កិច្ចប្រជុំថ្នាក់ដឹកនាំរបស់អាជ្ញាធរជាតិប្រយុទ្ធនឹងជំងឺអេដស៍ នៅថ្ងៃទី២៥ ខែមិថុនា ឆ្នាំ២០១៥ វេលាម៉ោង ០៨:៣០នាទីព្រឹក នៅអាជ្ញាធរជាតិប្រយុទ្ធនឹងជំងឺអេដស៍ បានរៀបចំកិច្ចប្រជុំមួយក្រោមអធិបតីភាព ឯកឧត្តមទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ ។ សមាសភាពចូលរួមក្នុងកិច្ចប្រជុំនេះមាន ៖ ឯកឧត្តម លោកជំទាវ ជាអនុប្រធានអាជ្ញាធរជាតិប្រយុទ្ធនឹងជំងឺអេដស៍ ឯកឧត្តម ជាអគ្គលេខាធិការ អគ្គលេខាធិការរង ប្រធាននាយកដ្ឋានសរុបចំនួន ២៩នាក់។
គោលបំណងនៃកិច្ចប្រជុំនេះមាន៖
របាយការណ៍វឌ្ឍនភាពប្រចាំខែរបស់អគ្គលេខាធិការដ្ឋាន
របាយការណ៍ការអនុវត្តកម្មវិធីមូលនិធិសកល
ការត្រៀមរៀបចំកិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ ថ្ងៃទី៣០ ខែមិថុនា ឆ្នាំ២០១៥ ។
ផ្សេងៗ
ជាកិច្ចចាប់ផ្តើម ឯកឧត្តមទេសរដ្ឋមន្រ្តី និង ជាប្រធានអង្គប្រជុំ មានប្រសាសន៍ស្វាគមន៍ដល់ថ្នាក់ដឹកនាំទាំងអស់ដែលបានចូលរួម និង បានខិតខំបំពេញការងារបានល្អប្រសើរ និង ទទួលបានជោគជ័យ ។ អគ្គលេខាធិការដ្ឋានបានធ្វើរបាយការណ៍ជូនអង្គប្រជុំថ្នាក់ដឹកនាំអំពី៖
វឌ្ឍនភាព និង សកម្មភាពការងារដែលបានបំពេញនៅក្នុង ខែមិថុនា ឆ្នាំ២០១៥ របស់អគ្គលេខាធិការដ្ឋានរួមមាន៖
ការងាររបស់អគ្គលេខាធិការដ្ឋាន
ការងារនាយកដ្ឋាន
នាយកដ្ឋានរដ្ឋបាលនិងហិរញ្ញវត្ថុ(AFD)
ការងារថវិកា ហិរញ្ញវត្ថុ
ការងាររដ្ឋបាល និង បុគ្គលិក
នាយកដ្ឋាន បង្ការ ថែទាំ និង គាំទ្រ
នាយកដ្ឋានទាក់ទង និង ចលនាប្រភពធនធាន
នាយកដ្ឋានផែនការ ត្រួតពិនិត្យ វាយតម្លៃ និង ស្រាវជ្រាវ
ផែនការសកម្មភាព និង ទិសដៅសម្រាប់ខែកក្កដា ឆ្នាំ២០១៥
របាយការណ៍ការអនុវត្តកម្មវិធីមូលនិធិសកល(ដោយ ឯកឧត្តមវេជ្ជ. ទា ផលា)
សំណើផែនការថវិកាលំអិតសំរាប់រយៈពេលពីខែតុលា ២០១៥ ដល់ ខែធ្នូ ២០១៧ (SR-National AIDS Authority) ដែលមាន ៤៥សកម្មភាព សម្រាប់ នាយកដ្ឋានទាំងបួនអនុវត្ត ហើយបានចំណាយថវិកាចំនួន ២៩៦.២៨៧ ដុល្លាសហរដ្ឋអាមេរិក។
បញ្ហាធនធានមនុស្សនិងបុគ្គលិក និង និរន្តរភាពនៃការឆ្លើយតបទៅនឹងជំងឺអេដស៍ របេង គ្រុនចាញ់ និងការពង្រឹងប្រព័ន្ធសុខាភិបាល នៅក្នុងគំរោងជំនួយរបស់មូលនិធិសកល (Sustainability of Response to Malaria,TB,HIV and HSS In term of HumanResource and Staffing)
