ឯ.ឧ. ទេសរដ្ឋមន្រ្តី អៀង មូលី អញ្ជើញជាអធិបតីក្នុងកិច្ចប្រជុំលើកទី៧១ នៃគណៈកម្មាធិការសម្របសម្រួលមូលនិធិសកលប្រចាំកម្ពុជា
នាវេលាម៉ោង ២រសៀល ថ្ងៃទី០៨ ខែមេសា ឆ្នាំ២០១៥ នៅទីស្នាក់ការកណ្តាលអាជ្ញាធរជាតិប្រយុទ្ធនឹងជំងឺអេដស៍ មានរៀបចំកិច្ចប្រជុំលើកទី ៧១ របស់គណៈកម្មាធិការសម្របសម្រួលមូលនិធិសកលប្រចាំកម្ពុជា (CCC) ក្រោមអធិបតីភាពរបស់ ឯ.ឧ. ទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ និង ជាប្រធានគណៈកម្មាធិការសម្របសម្រួលមូលនិធិសកលប្រចាំកម្ពុជា។
សមាសភាពចូលរួមក្នុងកិច្ចប្រជុំនេះរួមមាន៖
- សមាជិកគណៈ កម្មាធិការប្រតិបត្តិរបស់គណៈកម្មាធិការសម្របសម្រួលមូលនិធិសាកលប្រចាំប្រទេស (CCC)
- អ្នកតំណាងមកពី ក្រសួងពាក់ព័ន្ធនៃរាជរដ្ឋាភិបាលកម្ពុជា
- តំណាងអង្គការសហប្រជាជាតិមកពី WHO, UNAIDS,
- ដៃគូអភិវឌ្ឍន៍ដែលមាន តំណាងស្ថានទូតបារាំង អាល្លឺម៉ង់ និង សហរដ្ឋអាមេរិក
- សង្គមស៊ីវិលដែលមាន អង្គការក្រៅរដ្ឋាភិបាលពាក់ព័ន្ធនឹងការប្រយុទ្ធនឹងជំងឺអេដស៍ របេង គ្រុនចាញ់ គ្រឹះស្ថានឧត្តមសិក្សា និង វិស័យឯកជន។
កិច្ចប្រជុំបានផ្តោតលើរបៀបវារៈរួមមាន ៖
- ពិនិត្យ និងអនុម័តកំណត់ហេតុអង្គប្រជុំលើកទី៧០
- ប្រកាសទំនាស់ផលប្រយោជន៍ដោយសមាជិកដែលមានការពាក់ព័ន្ធជាមួយរបៀបវារៈ
- បច្ចុប្បន្នភាពអំពីសមាជិកភាពនៃគណៈកម្មាធិការសម្របសម្រួលមូលនិធិសកលប្រចាំកម្ពុជា
- ដំណើរការជ្រើសរើស និងលទ្ធផល និងការបោះឆ្នោតដោយសន្លឹកឆ្នោតសម្ងាត់ សំរាប់ការជ្រើសរើសអ្នកទទួលជំនួយបន្តសំរាប់គំរោងកម្មវិធីប្រយុទ្ធនឹងជំងឺអេដស៍
- ដំណោះស្រាយស្តីពីអ្នកទទួលជំនួយបន្តផ្នែកគំរោងកម្មវិធីប្រយុទ្ធនឹងជំងឺគ្រុនចាញ់
- ការជ្រើសរើសអ្នកទទួលជំនួយបន្ត សំរាប់គំរោងកម្មវិធីពង្រឹងប្រព័ន្ធសុខាភិបាល
- របាយការណ៍វឌ្ឍនៈភាពនៃគំរោងជំនួយចំនួនបី (របេង ពង្រឹងប្រព័ន្ធសុខាភិបាល ជំងឺអេដស៍)ដោយក្រុមពិនិត្យបច្ចេកទេសអ្នកទទួលជំនួយផ្ទាល់ (Principal Recipient Technical Review Team) ការផ្តល់មូលនិធិ និងបច្ចុប្បន្នភាពឯកសារ ផែនការរបស់គណៈកម្មការអភិបាល ផែនការការងារ និង គំរោងថវិកាសំរាប់ឆ្នាំ២០១៥ដោយគណៈកម្មការអភិបាល (oversight committee)
- សំណើសកម្មភាពសំរាប់ជំហានបន្តបន្ទាប់សំរាប់ឯកសារអភិបាលកិច្ចរបស់គណៈកម្មាធិការសម្របសម្រួលមូលនិធិសកលប្រចាំកម្ពុជា
- ការងារពាក់ព័ន្ធជាមួយក្រុមប្រជាជនគន្លឹះរងការប៉ះពាល់
- វិប្បសនារបស់គណៈកម្មាធិការសម្របសម្រួលមូលនិធិសកលប្រចាំកម្ពុជានាខែឧសភា ឆ្នាំ២០១៥
- បញ្ហាផ្សេងៗ
បន្ទាប់ពីបានបញ្ចប់ការពិភាក្សាផ្លាស់ប្តូរយោបល់អនុម័ត និង បោះឆ្នោតជ្រើសរើសអ្នកទទួលជំនួយបន្តតាមលំដាប់របៀបវរៈរួចមក ឯ.ឧ. ទេសរដ្ឋមន្រ្តីប្រធានអង្គប្រជុំបានថ្លែងអំណរគុណចំពោះអ្នកចូលរួមទាំងអស់មកពីក្រសួងពាក់ព័ន្ធនៃរាជរដ្ឋាភិបាលកម្ពុជា តំណាងអង្គការសហប្រជាជាតិដៃគូអភិវឌ្ឍន៍សង្គមស៊ីវិល និង អ្នកតំណាងប្រជាជនដែលរងផលប៉ះពាល់ ដែលបានរួមចំណែកយ៉ាងសំខាន់និងយ៉ាងសកម្មក្នុងការបន្តរការប្រយុទ្ធប្រឆាំងជាមួយជំងឺ អេដស៍ របេង គ្រុនចាញ់ និងជួយពង្រឹងប្រព័ន្ធសុខាភិបាលបន្តទៀតអោយកាន់តែជោគជ័យ និងមានប្រសិទ្ធផលកាន់តែខ្ពស់។
info@naaa.gov.kh
+855 (0)23 885 129
+855 (0)23 885 279
ភាសាខ្មែរ
English
