ឯកឧត្តម ទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ និងជាប្រធាន គណៈកម្មាធិការសំរបសំរួលមូលនិធិសកលប្រចាំកម្ពុជា អញ្ជើញជាអធិបតីភាពក្នុងកិច្ចប្រជុំអន្តរស្ថាប័ន
នាព្រឹកថ្ងៃទី១០ ខែវិច្ឆិកា ឆ្នាំ២០១៥ នៅទីស្នាក់ការអាជ្ញាធរជាតិប្រយុទ្ធនឹងជំងឺអេដស៍ ឯកឧត្តម ទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ និងជាប្រធានគណៈកម្មាធិការសំរប-សំរួលមូលនិធិសកលប្រចាំកម្ពុជាបានអញ្ជើញជាអធិបតីភាពក្នុងកិច្ចប្រជុំអន្តរស្ថាប័ន ដើម្បីបន្តសម្របសម្រួល និងស្វែងរកដំណោះស្រាយអំពីបែបបទនៃការអនុវត្តថវិកា សំរាប់ចុះបំពេញបេសកម្មទៅមូលដ្ឋាន និងល័ក្ខ-ខ័ណ្ឌកិច្ចព្រមព្រៀងនៃគំរោងជំនួយឥតសំណងរបស់មូលនិធិសកលជូនព្រះរាជាណាចក្រកម្ពុជា។ អញ្ជើញចូលរួមនៅក្នុងកិច្ចប្រជុំនេះមាន ឯកឧត្តមរដ្ឋលេខាធិការក្រសួងមុខងារសាធារណ ឯកឧត្តមអនុរដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ លោកជំទាវអគ្គនាយកបច្ចេកទេសសុខាភិបាល លោក លោកស្រីជាសមាជិកសមាជិការគណៈកម្មការប្រតិបត្តិនៃគណៈកម្មការសម្របសម្រួលមូលនិធិសកលកម្ពុជា ប្រធានមជ្ឈមណ្ឌលជាតិ ប្រធានកម្មវិធិជាតិនៃក្រសួងសុខាភិបាល ការិយាល័យទទួលជំនួយផ្ទាល់មូល-និធិសកល និងតំណាងភ្នាក់ងារត្រួតពិនិត្យការអនុវត្តហិរញ្ញវត្ថុគំរោងមូលនិធិសកល។ អង្គប្រជុំបានស្តាប់ បទបង្ហាញបច្ចុប្បន្នភាព និងលទ្ធផល នៃការសម្របសម្រួលកន្លងមក ភាពចាំបាច់ និងបញ្ហាប្រឈមនានា និងដំណោះស្រាយដែលត្រូវបានឯកភាពគ្នាជាគោលការណ៍រួចហើយ និងបន្តពិភាក្សាសម្របសម្រួលស្វែងរកដំណោះស្រាយបញ្ចប់ដើម្បីឈានទៅឯកភាពលើល័ក្ខខ័ណ្ឌកិច្ចព្រមព្រៀងគំរោងជំនួយទាំងស្រុង និងឈានទៅចាប់ផ្តើមអនុវត្តគម្រោងកម្មវិធីថ្មីអោយបានឆាប់តាមដែលអាចធ្វើទៅបាន។
"រុបភាពថតក្នុងកិច្ចប្រជុំ"
info@naaa.gov.kh
+855 (0)23 885 129
+855 (0)23 885 279
ភាសាខ្មែរ
English
