National AIDS Authority

ព្រះរាជាណាចក្រកម្ពុជា
Kingdom of Cambodia

ជាតិ សាសនា ព្រះមហាក្សត្រ
Nation Religion King

ថ្វាយកម្រងផ្កាគោរពព្រះវិញ្ញានក្ខន្ធព្រះករុណាព្រះបរមរតនកោដ្ឋឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំលើកទី៥៦នៃក្រុមប្រឹក្សាសម្របសម្រួលកម្មវិធីយូអិនអេដស៍(UNAIDS)

កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី២ ឆ្នាំ២០២៥

ទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២៥

សន្និបាតអាជ្ញាធរជាតិប្រយុទ្ធនឹងជំងឺអេដស៍ឆ្នាំ២០២៥

ឯកឧត្តម អៀង មូលី អញ្ជើញជួបពិភាក្សាការងារជាមួយលោកជំទាវ Winnie Byanyima

កិច្ចប្រជុំ យូអិនអេដស៍ (UNAIDS PCB) លើកទី៥៦

Contact us now:

info@naaa.gov.kh

+855 (0)23 885 129

+855 (0)23 885 279

ភាសាខ្មែរ

English

ចំនួនអ្នកទស្សនាគេហទំព័រ:

លោកជំទាវឧបនាយករដ្ឋមន្ត្រី ម៉ែន សំអន អញ្ជើញជាអធិបតីក្នុងទិវាពិភពលោកប្រយុទ្ធនឹងជំងឺអេដស៍

នៅព្រឹកថ្ងៃទី១ ខែធ្នូ ឆ្នាំ២០១៦នេះ នៅសាលសន្និសីទចតុមុខ លោកជំទាវ ម៉ែន សំអន ឧបនាយករដ្ឋមន្ត្រី និង ជារដ្ឋមន្ត្រីក្រសួងទំនាក់ទំនងរដ្ឋសភាព្រឹទ្ធសភា និងអធិការកិច្ច ជាតំណាងដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាណាចក្រកម្ពុជា បានអញ្ជើញជាអធិបតីក្នុងទិវាពិភពលោកប្រយុទ្ធនឹងជំងឺអេដស៍ ដែលព្រះរាជាណាចក្រកម្ពុជាតែងតែបានប្រារព្ធជាមួយពិភពលោករំលឹកដល់ការឆ្លងរាលដាលនៃជំងឺអេដស៍ និងផលប៉ះពាល់មកលើអាយុជីវិត សុខមាលភាពរបស់ប្រជាពលរដ្ឋកម្ពុជា និងមកលើសង្គមសេដ្ឋកិច្ចកម្ពុជា។

អង្គពីធីនេះត្រូវបានអញ្ជើញចូលរួមពីសំណាក់តំណាងស្ថាប័នរាជរដ្ឋាភិបាល ស្ថាប័ន និតិបញ្ញាត្តិ អង្គទូតប្រចាំព្រះរាជាណាចក្រកម្ពុជា ជាពិសេសឯកឧត្តម William Heidt ឯកអគ្គរដ្ឋទូតសហរដ្ឋអាមេរិកប្រចាំកម្ពុជា លោកស្រី Marie-Odile EMOND នាយិកាអង្គការសហប្រជាជាតិប្រយុទ្ធនឹងជំងឺអេដស៍ ដៃគូអភិវឌ្ឍ អង្គការសង្គមស៊ីវិល តំណាងប្រជាពលរដ្ឋដែលរស់នៅជាមួយមេរោគអេដស៍ និង រងការប៉ះពាល់ដោយជំងឺអេដស៍។

ឯកឧត្តមទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ បានធ្វើរបាយការណ៍សង្ខេបជូនលោកជំទាវឧបនាយករដ្ឋមន្រ្តី និង អង្គពិធីអំពីស្ថានភាពឆ្លងរាលដាលនៃមេរោគអេដស៍ និងសមិទ្ធិផលដែលព្រះរាជាណាចក្រកម្ពុជាបានសម្រេចបាន និងបញ្ហាប្រឈមនានាក្នុងការប្រយុទ្ធនឹងការឆ្លើយតបទៅនឹងការរាលដាលមេរោគអេដស៍នៅក្នុងព្រះរាជាណាចក្រកម្ពុជា ដើម្បីជូនជ្រាប និងស្នើសុំអនុសាសន៍ ដ៏ខ្ពង់ខ្ពស់ពីលោកជំទាវតំណាងប្រមុខរាជរដ្ឋាភិបាល។

