ឯកឧត្តមទេសរដ្ឋមន្រ្តី អៀង មូលី អញ្ជើញជាអធិបតីក្នុងកិច្ចប្រជុំពិសេសគណៈកម្មាធិការប្រតិបត្តិនៃគណៈកម្មាធិការសំរបសំរួលមូលនិធិសកលប្រចាំកម្ពុជា
រសៀលថ្ងៃទី១១ ខែមិថុនា ឆ្នាំ២០១៥ នៅទីស្នាក់ការកណ្តាលអាជ្ញាធរជាតិប្រយុទ្ធនឹងជំងឺអេដស៍ ឯ.ឧ.ទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹង ជំងឺអេដស៍ និងជាប្រធានគណៈកម្មាធិការសំរបសំរួលមូលនិធិសកលប្រចាំកម្ពុជា(CCC) បានអញ្ជើញជាអធិបតីនៅក្នុងកិច្ច ប្រជុំពិសេសគណៈកម្មាធិការប្រតិបត្តិនៃគណៈកម្មាធិការសំរបសំរួលមូលនិធិសកលប្រចាំកម្ពុជា ។
សមាសភាពដែលចូលរួមក្នុងកិច្ចប្រជុំនេះរួមមាន៖
- លោកវេជ្ជបណ្ឌិត Dong-Il Ahn អ្នកតំណាងអង្គការសុខភាពពិភពលោកប្រចាំកម្ពុជានិងជាអនុប្រធានCCC
- លោកស្រីInga Oleksy មន្រ្តីសម្របសម្រួលទំនាក់ទំនងមូលនិធិសកលរបស់ USAID និងជាសហប្រធានគណៈកម្មាធិការត្រួតពិនិត្យ
- លោកស្រី Marie-Odile Emond ប្រធានអង្គការ UNAIDS ប្រចាំកម្ពុជា
- លោកស្រី Amelie Joubert មន្រ្តីអង្គការសុខភាពពិភពលោកប្រចាំកម្ពុជា
- លោកវេជ្ជបណ្ឌិតជីវប៊ុនធីលេខាធិការ CCC
កិច្ចប្រជុំបានដំណើរការតាមរបៀបវារៈខាងក្រោម៖
- សំណើគំរោងកម្មវិធីប្រយុទ្ធជំងឺគ្រុនចាញ់ (ICC)
- ត្រួតពិនិត្យការបំពេញការងារនិងការបន្តកិច្ចសន្យាការងារនៃមន្រ្តីលេខាធិការដ្ឋានគណៈ កម្មាធិការសំរបសំរួលមូលនិធិសកលប្រចាំកម្ពុជា
- វឌ្ឍនភាពនៃការរៀបចំការឆ្លើយតបទៅនឹងសំនួរ/អនុសាសន៍ ក្រុមត្រួតពិនិត្យ បច្ចេកទេសមូលនិធិសកល ពាក់ព័ន្ធនឹងគំរោងកម្មវិធីប្រយុទ្ធនឹងជំងឺអេដស៍ និងគំរោងកម្មវិធីពង្រឹងប្រព័ន្ធសុខាភិបាល
- វឌ្ឍនភាពនៃសំណើអ្នកជំនួយបច្ចេកទេស ៥% (ប្រាក់លើកទឹកចិត្ត)
- ការចាត់តាំងមន្រ្តីទំនាក់ទំនងក្នុងពេលអវត្តមានលោកស្រី Inga Oleksy
- ឯកសារណែនាំអំពីអភិបាលកិច្ចនៃគណៈកម្មាធិការសំរបសំរួលមូលនិធិសកលប្រចាំកម្ពុជា
- ការអនុម័តលើបច្ចុប្បន្នកម្ម នៃប្រតិទិននៃកិច្ចប្រជុំគណៈកម្មាធិការសំរបសំរួលមូលនិធិសកលប្រចាំកម្ពុជា និងគណៈកម្មាធិការអភិបាល នៃគណៈកម្មាធិការសំរបសំរួលមូលនិធិសកលប្រចាំកម្ពុជា
- ពិនិត្យ និងតាមដាន ការឆ្លើយតបទៅនឹងអនុសាសន៍ ឬបញ្ហានានាលើកឡើង ដោយរបាយការណ៍នៃការបំពេញបេសកកម្មរបស់លោកស្រី Nicole Delaney
- បេសកកម្មក្រុមមូលនិធិសកលពីថ្ងៃទី២២ ដល់ថ្ងៃទី ២៦ ខែមិថុនា ឆ្នាំ២០១៥
- អនុម័តផែនការការងាររបស់អ្នកជំនួយបច្ចេកទេស AIDSPAN តាក់តែងសេចក្តី ព្រាងរបាយការណ៍ មូលនិធិសកលកម្ពុជា
- បញ្ហាផ្សេងៗ
បន្ទាប់ពីបានបញ្ចប់ការពិភាក្សាផ្លាស់ប្តូរយោបល់អនុម័តតាមលំដាប់របៀបវារៈរួចមកឯ.ឧ. ទេសរដ្ឋមន្ត្រីប្រធានអង្គប្រជុំបានថ្លែងអំណរគុណចំពោះអ្នកចូលរួមទាំងអស់ដែលបានចូលរួមចំណែកយ៉ាងសកម្មក្នុងការបន្តការប្រយុទ្ធប្រឆាំងជាមួយជំងឺអេដស៍របេងគ្រុនចាញ់និងជួយពង្រឹងប្រព័ន្ធសុខាភិបាលបន្តទៀត។ កិច្ចប្រជុំបានបញ្ចប់នាវេលាម៉ោង៥:៣០នាទីល្ងាច។
info@naaa.gov.kh
+855 (0)23 885 129
+855 (0)23 885 279
ភាសាខ្មែរ
English
