National AIDS Authority

ចំនួនអ្នកទស្សនាគេហទំព័រ:

ឯកឧត្តមទេសរដ្ឋមន្រ្តី អៀង មូលី អញ្ជើញជាអធិបតីនៅក្នុងកិច្ចប្រជុំប្រជុំពិគ្រោះពិភាក្សា លើការវាស់ស្ទង់តាមដាន លើនិរន្តរភាពនៃការឆ្លើយតបទៅនឹងមេរោគអេដស៍ និងជំងឺអេដស៍នៅកម្ពុជា

នាព្រឹកថ្ងៃទី ២០ ខែតុលា ឆ្នាំ២០១៥ នៅសណ្ឋាគារ អាំងទែកុងទីណង់តាល់ មានប្រារព្វបើកកិច្ចប្រជុំពិគ្រោះពិភាក្សា លើការវាស់ស្ទង់តាមដាន លើនិរន្តរភាពនៃការឆ្លើយតបទៅនឹងមេរោគអេដស៍ និងជំងឺអេដស៍នៅកម្ពុជា ក្រោមអធិបតីភាព ឯកឧត្តម អៀង មូលី ទេសរដ្ឋមន្រ្តីទទួលបន្ទុកបេសកម្មពិសេស និង ប្រធានអាជ្ញាធរជាតិប្រយុទ្ធនឹងជំងឺអេដស៍។ ចូលរួមជាគណៈអធិបតីក្នុងអង្គពីធី និងជាវាគ្មិនគន្លឹះ មានលោកវេជ្ជបណ្ឌិត Robert Newman នាយកទីភ្នាក់ងារប្រយុទ្ធនឹងជំងឺឆ្លងសហរដ្ឋអាមេរិក នៃស្ថានទូតសហរដ្ឋអាមេរិក លោកស្រី Marrie-OdileEdmontប្រធានអង្គការ UNAIDS ប្រចាំកម្ពុជា។ កិច្ចប្រជុំពិគ្រោះពិភាក្សានេះ បានរៀបចំឡើងក្រោមកិច្ចសហប្រតិបត្តិការរវាង អាជ្ញាធរជាតិប្រយុទ្ធនឹងជំងឺអេដស៍ មូលនិធិប្រធានាធិបតីសហរដ្ឋអាមេរិកសំរាប់គំរោងសកម្មភាពបន្ទាន់ប្រយុទ្ធនឹងជំងឺអេដស៍ ផេបហ្វាPEPFAR) និង ផ្នែកត្រួតពិនិត្យជំងឺឆ្លងរបស់ស្ថានទូតសហរដ្ឋអាមេរិក និងអង្គការយូអិនអេដស៍ (UNAIDS)។ កិច្ចប្រជុំនេះមានការអញ្ជើញចូលរួមពីសំណាក់តំណាងក្រសួងសុខាភិបាល ក្រសួងផែនការ និងក្រសួងសេដ្ឋកិច្ច និងហិរញ្ញវត្ថុ និងផ្នែកពាក់ព័ន្ធទៅនឹងការប្រយុទ្ធនិងឆ្លើយតបទៅនឹងជំងឺអេដស៍ដែលមាន តំណាងស្ថានទូតជាមិត្ត តំណាងដៃគូរអភិវឌ្ឍន៍ តំណាងអង្គសហប្រជាជាតិនានា អង្គការសង្គម ស៊ីវិលនិងអ្នកតំណាងក្រុមប្រជាពករដ្ឋដែលអ្នករងផលប៉ះពាល់ជាងគេ។ កិច្ចប្រជុំនេះមានគោលបំណង ពិគ្រោះពិភាក្សាលើការប្រើប្រាស់សន្ទស្សន៍សំរាប់វាស់វែងនិរន្តរភាព នៃការឆ្លើយតបទៅនឹងមេរោគអេដស៍ ជំងឺអេដស៍ ដែលផ្តោតជាចំបងទៅលើចំណុចសំខាន់ៗ ដែលរួមមាន៖ (១) អភិបាលកិច្ច មគ្គុទេសភាព និងគណៈនេយ្យភាព (២) ប្រព័ន្ធសុខាភិបាលជាតិ និងការផ្តល់សេវា (៣) ការវិនិយោគជាយុទ្ធសាស្រ្ត ប្រសិទ្ធភាព និងការផ្តល់ហិរញ្ញវត្ថុដោយចីរភាព (៤) ព័ត៌មានជាយុទ្ធសាស្ត្រ ព្រោះថា ការប្រយុទ្ធនឹងការឆ្លងរាលដាលនៃមេរោគអេដស៍ និងជំងឺអេដស៍ បានទទួលជោគជ័យ គួរអោយកោតសរសើរ នាពេលកន្លងមក ក៏ប៉ុន្តែ ដើម្បីកំចាត់មេរោគអេដស៍ និងជំងឺអេដស៍ជាបន្តទៀត យើង ត្រូវចំណាយពេលវែងឆ្ងាយ ការខិតខំប្រឹងប្រែង និងប្រើប្រាស់ធនធានយ៉ាងច្រើន ដែលមានស្ថេរភាព។ ឯកឧត្តមទេសរដ្ឋមន្រ្តី បានថ្លែងថា កម្ពុជាយើងត្រូវតែបុរេសកម្ម ដោយលើផែនការហិរញ្ញវត្ថុ ឱ្យកម្មវិធីជាតិមានចីរភាព ដោយត្រូវពង្រឹងប្រព័ន្ធសុខាភិបាលទាំងមូលឆ្ពោះទៅរកប្រព័ន្ធសុខាភិបាល ដែលរួមបញ្ចូលគ្នា ប្រទាក់ក្រឡាគ្នា និងសុខដុមនីយកម្មរវាងគ្នា និងគ្នា។ យើងត្រូវរៀបចំយុទ្ធសាស្រ្ត ដែលសង្កត់ធ្ងន់លើការវិនិយោគ លើកម្មវិធី គឺត្រូវចងក្រងកម្មវិធីអោយចំចំណុចនិងធ្វើអន្តរាគមន៍អោយ ចំគោលដៅ ចំពោះអ្នករងគ្រោះ និងដល់ទីកន្លែងដែលមានហនិភ័យខ្ពស់។ មុននឹងប្រកាសបើកកិច្ចប្រជុំជាផ្លូវការ ឯកឧត្តមទេសរដ្ឋមន្រ្តីក៏បានថ្លែង អំណរគុណយ៉ាងជ្រាលជ្រៅជូនដល់រដ្ឋាភិបាលសហរដ្ឋអាមេរិក មូលនិធិប្រធានាធិបតីសហរដ្ឋអាមេរិកសំរាប់គំរោងសកម្មភាពបន្ទាន់ប្រយុទ្ធនឹងជំងឺអេដស៍ ផេបហ្វាPEPFAR) និង ផ្នែកត្រួតពិនិត្យជំងឺឆ្លងរបស់ស្ថានទូតសហរដ្ឋអាមេរិក និងអង្គការយូអិនអេដស៍ (UNAIDS)ដែលបានផ្តួចផ្តើមកិច្ចប្រជុំពិគ្រោះយោបល់ដ៏សំខាន់នេះ។



