ឯ.ឧ. ទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេសដ៏ជួបពិភាក្សា ការងារជាមួយគណៈប្រតិភូបញ្ឈប់ជំងឺរបេង (Stop TB)
កាលពីថ្ងៃទី ២៦ ខែ សីហា ចាប់ពីម៉ោង ៣ រសៀលនៅទីស្នាក់ការអាជ្ញាធរជាតិប្រយុទ្ធនឹងជំងឺអេដស៏ ឯកឧត្តមទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៏ និងជាប្រធានគណៈកម្មាធិការសម្របសម្រួល មូលនិធិសកល បានទទួលជួបពិភាក្សាការងារជាមួយ លោកវេជ្ជបណ្ឌិត Suvanand Sahu នាយកប្រតិបត្តិរងនៃអង្គការបញ្ឈប់ជំងឺរបេងដែលមានទីស្នាក់ការនៅទីក្រុងហ្សឺណែវប្រទេសស្វីស ដោយអមដំណើរដោយ លោកវេជ្ជបណ្ឌិត Thomas Chiang ទីប្រឹក្សាបច្ចេកទេស USIAD global follow Program ទីក្រុងវ៉ាស៊ីនតោន សហរដ្ឋអាមេរិក និងលោកវេជ្ជបណ្ឌិត ណុប សុធារ៉ា USAID Cambodia.
ឯកឧត្តមទេសរដ្ឋមន្រ្តី បានជំរាបដៃគូសន្ទនាអំពីសមិទ្ធិផលនៃការប្រយុទ្ធនឹងជំងឺអេដស៏នៅកម្ពុជា ជាពិសេសអំពីជោគជ័យរបស់កម្ពុជាក្នុងការដាក់ជូនមូលនិធិសកលនូវឯកសារទស្សនៈទាន(Concept Note) (ឯកសារសុំហិរញ្ញប្បទាន) ចំនួនបួនក្នុងមួយឆ្នាំ។ ជាមួយនោះឯកឧត្តមទេសរដ្ឋមន្រ្តី ក៏បានជំរាបអំពីស្ថានការណ៏នៃហិរញ្ញប្បទានចំពោះកម្មវិធីជំងឺអេដស៏ នៅឆ្នាំខាងមុខ។លោកវេជ្ជបណ្ឌិត Sahu បានសំដែងការកោតសរសើរចំពោះរាជរដ្ឋាភិបាលកម្ពុជាដែលបានខិតខំប្រឹងប្រែងចូលរួមតាមរយៈថវិកាជាតិក្នុងការប្រយុទ្ធនឹងជំងឺអេដស៏នៅកម្ពុជា។ ជាក់ស្តែងនៅឆ្នាំ ២០១៥នេះ រាជរដ្ឋាភិបាលបានផ្តល់ថវិកាចំនួន ១លានដុល្លារ សំរាប់ទិញថ្នាំព្យាបាលអ្នកជំងឺអេដស៏។ ជាមួយនោះក្រសួងសេដ្ឋកិច្ចនិងហិរញ្ញវត្ថុក៏បានត្រៀមថវិកាចំនួន ១,២លានដុល្លារសំរាប់ឆ្នាំ ២០១៦ និង១,៥លានដុល្លារសំរាប់ឆ្នាំ ២០១៧។ លោកវេជ្ជបណ្ឌិត Sahu សម្តែងការកោតសរសើរចំពោះភាពដឹកនាំរបស់ ឯកឧត្តមទេសរដ្ឋមន្រ្តី ហើយស្នើសុំការគាំទ្រចំពោះកម្មវិធីជំងឺរបេង និងមានសំណូមពរអោយរាជរដ្ឋាភិបាលជួយដល់កម្មវិធីរបេងនេះដែរ។ ឯកឧត្តមទេសរដ្ឋមន្រ្តី បានឆ្លើយថាខាងផ្នែកជំងឺរបេងមិនស្ថិតនៅក្រោមការទទួលខុសត្រូវរបស់លោកទេតែឯកឧត្តម ត្រៀមលក្ខណៈជួយផ្តល់ការគាំទ្រនៅពេលដែលក្រសួងសុខាភិបាល ឬ អ្នកទទួលខុសត្រូវផ្នែកកម្មវិធីជំងឺរបេងដាក់ចេញនូវគំរោងផែនការណាមួយដ៏សមស្រប៕
រូបភាពនៃកិច្ចប្រជុំ
info@naaa.gov.kh
+855 (0)23 885 129
+855 (0)23 885 279
ភាសាខ្មែរ
English
