ឯកឧត្តម ទេសរដ្ឋមន្រ្តី អៀង មូលី អញ្ជើញជាអធិបតីភាព ក្នុងកិច្ចប្រជុំពេញអង្គរបស់អាជ្ញាធរជាតិប្រយុទ្ធនឹងជំងឺអេដស៍ លើកទី២ឆ្នាំ២០១៥
នាព្រឹកថ្ងៃទី១១ ខែវិច្ឆិកា ឆ្នាំ២០១៥ នៅសាលប្រជុំទីស្តីការគណៈរដ្ឋមន្រ្តី ឯកឧត្តម អៀង មូលី ទេសរដ្ឋមន្រ្តីទទួលបន្ទុកបេសកកម្មពិសេស ប្រធានអាជ្ញាធរជាតិប្រយុទ្ធនឹងជំងឺអេដស៍ និងជាប្រធានគណៈកម្មាធិការសំរបសំរួលមូលនិធិសកលប្រចាំកម្ពុជាបានអញ្ជើញ ជាអធិបតីភាពក្នុងកិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍លើកទី២ ឆ្នាំ ២០១៥។ អញ្ជើញចូលរួមនៅក្នុងកិច្ចប្រជុំពេញលើកទី២នេះមាន៖ ឯកឧត្តមលោកជំទាវលោក លោកស្រី រដ្ឋលេខាធិការអនុរដ្ឋលេខាធិការតំណាងស្ថាប័នជាសមាជិកសមាជិកានៃកិច្ចប្រជុំពេញអង្គរបស់អាជ្ញាធរជាតិប្រយុទ្ធនឹងជំងឺអេដស៍ប្រធានគណ:កម្មាធិការប្រយុទ្ធនឹងជំងឺអេដស៍រាជធានីខេត្តថ្នាក់ដឹកនាំ និងមន្រ្តីនៃអាជ្ញាធរជាតិប្រយុទ្ធនឹងជំងឺអេដស៍ប្រធានលេខាធិការដ្ឋានប្រយុទ្ធនឹងជំងឺអេដស៍រាជធានី ខេត្ត និងតំណាងស្ថាប័នអង្គការសហប្រជាជាតិ ដៃគូអភិវឌ្ឍ និងសង្គមស៊ីវិល ។ កិច្ចប្រជុំបានពិនិត្យមើល លទ្ធផលសំរេចបាននិងឧបសគ្គនៅ៦ខែចុងក្រោយ ផ្តល់ការអនុម័តជាផ្លូវការលើផែនការយុទ្ធសាស្រ្តជាតិ និង ពិនិត្យអនុម័តលើទិសដៅគោលនយោបាយសំខាន់ៗ ឆ្ពោះទៅរកចីរភាពនៃការឆ្លើយតបប្រកបដោយប្រសិទ្ធភាពទៅនឹងការរាលដាលមេរោគអេដស៍។ គួរំលឹកដែរថា ព្រះរាជាណាចក្រកម្ពុជា ប្តេជ្ញាចិត្តចូលរួមជាមួយអង្គការសហប្រជាជាតិក្នុងការសម្រេចមហិច្ឆតាដ៏ធំធេងនៃការលុបបំបាត់ការឆ្លងមេរោគអេដស៍ថ្មីនៅឆ្នាំ ២០២០ តាមរយៈការឆ្ពោះទៅសម្រេចគោលដៅគោលដៅយុទ្ធសាស្ត្រ ៩០ - ៩០ - ៩០ គឺ ៩០% នៃអ្នកផ្ទុកមេរោគអេដស៍នឹងដឹងពីស្ថានភាពផ្ទុកមេរោគអេដស៍របស់ខ្លួន ៩០% នៃមនុស្សដែលបានធ្វើរោគវិនិច្ឆ័យឃើញមានផ្ទុកមេរោគអេដស៍បានទទួលការព្យាបាលដោយថ្នាំប្រឆាំងវីរុសប្រកបដោយចីរភាព ៩០%នៃប្រជាជនទាំងអស់ដែលបានទទួលការព្យាបាល ដោយថ្នាំប្រឆាំងវីរុសនឹងគ្មានវីរុសក្នុងឈាម នៅឆ្នាំ២០២០ ហើយធានាថាគ្មាននរណាម្នាក់ត្រូវបានទុកចោលមិនទទួលការថែទាំ និងព្យាបាលឡើយ។
"រុបភាពថតក្នុងកិច្ចប្រជុំ"
ឯកសារសម្រាប់ទាញយក
info@naaa.gov.kh
+855 (0)23 885 129
+855 (0)23 885 279
ភាសាខ្មែរ
English
សេចក្តីសម្រេចចិត្ត នៃកិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍លើកទី២ឆ្នាំ២០១៥