ផែនការយុទ្ធសាស្រ្តជាតិប្រយុទ្ធនឹងជំងឺអេដស៍លើកទី៤ (NSPIV) ដែលរួមមាន០៦យុទ្ធសាស្រ្ត ហើយសំរាប់រយៈពេលពីឆ្នាំ២០១៥ ដល់ ២០២០ ។
ការគាំទ្ររយៈពេលយូរសំរាប់ឃុំរការ។
ការត្រៀមរៀបចំកិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ ថ្ងៃទី៣០ ខែមិថុនា ឆ្នាំ២០១៥ (ដោយ ឯកឧត្តមវេជ្ជ. តែង គន្ធី )។
ជាទីបញ្ចប់ ឯកឧត្តមទេសរដ្ឋមន្រ្តី បានមានអនុសាសន៍ផ្តល់ការណែនាំជូនអង្គប្រជុំដូចខាងក្រោម៖
រំលឹកអំពីតួនាទីរបស់អាជ្ញាធរគឺៈ អ្នកចេញគោលនយោបាយ អ្នកសម្របសម្រួល អ្នកវាយតម្លៃ និង ត្រួតពិនិត្យ ដូច្នេះការរៀបចំចាត់ចែងថវិកា ក៏ត្រូវរំលេចតាមតួនាទីនេះ ។
ការបែងចែកភារកិច្ច ដែលបានកំណត់ពីមុននឹងត្រូវកែសម្រួលទៅតាមស្ថានភាពជាក់ស្តែង ដោយយោងទៅតាមផែនការយុទ្ធសាស្ត្រជាតិ និង គោលនយោបាយប្រាំពីរចំណុច ។
រាល់ការប្រជុំត្រូវធ្វើការប្រៀបធៀបជាមួយទិសដៅដែលបានកំណត់តាមសូចនាករ ។
តាមដានអំពីវឌ្ឍនភាពការងារដែលបានកំណត់ជាទិសដៅឆ្នាំ២០១៥ ។
ពិនិត្យភារកិច្ចរបស់អាជ្ញាធរដែលបានចែងក្នុងច្បាប់អេដស៍ ត្រង់ចំណុចស្តង់ដាការពារជំងឺអេដស៍ នៅពេលវះកាត់ ដាក់ធ្មេញ កែសម្ផស្សជាដើម ។
រំលឹកពីបេក្ខភាពកម្ពុជាក្នុងការរៀបចំ ICAAP ។
របៀបរបបរដ្ឋបាលដែលត្រូវធ្វើក្នុងការបំពេញបេសកកម្មដូចជា របាយការណ៍ និង ឯកសារឯទៀតត្រូវផ្តល់ដល់រដ្ឋបាលអោយទាន់ពេលវេលា ។
ការងារព័ត៌មានវិទ្យា អ៊ីម៉ែលរបស់អាជ្ញាធរដែលត្រូវប្រើផ្លូវការ ។
ករណីអ្នកជាប់ឃុំឃាំងនៅព្រៃស្ពឺ ។
ផ្នែកសង្គមកិច្ច ដូចជាអង្ករដល់អ្នករងគ្រោះដោយជំងឺអេដស៍។
ពង្រឹងប្រសិទ្ធភាពការងារ វិន័យផ្ទៃក្នុង ។
ជាទីបញ្ចប់ ឯកឧត្តមទេសរដ្ឋមន្រ្តី ប្រធានអង្គប្រជុំបានថ្លែងនូវអំណរគុណ និង ការកោតសរសើរ ជាថ្មីចំពោះសហការីដែលបានចូលរួមនៅក្នុងសំរបសំរួលការងារអាជ្ញាធរជាតិប្រយុទ្ធនឹងជំងឺអេដស៍នៅថ្ងៃនេះ និងជូនពរអោយមន្រ្តីថ្នាក់ដឹកនាំអាជ្ញាធរជាតិ មានសុខភាពល្អ និង សំរេចបានជោគជ័យការងារថ្មីៗបន្ថែមទៀត និងបានប្រកាសបិទអង្គប្រជុំនៅម៉ោង ១១ និង ៣០ នាទី ព្រឹកថ្ងៃដដែលដោយបរិយាកាសរីករាយ និង កក់ក្តៅក្រៃលែង។
info@naaa.gov.kh
+855 (0)23 885 129
+855 (0)23 885 279
ភាសាខ្មែរ
English