ឯកឧត្តមទេសរដ្ឋមន្រ្តី អៀង មូលី អញ្ជើញជាអធិបតីនៅក្នុងកិច្ចប្រជុំប្រជុំពិគ្រោះពិភាក្សាលើការវាស់ស្ទង់តាមដាន លើនិរន្តរភាពនៃការឆ្លើយតបទៅនឹងមេរោគអេដស៍ និងជំងឺអេដស៍នៅកម្ពុជា	ឯកឧត្តមទេសរដ្ឋមន្រ្តី អៀង មូលី អញ្ជើញជាអធិបតីនៅក្នុងកិច្ចប្រជុំប្រជុំពិគ្រោះពិភាក្សាលើការវាស់ស្ទង់តាមដាន លើនិរន្តរភាពនៃការឆ្លើយតបទៅនឹងមេរោគអេដស៍ និងជំងឺអេដស៍នៅកម្ពុជា

ឯកសារសម្រាប់ទាញយក

ចំណងជើង	ទំហំ	ការទាញយកឯកសារ
ឯកឧត្តមទេសរដ្ឋមន្រ្តី អៀង មូលី ប្រធានអាជ្ញាជាតិប្រយុទ្ធនឹងជំងឺអេដស៍ និង ជាប្រធានគណៈកម្មាធិការសម្របសម្រួលនៃមូលនិធិសកលប្រចាំប្រទេសកម្ពុជា ក្នុងពិធីបើកកិច្ចពិភាក្សាស្តីពី ការវាស់និរន្តរភាពនៃការឆ្លើយតបនឹងមេរោគអេដស៍ និងជំងឺអេដស៍ ៖ ការប្រើប្រាស់សន្ទស្សន៍និរន្តរភាព និងតារាងវាយតម្លៃ	0.14 MB

សកម្មភាពរបស់ អ.ជ.ប.ជ.អ នៅលើប្រព័ន្ធផ្សព្វផ្សាយ

សារអេឡិចត្រូនិច