ឯកឧត្តមទេសរដ្ឋមន្រ្តី អៀង មូលី អញ្ជើញជាអធិបតីក្នុងកិច្ចប្រជុំពិសេសគណៈកម្មាធិការប្រតិបត្តិនៃគណៈកម្មាធិការសំរបសំរួលមូលនិធិសកលប្រចាំកម្ពុជា
នារសៀលថ្ងៃទី២៦ ខែមិថុនា ឆ្នាំ២០១៥ នៅទីស្នាក់ការកណ្តាលអាជ្ញាធរជាតិប្រយុទ្ធនឹងជំងឺអេដស៍ ឯ.ឧ.ទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍និងជាប្រធានគណៈកម្មាធិការសំរបសំរួលមូលនិធិសកលប្រចាំកម្ពុជា(CCC) បានអញ្ជើញជាអធិបតីនៅក្នុងកិច្ចប្រជុំពិសេស គណៈកម្មាធិការប្រតិបត្តិនៃគណៈកម្មាធិការសំរបសំរួលមូលនិធិសកលប្រចាំកម្ពុជា។
សមាសភាពដែលចូលរួមក្នុងកិច្ចប្រជុំនេះរួមមាន៖
- លោកវេជ្ជបណ្ឌិត Dong-Il Ahn អ្នកតំណាងអង្គការសុខភាពពិភពលោកប្រចាំកម្ពុជា និង ជាអនុប្រធាន CCC
- លោកវេជ្ជបណ្ឌិត សុខ ធីម ជាសហប្រធានគណៈកម្មាធិការត្រួតពិនិត្យ
- លោកស្រី Nicole Delaney, Senior FPM, មូលនិធិសកល
- លោក Heather Viola មូលនិធិសកល
- លោក Soso Getsendra មូលនិធិសកល
- លោកស្រី Ms. Ximena Navia Henao មូលនិធិសកល
- លោកវេជ្ជបណ្ឌិត Muhammad Saleem, UNAIDS
- លោកស្រី Whitlock Carrie តំណាងស្ថានទូតសហរដ្ឋអាមេរិក
- លោក Cecil HAVERKAMP, NCHADS
- លោក Jan de Jong ភ្នាក់ងារតាមដាន ត្រួតពិនិត្យ ហិរញ្ញវត្ថុក្នុងស្រុក PWC/LFA
- លោកវេជ្ជបណ្ឌិត ជីវ ប៊ុនធី លេខាធិការ CCC
កិច្ចប្រជុំបានដំណើរការតាមរបៀបវារៈខាងក្រោម៖
- ការឆ្លើយបំភ្លឺតបទៅនឹងសំនួររបស់ក្រុមពិនិត្យបច្ចេកទេសសំណើគំរោង (TRP) សំរាប់សំណើគំរោងកម្មវិធីប្រយុទ្ធនឹងជំងឺអេដស៍ និងគំរោងកម្មវិធីពង្រឹងប្រព័ន្ធសុខាភិបាល
- សេចក្តីណែនាំរបស់មូលនិធិសកលស្តីពីការរៀបចំឯកសារយោងពាក់ព័ន្ធនឹងចំណាយសំរាប់បេសកកម្ម
- ការរៀបចំសំណើថវិកានៃគំរោងកម្មវិធីមូលនិធិសកលសំរាប់ឆ្នាំទី២ (ពីថ្ងៃទី០១ ខែ មិថុនា ឆ្នាំ២០១៥ ដល់ថ្ងៃទី៣១ ខែឧសភា ឆ្នាំ២០១៦)។
- បច្ចុប្បន្នភាព និង ការចរចាសំណើសុំហិរញ្ញប្បទានពីមូលនិធិសកល ដល់គំរោងកម្មវិធីប្រយុទ្ធនឹងជំងឺអេដស៍ ជំងឺគ្រុនចាញ់ និង គំរោងកម្មវិធីពង្រឹងប្រព័ន្ធសុខាភិបាល
- បច្ចុប្បន្នភាពទាក់ទងទៅនឹងអំពីប្រាក់លើកទឹកចិត្តមន្រ្តីរាជដ្ឋាភិបាល មន្រ្តីជាប់កិច្ចសន្យា ដែលចូលរួមអនុវត្តគំរោងកម្មវិធីផ្តល់ហិរញ្ញប្បទានដោយមូលនិធិសកល
- បញ្ហាផ្សេងៗ
បន្ទាប់ពីបានបញ្ចប់ការពិភាក្សាផ្លាស់ប្តូរយោបល់ អនុម័តតាមលំដាប់របៀបវារៈរួចមក ឯកឧត្តមទេសរដ្ឋមន្ត្រី ប្រធានអង្គប្រជុំបានថ្លែងអំណរគុណចំពោះ អ្នកចូលរួមទាំងអស់ ដែលបានចូលរួមចំណែកយ៉ាងសកម្មក្នុងការសម្របសម្រួល គ្រប់គ្រងជំនួយមូលនិធិសកល ដល់ព្រះរាជាណាចក្រកម្ពុជា ក្នុងការបន្តការប្រយុទ្ធប្រឆាំងជាមួយជំងឺអេដស៍ របេង គ្រុនចាញ់ និងជួយពង្រឹងប្រព័ន្ធសុខាភិបាលបន្តទៀត។ កិច្ចប្រជុំបានបញ្ចប់នាវេលាម៉ោង ០៥:៣០នាទីល្ងាច។
info@naaa.gov.kh
+855 (0)23 885 129
+855 (0)23 885 279
ភាសាខ្មែរ
English
