National AIDS Authority

ព្រះរាជាណាចក្រកម្ពុជា
Kingdom of Cambodia

ជាតិ សាសនា ព្រះមហាក្សត្រ
Nation Religion King

ថ្វាយកម្រងផ្កាគោរពព្រះវិញ្ញានក្ខន្ធព្រះករុណាព្រះបរមរតនកោដ្ឋឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំលើកទី៥៦នៃក្រុមប្រឹក្សាសម្របសម្រួលកម្មវិធីយូអិនអេដស៍(UNAIDS)

កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី២ ឆ្នាំ២០២៥

ទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២៥

សន្និបាតអាជ្ញាធរជាតិប្រយុទ្ធនឹងជំងឺអេដស៍ឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំ យូអិនអេដស៍ (UNAIDS PCB) លើកទី៥៦

Contact us now:

info@naaa.gov.kh

+855 (0)23 885 129

+855 (0)23 885 279

ភាសាខ្មែរ

English

ចំនួនអ្នកទស្សនាគេហទំព័រ:

ឯកឧត្តមទេសរដ្ឋមន្រ្តី អៀង មូលី អញ្ជើញជាអធិបតី និង ដឹកនាំកិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍

នាព្រឹកថ្ងៃទី២៣ ខែវិច្ឆិកា ឆ្នាំ២០១៦ នៅទីស្តីការគណៈរដ្ឋមន្រ្តី អាជ្ញាធរជាតិប្រយុទ្ធនឹងជំងឺ អេដស៍ បានបើកកិច្ចប្រជុំពេញរបស់ខ្លួនក្រោមអធិបតីភាពរបស់ឯកឧត្តមទេសរដ្ឋមន្រ្តី អៀង មូលី ទេសរដ្ឋមន្រ្តីទទួលបន្ទុកបេសកកម្មពិសេស និងជាប្រធានអាជ្ញាធរជាតិប្រយុទ្ធនឹងជំងឺអេដស៍។

ស្របតាមខ្លឹមសារច្បាប់ស្តីពីការបង្ការ និងការប្រយុទ្ធទប់ស្កាត់ការរីករាលដាល មេរោគអេដស៍-ជំងឺអេដស៍ កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ត្រូវបានរៀបចំឡើងជារៀងរាល់ឆមាស ដើម្បីបានស្តាប់ និង ពិនិត្យរួមគ្នាលើវឌ្ឍនភាពដែលអាជ្ញាធរជាតិប្រយុទ្ធ នឹងជំងឺអេដស៍ ក្រសួងសុខាភិបាល ក្រសួង-ស្ថាប័ន រដ្ឋបាលដែនដី និងដៃគូអភិវឌ្ឍទាំងអស់ បានសហការគ្នាលើការងារបង្ការការឆ្លងរាលដាល នៃមេរោគអេដស៍ ពិភាក្សារកដំណោះស្រាយបញ្ហាប្រឈមនានា ក្នុងរយៈកាលមួយឆមាសចុងក្រោយ និងកំណត់គោលដៅការងារប្រយុទ្ធនឹងជំងឺអេដស៍សំរាប់រយៈពេលខាងមុខ។

អញ្ជើញចូលរួមនៅក្នុងអង្គប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍លើកទី២ឆ្នាំ២០១៦នេះ មានឯកឧត្តម លោកជំទាវ លោក លោកស្រីជាតំណាងអង្គការនិតិបញ្ញាតិ ក្រសួងស្ថាប័ន រាជរដ្ឋាភិបាល រដ្ឋបាលដែនដី រាជធានី ខេត្ត ដែលជាប្រធានគណៈកម្មាធិការអេដស៍ស្ថាប័ន ក្រសួង និង រដ្ឋបាលថ្នាក់ក្រោមជាតិ ឯកឧត្តម លោកជំទាវ លោក លោកស្រី ជាប្រធានលេខាធិការដ្ឋាន គណៈកម្មាធិការអេដស៍ លោក លោកស្រី ជាតំណាងអង្គការដៃគូរអភិវឌ្ឍ តំណាងម្ចាស់ជំនួយ ហើយជាពិសេសកិច្ចប្រជុំពេញអង្គលើកនេះ មានការអញ្ជើញចូលរួមពីសំណាក់លោក Steve Kraus នាយកអង្គការសហប្រជាជាតិផ្នែកប្រយុទ្ធនឹងជំងឺអេដស៍យូអិនអេដស៍ (UNAIDS)តំបន់នៃអាស៊ីប៉ាស៊ីហ្វិក ។

ជាកិច្ចបញ្ចប់អង្គប្រជុំបានអនុម័តនូវសេចក្តីសម្រេចចិត្តដែលមានចំណុចសំខាន់ៗដូចខាងក្រោម៖

១ បន្តអនុវត្តគោលនយោបាយ៧ចំណុចរបស់រាជរដ្ឋាភិបាលដែលមានក្នុងលិខិតលេខ២០៤៨សជណចុះថ្ងៃទី១៧ ខែធ្នូ ឆ្នាំ២០១៣ ។

២ បន្តជំរុញផ្សព្វផ្សាយការប្រើប្រាស់ស្រោមអនាម័យ១០០ភាគរយដល់គ្រប់ក្រសួង-ស្ថាប័ន ពាក់ព័ន្ធ អាជ្ញាធរដែនដី វិស័យឯកជន សង្គមស៊ីវិល និងក្រុមប្រជាពលរដ្ឋដែលប្រឈមមុខនឹងការឆ្លងរាលដាល ។

៣ បង្កើនកិច្ចសហការអនុវត្តក្នុងភាពជាដៃគូរសហគមន៍ ដើម្បីបង្កើនការប្រើប្រាស់សេវាក្នុង ចំណោមក្រុមប្រជាពលរដ្ឋប្រឈមនឹងការឆ្លងមេរោគអេដស៍ ។

៤ ស្នើសុំការសហការ ចងក្រង និង អនុវត្តគោលការណ៍ប្រុងប្រយ័ត្នជាសាកលក្នុងការបង្ការការចម្លងមេរោគអេដស៍ពាក់ព័ន្ធជាមួយការងារផ្តល់-ទទួល សេវាដែលងាយឆ្លងមេរោគអេដស៍។

៥ បន្តពង្រឹង និង ជំរុញការអប់រំ ផ្សព្វផ្សាយ ព័ត៌មាន និងចំណេះដឹង និង ស្តីពីការបង្ការ ទប់ស្កាត់ ការចម្លងរាលដាលមេរោគអេដស៍ ដល់សាធារណៈជន ជាពិសេស ក្រុមយុវវ័យ។

៦ បង្កើនការសហការ ការចូលរួម ភាពជាដៃគូ និង ការសម្របសម្រួលអនុវត្តអោយមានប្រសិទ្ធភាពគោលការណ៍ ឆាប់ធ្វើតេស្តឈាម និង ឆាប់ព្យាបាលដើម្បីឆ្ពោះទៅបញ្ចប់អេដស៍។

សកម្មភាពរបស់ អ.ជ.ប.ជ.អ នៅលើប្រព័ន្ធផ្សព្វផ្សាយ

សារអេឡិចត្រូនិច