ឯកឧត្តមទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ បានដឹកនាំគណ:ប្រតិភូកម្ពុជាជួបប្រជុំពិភាក្សាការងារជាមួយ ក្រុមការងារបច្ចេកទេសដើម្បីចីរភាពនៃផែនការសង្រ្គោះបន្ទាន់របស់ប្រធានាធិបតីសម្រាប់ជំនួយជំងឺអេដស៍ (PEPFAR: President's Emergency Plan for AIDS Relief) និង ក្រុមពហុភាគីនៃការិយាល័យអ្នកសម្របសម្រួលជំងឺអេដស៍សកលសហរដ្ឋអាម៉េរិក (OGAC: Office of the US Global AIDS Coordinator) នៅរដ្ឋធានីវ៉ាស៊ីងតោន សហរដ្ឋអាម៉េរិក។ អញ្ជើញអមដំណើរចូលរួមក្នុងកិច្ចប្រជុំនេះមាន ឯកឧត្តម ជុំ ប៊ុនរ៉ុង ឯកអគ្គរាជទូតកម្ពុជាប្រចាំសហរដ្ឋអាម៉េរិក និង ឯកឧត្តម ស៊ន ពិសិដ្ឋ ជំនួយការទេសរដ្ឋមន្រ្តី។ ចំណែកខាងសហរដ្ឋអាម៉េរិកមាន ១) Reuben Granich, Chair for Cambodia, OGAC ២) Lindsay Nyombi, Country Lead for Cambodia, OGAC ៣) Caya Lewis, Deputy Coordinator for Multi-Sectoral Responsibility and Diplomacy, OGAC ៤) Janis Timberlake, Director for Office of Sustainability and Development, OGAC ៥) John Palen, Deputy Director for Office of Sustainability and Development, OGAC ៦) Stephanie Weber Moore, Multilateral Country Engagement Senior Advisor, OGAC ៧) Jin Park, Senior Policy Analyst, Office of Global Affairs, US Dept. of Health and Human Services / Co-Chair, PEPFAR Sustainability Technical Working Group ៨) Deborah Kaliel, Senior Sustainability and Capacity Building Advisor, USAID / Co-Chair, PEPFAR Sustainability Technical Working Group ៩) Amy Eagleburger, Cambodia Desk Officer, US Department of State។ ឯកឧត្តមទេសរដ្ឋមន្រ្តីបានលើកឡើងពីកិច្ចសហការល្អ និងភាពជិតស្និទ្ធរវាងកម្ពុជា និងសហរដ្ឋអាម៉េរិកក្នុងការប្រយុទ្ធនឹងជំងឺអេដស៍នាពេលកន្លងមក។ ក្នុងដំណាក់កាលដែលកម្ពុជាកំពុងពង្រឹងភាពជាម្ចាស់ក្នុងការប្រយុទ្ធនឹងជំងឺអេដស៍ ពេលដែលថវិកាជំនួយបរទេសកំពុងធ្លាក់ចុះនោះ រាជរដ្ឋាភិបាលកម្ពុជាបានផ្តល់ថវិកាបដិភាគក្នុងការទិញឱសថប្រឆាំងនឹងមេរោគអេដស៍ចំនួន១លានដុល្លារក្នុងឆ្នាំ២០១៥ ១,២លានដុល្លារនៅឆ្នាំ២០១៦ និង១,៥លានដុល្លារនៅឆ្នាំ២០១៧។ ឯកឧត្តមទេសរដ្ឋមន្រ្តីបានលើកជាសំណើថា នៅក្នុងដំណាក់កាលអន្តរកាលដែលឈានទៅលុបបំបាត់ជំងឺអេដស៍នេះ សូមឱ្យសហរដ្ឋអាម៉េរិកធ្វើការជាមួយកម្ពុជានៅក្នុងកម្មវិធីតែមួយ ដើម្បីជៀសវាងការអនុវត្តកម្មវិធីជាន់គ្នា ដើម្បីរៀបចំក្នុងការផ្ទេរការងារប្រយុទ្ធនឹងជំងឺអេដស៍ពីអង្គការក្រៅរដ្ឋាភិបាល មកអាជ្ញាធរមូលដ្ឋានវិញ។ លោក Reuben Granich បានឯកភាពជាមួយឯកឧត្តមទេសរដ្ឋមន្រ្តីថា កម្មវិធីតែមួយពិតជាមានសារ:សំខាន់។ លោកបានស្នើឱ្យជជែកគ្នាដើម្បីរួមគ្នាធ្វើការឈានទៅលុបបំបាត់ការឆ្លងរាលដាលជំងឺអេដស៍ ដោយរៀបចំឱ្យមានការប្រជុំ១ខែ ឬ៣ខែម្តង។ Ms. Amy Eagleburger បានលើកឡើងថា គាត់មានសេចក្តីរីករាយដែលបានធ្វើការជាមួយកម្ពុជា ដែលជាប្រទេសគំរូមួយក្នុងការប្រយុទ្ធនឹងជំងឺអេដស៍។ នៅទីបញ្ចប់ឯកឧត្តមទេសរដ្ឋមន្រ្តីបានស្នើសុំឱ្យសហរដ្ឋអាម៉េរិកផ្តល់ជំនួយដល់កម្ពុជាបន្តទៅទៀត។
info@naaa.gov.kh
+855 (0)23 885 129
+855 (0)23 885 279
ភាសាខ្មែរ
English
