 129
+855 (0)23 885 279
ភាសាខ្មែរ
English