លោកជំទាវឧបនាយករដ្ឋមន្ត្រី ក្នុងនាមតំណាង សម្តេចអគ្គមហាសេនាបតីតេជោ នាយករដ្ឋមន្ត្រីនៃកម្ពុជា បានសំដែងការកោតសរសើរ អបអរសាទរ និងថ្លែងអំណរគុណ ដល់កិច្ចខិតខំប្រឹងប្រែង របស់អាជ្ញាធរជាតិប្រយុទ្ធនឹងជំងឺអេដស៍ ក្រសួងសុខាភិបាល ដៃគូអភិវឌ្ឍ ម្ចាស់ជំនួយជាពិសេស សហរដ្ឋអាមេរិក មូលនិធិសាកល អង្គការសង្គមស៊ីវិល បងប្អូនប្រជាពលរដ្ឋរស់នៅជាមួយមេរោគអេដស៍ ដែលបានសហការ បំពេញការខ្វះខាត និងជួយដល់រាជរដ្ឋាភិបាលក្នុងការប្រយុទ្ធ និងឆ្លើយតបទៅនឹងជំងឺនេះនាពេលកន្លងមក ហើយសូមលើកទឹកចិត្តក្នុងទិវាពិភពលោកប្រយុទ្ធនឹងជម្ងឺអេដស៍១ធ្នូ ឆ្ពោះទៅរកការសម្រេចបាននូវគោលដៅបញ្ឈប់ការចម្លងមេរោគអេដស៍ឆ្នាំ២០២៥ ក្រោមពាក្យស្លោកថា ឆាប់ធ្វើតេស្តឈាម ឆាប់ព្យាបាល ឆ្ពោះទៅបញ្ចប់អេដស៍ ។

លោកជំទាវឧបនាយករដ្ឋមន្ត្រី ក៏បានរំលឹកដែរថា របៀបវារៈការប្រយុទ្ធនឹងជម្ងឺអេដស៍ ឈានទៅសម្រេចបានគោលដៅបញ្ឈប់ការចម្លងមេរោគអេដស៍ឆ្នាំ២០២៥ មិនជាការងាយស្រួលនោះទេ ពិសេសក្នុងបរិបទថ្មីមួយ ក្នុងនោះយើងត្រូវបង្កើន ការយកចិត្តទុកដាក់ដោយធានាទាំងប្រសិទ្ធភាពប្រសិទ្ធិផល និងចីរភាព។

លោកជំទាវឧបនាយករដ្ឋមន្រ្តី បានគាំទ្រការប្តេជ្ញាចិត្តយ៉ាងមោះមុតរួមគ្នា និងជម្នះឲ្យបានរាល់ឧបសគ្គនានា ដែលរារាំងដល់ការធ្វើអន្តរាគមន៍របស់យើង ពិសេសលើការពង្រឹងយន្តការនៃការគ្រប់គ្រងធនធានមនុស្ស ការចលនាធនធានក្នុងស្រុក ការប្រើប្រាស់បច្ចេកវិទ្យា និងយុទ្ធវិធីថ្មីៗ ក្នុងស្មារតីទទួលខុសត្រូវខ្ពស់ ចាប់ពីថ្នាក់ជាតិ និងថា្នក់ក្រោមជាតិ។

សកម្មភាពរបស់ អ.ជ.ប.ជ.អ នៅលើប្រព័ន្ធផ្សព្វផ្សាយ

សារអេឡិចត្រូនិច

លោកជំទាវឧបនាយករដ្ឋមន្ត្រី ម៉ែន សំអន អញ្ជើញជាអធិបតីក្នុងទិវាពិភពលោកប្រយុទ្ធនឹងជំងឺអេដស៍